Ibrani 13:8 - Izere New Testament

⁸ aYeso Kiristi afe kure be afe katuur ne afe izen izen se azining, a shishing nigaan'e baꞌ.

Ibrani 13:8 Referans Kwoze

aYakub 1:17

Koakye kuri ritek ne kuno̱o̱k kutek kuya ku ta ne naza se gye̱r nufe Ada afe a ta be akanang aya a ta be kaben, aya afe sang a ta shishing kyo̱ndi nawu ta sesek baꞌ.

Ike̱ng a ta tonong aYohana 1:8

Agwo̱m Ágwo̱m yir Adakunom fe̱ ye, “Mi ne i nye Alfa ne aOmega. Wu tu se gbugbang, wu ne a kuse kyo̱o̱rna, wu ne a tà bun a be̱. Mi ne i nye afe kukyem cice̱r.”

Ibrani 1:12

Wan tà ka kunung ba kyo̱ndi ares, a tà yiir ku shishing kyo̱ndi ares. Amma wan shishing baꞌ, aye̱ wan be igak baꞌ.”

Ike̱ng a ta tonong aYohana 1:4

Mi aYohana, ne i sen ka zibir yin'e, naro̱ kuya Adakunom iben kanataar a ta se niben Asiya. Ritek be kameneng riye̱ Adakunom aya a ta se kyo̱o̱rna, wu ne a tú ku se gbugbang, wu ne a tana bun a be̱, ne nabik kanataar na ta se nasho̱o̱n itsik rigwo̱m Adakunom.

2 aKoranti 1:19

Kamok Igon Adakunom, aYeso Kiristi, aya yir be aSila ne aTimoti, tá fe̱ yir itak natoon wu ye, “Ei” ka “Wayo” baꞌ, amma koakye izen a nye “Ei.”

Ike̱ng a ta tonong aYohana 1:11

ye, “Zibir ike̱re̱ iya wan ta di kaye̱e̱r kufumung ta tom ikilisiya kanataar'e. Ikilisiya Afisa ne aSamirna, ne aPagamum be aTiyatira be aSardis ne aFiladefiya ne áfe aLaudikiya.”

2 aKoranti 1:20

Kamok be wu ne Adakunom shining ike̱re̱ wu tá tsang a fe̱ ye wu tá nye cei. Iyong ne i sak kaye̱e̱r riyerek wu ne yir fe̱ yir ye, “Anong,” nong tin tiyiik yir riyerek Adakunom.

aZhud 1:25

Kuyiik nye kufu wu ze̱r, wu aya a ta nye Adakunom Aner Kashesh yir kaye̱e̱r aYeso Kiristi Agwo̱m Ágwo̱m yir. Kuyiik be kukyem ne rigwo̱m be agap nye kufu kum ni ime̱se̱ng'e, be kyo̱o̱rna, be ma izen izen! Anong.