Ibrani 13:24 - Izere New Testament

²⁴ Ku nye shou yin áko̱k kasho̱o̱n yin, be azhe̱l'e cice̱r. Áfe a ta se niben Italiya ta nye yin ashou.

Ibrani 13:24 Referans Kwoze

Ibrani 13:17

Kuus yin ike̱ng iya áko̱k kasho̱o̱n yin ta fe̱, ne i nye yin ike̱ng a ta fe̱ be yin, kamok ba ne a ti sak riye̱ natoon yin kamok a ta tak kuto̱ itomong ba katuk kakak. Ka fok yin ba kuto nong itomong ba ta ka be ba ifeng sang kyo̱ndi acer baꞌ. Ke itomong'e ta sor ba acer, iyong ta ka barang mo yin ike̱ng ikak baꞌ.

Ibrani 13:7

Yiring yin be áko̱k kasho̱o̱n yin áya a ta ka tak yin rife̱ Adakunom. Ye̱re̱k yin kuri kusor kuya ba ta sor nong ta kuus yin kuno̱o̱k katsak ba.

aFilimon 1:5

Mi fos kuri kuno̱o̱k katsak wan ta be natoon Agwo̱m Ágwo̱m yir aYeso ne kuri kushim wan tá shim ázhe̱l'e cei.

Itomong Ámanzo 18:2

Azong a se se̱ aner aYahuda'me akak riyerek wu tá nye Akila, a nye aner aPontus. A ne nuwo̱p Italiya a tá be̱ be abining wu aBiriskila kaye̱e̱r inom'e yong kamok agwo̱m aKalaudiyus sak áner aYahuda ye á ra dorok cice̱r ba á ta won kaben aRom. Iyong aBulus tseng a tú ku di ba.

aKolosi 1:2

yin ároneng ázhe̱l'e, aya a ta be katsak áya a ta se na aKolosi. Ritek be kameneng riye̱ Adakunom a ta nye Ada yir se mak be yin.

aFilipi 4:22

Áfikuus aze cice̱r ta nye yin ashou, atuk áfekasa aKaisar baꞌ.

2 aKoranti 13:13

Ázhe̱l'e aze cice̱r ta ka nye yin ashou.

2 aKoranti 1:1

Mi aBulus, aya Adakunom tin kasa nong ta te amanzo aYeso aKiristi, i ta se yir mak be aronyining yir aTimoti, ne i sen ka zibir yin kufumung na, yin áfikuus Adakunom áya a ta se na aKoranti ne ázhe̱l'e áya ta se niben Akaya cice̱r.

aFilipi 1:1

Mi, aBulus ne aTimoti, i ta nye yir ásam aYeso Kiristi, ne i sen ka zibir yin kufumung na yin azhe̱l cice̱r áya a tá kuus aYeso Kiristi na aFilipi. Yir bun i nye shou yir áko̱k kasho̱o̱n ikilisiya ne ádikon.

Itomong Ámanzo 27:1

Nizen iya a tin sak ye yir ra no̱ yir nukpara ashi nong ta tseng yir niben Italiya, yong a won aBulus be áfe itso̱m ákak nubo̱k aritek ásozha aRom akak riyerek wu tá nye aZhuliyos. Akak kaye̱e̱r ásozha a tá yis ye, ásozha aKaisar.

Itomong Ámanzo 9:13

Amma Ananiya fe̱ ye, “Agwo̱m Ágwo̱m, ánerawe whe̱re̱ min taas itak aner na be kuri kunyeen a tá nyeen ázhe̱l'e na aUshalima.

1 aKoranti 16:16

i ra fok yin áner ayong kuto, cei be áya i ta nye yir itomong mak ne i can yir mak.