Ibrani 13:23 - Izere New Testament

²³ Mi shim ta ka tak yin ye an tun aronyining yir aTimoti nitso̱m. Ke wu gum be̱, mi ta be̱ mak be wu nong ta ka di yin.

Ibrani 13:23 Referans Kwoze

aFilimon 1:1

Mi, aBulus, aya a tin te nitso̱m kamok aYeso Kiristi ne aronyining yir aTimoti ne i ta zibir wan kufumung na aFilimon, agbang aferime̱ yir ne i bun i nye aferime̱ itomong yir.

1 aTasalonika 3:2

Yir tom yir aTimoti, aronyining yir aya a ta nye itomong Adakunom mak be yir ne a taas Rife̱ Ritek aKiristi. Yir tú ku tom yir nong a tà be̱ a tà ka barang mo yin agap ne a ka tsesek yin, kaye̱e̱r kuno̱o̱k katsak yin,

2 aTimoti 1:8

Kamok anong sang tú fok isum kufe̱ itak natoon Agwo̱m Ágwo̱m yir baꞌ, ka isum'i kamok a tin te nitso̱m kamok wu baꞌ. Amma gung rice be mi kaye̱e̱r risam'me kamok Rife̱ Ritek'e ne i ni fereng nukyem Adakunom.

Ike̱ng a ta tonong aYohana 7:14

Iyong mi fe̱ be wu ye, “Atekasa, wan ren.” Ayong a fe̱ ye, “Áner na ne á nye áner aya a tá wuruk na amaan risam án kusu ares ba be naso̱k Aturuk'e á ta te akan pes.”

aFilimon 1:22

Ike̱ng ikak izining mi ta shim ke wan ren gbak nye, nye kutu átsen kamok mi, kamok mi n te riye̱ kube̱ nufe yin ke Adakunom fok aduwa yin a tin won.

1 aTimoti 6:12

Ko̱n kuren kutek kaye̱e̱r kuno̱o̱k katsak. Yiir kutser kufe izen izen kuya a ta ka yis mo nizen iya wan ta fe̱ nasho̱o̱n ánerawe whe̱r ye wan shan aKiristi.

aRom 15:28

Ke mi gang itomong na, mi di kutom na no̱ nubo̱k ba dim, mi ta tseng na Abaniya, amma ta tire̱e̱r nufe yin.

aRom 15:25

Amma kyo̱o̱rna, mi se niren ku be na aUshalima nong ta se no̱o̱k ázhe̱l'e áfe Adakunom kutom ba.

aKolosi 1:1

Mi aBulus, aya Adakunom tá kasa nong a tá te amanzo aYeso Kiristi, mak be aronyining yir aTimoti ne i ta zibir yin kufumung na,