Ibrani 13:17 - Izere New Testament

¹⁷ Kuus yin ike̱ng iya áko̱k kasho̱o̱n yin ta fe̱, ne i nye yin ike̱ng a ta fe̱ be yin, kamok ba ne a ti sak riye̱ natoon yin kamok a ta tak kuto̱ itomong ba katuk kakak. Ka fok yin ba kuto nong itomong ba ta ka be ba ifeng sang kyo̱ndi acer baꞌ. Ke itomong'e ta sor ba acer, iyong ta ka barang mo yin ike̱ng ikak baꞌ.

Ibrani 13:17 Referans Kwoze

1 aTimoti 5:17

A rin sak riye̱ dide̱ng na áko̱k kasho̱o̱n ikilisiya áya a ta nye itomong ba gye̱r, abanang áya itomong ba ta nye awazi rife̱ Adakunom be kubo̱so̱p ánerawe'me ba.

Ibrani 13:7

Yiring yin be áko̱k kasho̱o̱n yin áya a ta ka tak yin rife̱ Adakunom. Ye̱re̱k yin kuri kusor kuya ba ta sor nong ta kuus yin kuno̱o̱k katsak ba.

1 aBitrus 5:5

Anong ne yin ácam gip, kuus yin ike̱ng iya ako̱k kasho̱o̱n ikilisiya yin ta ka tak yin. Cice̱r yin, mees yin rice nong ta naka nye yin itomong kamok i se ni izibir ye, “Adakunom rawu áya a ta kok rice naza, amma a nyesek áya a ta mees rice ritek wu.”

Itomong Ámanzo 20:28

Ni sak yin riye̱ rice yin, ne kukpara kuya Kabik Kazhe̱l'e ta ka sak yin'e nong ta sor yin áko̱k kasho̱o̱n. Ya yin kasho̱o̱n be kufek áfikuus Adakunom áya wu tá shan be naso̱k Igon wu.

1 aKoranti 16:16

i ra fok yin áner ayong kuto, cei be áya i ta nye yir itomong mak ne i can yir mak.

aFilipi 2:12

Kamok anong, ároneng áya mi ta shim, kyo̱ndi yin tan me̱ ne i ni fok yin ato, ko mi tu se mak be yin baꞌ, to̱, kyo̱o̱rna mi se mak be yin baꞌ. Ya yin kasho̱o̱n be kunye itomong kutonong kashesh yin be kufok inyim Adakunom ne ku sor kutek.

aFilipi 2:29

Ku shan yin kaye̱e̱r riyerek Agwo̱m Ágwo̱m yir aYeso be riye̱ rikan dide̱ng. Mi shim yin tu tiyiik yin áner aya a ta se kyo̱ndi wu anong gip,

aRom 14:12

Kamok anong, koangan yir ta tak ike̱ng iya wu tá nye nasho̱o̱n Adakunom.

2 aTasalonika 3:14

Ke aner akak rawu ku kuus ike̱ng yir tá zibir kaye̱e̱r kufumung na, to̱, ni sak yin riye̱ ni wu. Sang tu gung yin rice be wu baꞌ, nong ase̱ a tà fok isum.

Ibrani 13:24

Ku nye shou yin áko̱k kasho̱o̱n yin, be azhe̱l'e cice̱r. Áfe a ta se niben Italiya ta nye yin ashou.

aFilipi 4:1

Kamok anong, ároneng afe riye̱ mi, aya mi ta min te riye̱ ke mi ka di yin ne mi ni be riye̱ rikan ne mi niya kuka, ye i ra nyeseng yin kpa ni ikuus Agwo̱m Ágwo̱m yir aYeso. Yin áya mi ta shim.

aFilipi 3:18

Kyo̱ndi mi tá yiir ka taas yin, kyo̱o̱rna mi bun i fe̱ ma be nanyisi ye, ákak yin n te kyo̱ndi ámudo̱n riku aKiristi natoon kukon.

aYakub 4:7

No̱o̱k yin Adakunom rice yin, kam yin be Ishetan nong wu ta kam be yin.

aFilipi 1:4

Koakye izen iya ne mi ta nye aduwa, mi nye be riye̱ rikan kamok yin cice̱r.

aLuka 16:2

Ayong arum'e yis aner a tin sak riye̱ nike̱re̱'me nong a tú ku rip ye, ‘Akye̱ kuri rife̱ ne mi foos natoon wan e̱? Ni tonong itomong wan tá nye. Wan tà ba ni nye itomong baba baꞌ.’

aFilipi 2:16

Taas yin rife̱ kutser kaye̱e̱r katsak nong ba tà ren Adakunom, nong ase̱, mi tin tsor kafok be yin katuk kube̱ aKiristi, fan itomong'i bun te kpe̱de̱ng.

Afisa 5:21

Naka foos yin kamok kuyiik aKiristi.