Ibrani 13:16 - Izere New Testament

¹⁶ Sang tu won ku naka tobok yin ne i naka nye yir ritek baꞌ, kamok riye̱ Adakunom kare̱p be asidaka kuri ayong.

Ibrani 13:16 Referans Kwoze

2 aTasalonika 3:13

Amma yin ároneng, sang tu ro̱n yin be kunye kunye ritek baꞌ.

aRom 12:13

Kasap yin ike̱ng yin ta be yin be áner Adakunom áya a ta se kaye̱e̱r kutser. Shim yin kushashang átsen.

aGalati 6:10

To̱, kamok anong, ke i se̱ yir izen, i tonong yir koangan kuse kutek, abaan áfikuus baꞌ.

Ibrani 6:10

Adakunom won dar a nye gye̱r baꞌ. A tà tiburum be itomong ne kushim yin tú ku tonong yin kuya yin tá tobok yin ánerawe wu baꞌ. Ne i ya yin kasho̱o̱n be kunye anong.

1 aTimoti 6:18

Ka tak ba be agbang kuto̱ ye á ra nye kunye kutek, á rin barang kurum kunye kunye kutek dide̱ng ne a se washak ne a shim kuno̱o̱k ike̱ng.

aFilipi 4:18

A min karang cei, ma i nar ike̱ng iya mi ta tse̱r. Mi ma se̱ ike̱ng mi ta tse̱r makong, kyo̱o̱rna mi ta shan ike̱re̱ iya yin tá no̱o̱k yin Apafurotus. Ike̱re̱'me se kyo̱ndi name iko̱o̱n itek, asidaka aya Adakunom ta shan ne a fok kusas'e.

Afisa 4:28

Aner a ta tsang a nye itsang tu ba nye baꞌ, a ra nye itomong ne a nye ike̱ng ikak itek be ibo̱k wu nong a ta se̱ ike̱ng ikak a tana nang aya sang a tà be baꞌ.

1 aTasalonika 5:15

Sak yin riye̱, sang tu ku karang yin imaan'e be rimaan'e baꞌ. Amma koakye izen se yin gye̱r be áfudang yin ne ánerawe cice̱r.

Itomong Ámanzo 10:38

Adakunom shining aYeso a ta nye afu Nazaret be Kabik Kazhe̱l'e ne kukyem. aYeso tsang a tseng koake̱ ne a tsang a nye ritek ne a tsang a sak áner aya a tá se nubo̱k Ishetan te atser kamok Adakunom se ma be wu.

aLuka 18:22

aYeso tá fa fok anong, ne a fe̱ be wu ye, “Wan ru raar nike̱ng izining. Re̱e̱s koakye wan ta be, kasap áfe rizor itso̱m'e. Wan tà se̱ kurum naza nong ta be̱ tin kuus.”

3 aYohana 1:11

Are̱, wan aya mi ta shim, sang tu kuus ike̱re̱ iya i ta nye imaan'e baꞌ, kuus iya i ta nye itek. Koangan a ta nye ike̱ng i ta se gye̱r tonong ye wu nye igon Adakunom. Amma aner a ta nye amaan ike̱re̱ tonong ye sang wu ren Adakunom baꞌ.

aGalati 6:6

Koangan afe a tu ku bo̱so̱p rife̱ aKiristi, ra kasap ike̱re̱ wu itek, be aner aya a tu ku bo̱so̱p'e.

aFilimon 1:6

Aduwa mi se ye wan tin barang ifeng ni itaas itak natoon kuno̱o̱k katsak wan, nong ase̱ wan ta ren koakye kuri ike̱ng itek yir ta be yir kaye̱e̱r aYeso Kiristi.

aFilipi 4:14

Amma yin nye yin gye̱r i tin tobok yin kaye̱e̱r risam mi.

Itomong Ámanzo 9:36

Abining akak tuse na aZhopa a tá nye abafe ifikuus'e, riyerek wu nye aTabita (ke a kirik'e ne a te aDokas). A tonong kuse kutek koakye izen ne a tobok áfe rizor.