Ibrani 13:15 - Izere New Testament

¹⁵ Kamok anong, won tu kerek yir Adakunom kaye̱e̱r aYeso be abom nanu yir. Iyong ta sor asidaka aya i tana no̱o̱k yir, tu ku kerek yir ne i tiyiik yir riyerek wu.

Ibrani 13:15 Referans Kwoze

aRom 12:1

Kamok anong, ároneng, mi ta nye yin akusuk kaye̱e̱r kuro̱ riye̱ Adakunom ye i ra no̱o̱k yin iro̱m yin kyo̱ndi asidaka atser, azhe̱l'e, kuri aya Adakunom a tana fok kusas'e. Iyong ne i nye iren kuya Adakunom iben kufe katsak.

1 aBitrus 2:5

Yin gip, ma te yin kyo̱ndi kuta rino̱k kutser a tanin no̱k kasa kuri kafe kabik nong yin ta nye yin itomong ritsi rizhe̱l'e. Yin ta nye yin asidaka kabik azong kuri aya Adakunom ta shim kamok aYeso Kiristi.

aMatiyu 11:25

Nizen iyong aYeso fe̱ ye, “Mi be riye̱ rikan Ada, Agwo̱m Ágwo̱m atek kaza be kaben, kamok wan ta ne̱r áya a ta be ritseng ne áya a ta ren ike̱ng, ike̱re̱ na ne i tonong áya a ta be kumees rice.

1 aBitrus 4:11

Ke akak be kunang nye awazi Rife̱ Ritek, to̱, a ra taas kyo̱ndi Adakunom ne a sen taas'e nanu wu. Ke akak be kunang kutobok akak, to̱, a ra nye be agap Adakunom tú ku no̱o̱k nong ase̱ kaye̱e̱r koakye Adakunom ta se̱ nakerek kamok aYeso Kiristi. Kuyiik be kukyem nye kufu ma izen izen. Anong.

Afisa 2:18

Kamok wu ne yir ti se̱ yir iren ku be nufe Ada, iren izining, iya ita se kaye̱e̱r Kabik.

Ibrani 7:25

Kamok anong, a ta kyem a shesh koangan a ta gor nufu a ta tseng nufe Adakunom, a ta sor ma izen izen ne a yiir nye aduwa kamok ba.

aKolosi 1:12

ne i yiir nye yin riye̱ rikan be Ada, kamok wu ne a sak yir ta kyem i te yir áfe kuya kutse ike̱re̱ na, iya a tá nye kamok ázhe̱l'e kaye̱e̱r rigwo̱m akanang.

aRom 6:19

Mi fe̱ rife̱ na kuri rife rinerawe kamok kuraar yin kufe ánerawe. Kyo̱ndi yin tá tsang i sok yin abas akak afe kuro̱m yin nong i tin nye yin ike̱re̱ i ta se kye̱re̱ ne amaan kunye, kyo̱o̱rna no̱o̱k yin rice yin kyo̱ndi ásam natoon kunye ike̱re̱ i tana tonong ye yin se yin gye̱r nong ta te yin azhe̱l'e.

aYohana 10:9

Mi ne i nye kanukutu'me, aner aya a gor nunaan a tà se̱ kashesh. A tà no̱ kaye̱e̱r'e ne a bun a wuruk, a ta se̱ karo̱ kufek katek.

aYohana 14:6

aYeso fe̱ be wu ye, “Mi ne i nye iren, ne i nye katsak ne i nye kutser. Akak ta kyem tseng nufe Ada'me baꞌ, ma a gor nunaan.

aLuka 10:21

Nizen iyong aYeso n shining be Kabik Kazhe̱l'e yong a fe̱ ye, “Mi be riye̱ rikan be wan, Ada agbang, Agwo̱m Ágwo̱m, wan afe i tá nye kaza be kaben, kamok wan ne̱r áya a tá be kukyem ne áya a tá ren ike̱ng natoon ike̱re̱ na nong i ta tonong áya a ta se kyo̱ndi inoon zhizhe̱k. I se gye̱r anong, Ada, kamok iyong ne i nye kushim riye̱ wan.

Ibrani 12:28

Kamok anong kum yir tanan no̱ yir kaye̱e̱r rigwo̱m riya sang a tana zuur baꞌ, won i tu tonong yir riye̱ rikan, ne iya yir Adakunom iben kyo̱ndi wu ta shim, be kuyiik ne ikap kutiim,