Ibrani 12:3 - Izere New Testament

³ Ye̱re̱k yin tá di yin kuri risam riya a tá so̱ nubo̱k ánerawe a ta nye áfe rine̱n fan a ba ka te yin gbe̱re̱k ne yin ni tun yin riye̱.

Ibrani 12:3 Referans Kwoze

aGalati 6:9

Kamok anong sang tu ro̱n yir be kunye kutek baꞌ, kamok izen saase ife i tana se̱ yir ishorong itomong yir, ke yir te yir wa baꞌ.

2 aKoranti 4:16

Kamok anong yir min tun yir riye̱ baꞌ. Iro̱m yir na ya kasho̱o̱n be kubeseng, amma kaye̱e̱r kabik yir se̱s yir agap koakye izen.

Ike̱ng a ta tonong aYohana 2:3

Mi ren wan n tsesek, wan tsesek kaye̱e̱r risam kamok riyerek'i, wan ro̱n baꞌ.

1 aKoranti 15:58

Kamok anong ároneng'i mi ta shim, nyeseng yin be agap, tu te yin tuk tuk baꞌ. No̱o̱k yin rice yin nong ta nye yin itomong Agwo̱m Ágwo̱m yir aYeso dide̱ng koakye izen, kamok yin ren yin ye itomong yin ta nye yin kamok Agwo̱m Ágwo̱m yir aYeso se bap baꞌ.

Ibrani 12:2

Won tin sak yir anyisi na aYeso wu ne a ta nye ritin kuno̱o̱k katsak yir ne a nye aner aya a tana sak kuno̱o̱k katsak yir tanan mumak. A tsesek kaye̱e̱r risam riku wu kamok ike̱ng riye̱ rikan i ta se nasho̱o̱n. A fok isum riku wu natoon kukon baꞌ. Kyo̱o̱rna a se nusonong nubo̱k riya itsik rigwo̱m Adakunom.

Ibrani 3:1

Kamok anong, ároneng azhe̱l'e, yin áya i tin se yin kaye̱e̱r kuyis kufe kaza na, to̱, yin tsik natoon aYeso, a ta nye Amanzo ne Agbang Atsi niren yir ta min no̱o̱k yir katsak.

2 aKoranti 4:1

Kamok anong, kum yir ta nye yir itomong na kaye̱e̱r kuro̱ riye̱ Adakunom, yir min tun yir riye̱ baꞌ.

aYohana 5:16

Kamok aYeso tá nye ike̱re̱ na katuk Asabar, áner aYahuda tu tabak.

Ibrani 12:5

Ka yin n tiburum yin be rife̱ kutsesek yin kuya Adakunom ta nye, a ta ka yis yin ye inoon wu a? Ye, “Igon'i, tu zhe̱e̱sh kunees kuya Agwo̱m Ágwo̱m ta ka nye'me baꞌ. Ke a ta tigba, a ta ka te gbe̱re̱k baꞌ,

aLuka 14:1

Katuk Asabar akak, nizen aYeso tá tseng nong a tà se yas numa ako̱k kasho̱o̱n aner aFarisi akak, ánerawe tú ye̱re̱k kyur kyur.

2 aTasalonika 3:13

Amma yin ároneng, sang tu ro̱n yin be kunye kunye ritek baꞌ.

aYohana 18:22

aYeso tá fa fe̱ anong ne azining kaye̱e̱r áya a tá tor karo̱ kuya Adakunom iben'e ku barak kubo̱k nanyisi. Ne a fe̱ be wu ye, “Anong ne wan tá shiish agbang atsi'me a?”

aYohana 8:52

Ayong áner aYahuda'me fe̱ be wu ye, “Kyo̱o̱rna yir ren yir ye wan be amaan kabik! Ibrahim be áner kuzarap Adakunom gip á kus, ne wan ra fe̱ ye, ‘Aner aya a ta ka kuus a tà ku baꞌ.’

aYohana 8:59

aYeso ta fa fe̱ anong, yong á bo̱ ata nong á tú ku barak mo. Amma aYeso ne̱re̱ng nong a tá wuruk kaye̱e̱r agbang kutu kuya Adakunom iben'e.

aYohana 8:13

Ayong áner aFarisi ame fe̱ be wu ye, “Di, wan bun i fe̱ natoon rice wan, wan tonong ye wan be katsak baꞌ.”

aYohana 7:12

Kaye̱e̱r rigwo̱m ánerawe'me ákak fe̱ cucuk natoon aYeso. Ákak fe̱ ye, “A nye aner atek.” Ne ákak fe̱ ye, “Wayo, a wo̱ro̱k ánerawe.”

aLuka 16:14

Áner aFarisi á ta shim itso̱m dide̱ng tá fa fok anong, ne á ni ko̱k acoop na aYeso.

aLuka 15:2

Áner aFarisi be áfe kubo̱so̱p Itsi kpaan anyinye̱m ye, “Aner na nye rime̱ be áfe rine̱n, ne a yas mak be ba.”

aLuka 5:21

Áner aFarisi be áfe kubo̱so̱p Itsi ame, kpaan kuto̱ naye̱ ba ye, “Angan ne a zhe̱e̱sh Adakunom na e̱? Angan ta kyem a re̱ng anerawe rine̱n wu, sang ke Adakunom baꞌ e̱?”

aLuka 2:34

Ne aSiman ku te ba kuce̱ a tá fe̱ be aMarya anyining igon'e ye, “Adakunom tsang a sak igon na tà sak ánerawe Isarela akak tu ku bun kama, ne a sak ákak ta ya kasho̱o̱n. A tà sor ike̱ng ánerawe tanin fe̱ imaan'e natoon wu,

aMatiyu 22:15

A sen sor ne áner aFarisi se nye ibo̱ro̱ng nong á ta di ka aYeso tá taam kaye̱e̱r rife̱ wu.

aMatiyu 21:46

Iyong á tse̱r iren nong á tu ku yiir, amma á tá fok inyim ánerawe kamok ánerawe'me shim ye aYeso nye aner kuzarap.

aMatiyu 21:23

aYeso tá no̱ kaye̱e̱r kubang agbang kutu kuya Adakunom iben ame, nizen iya a ta sen ibo̱so̱p ánerawe'me ágbang atsi ne ásho̱n aner aYahuda be̱ nufu á tu ku rip ye, “Be akye̱ kuri kukyem ne wan ti nye ike̱re̱ na e̱? Angan ta no̱o̱k iren kunye ike̱re̱ na e̱?”

aMatiyu 15:2

“Akye̱ sak álimazhiri wan gaar ku kuus igo̱o̱n átukop yir ba ta ya naya dar ku kusu ibo̱k e̱?”

aMatiyu 12:24

Nizen áner aFarisi tá fa fok anong, iyong á fe̱ ye, “Be kabik aBazabul agwo̱m ítseng ne aner na ti turung amaan nabik'e.”

aMatiyu 11:19

Igon Anerawe be̱ a yas ne a so̱, yong ba fe̱ ye a ma ka yas ne a so̱, ne a nye rime̱ be áfe kushashang itso̱m iben ne áfe rine̱n. Gip be anong mi di kukyem Adakunom be itomong wu.”

aYohana 9:40

Áner aFarisi akak aya a tá se be wu tú fok a tá fe̱ anong, yong á tu ku rip ye, “Akye̱ e̱? Yir nye yir ákpato̱o̱n'e gip e̱?”

aYohana 10:20

Whe̱re̱ kaye̱e̱r ba fe̱ ye, “A be amaan kabik, an te afunam'e. Akye̱ sak yin tú ku fok yin e̱?”

1 aBitrus 2:23

Nizen iya ánerawe tú ku barak ritok, a tú ku karang baꞌ, nizen a tá so̱ risam a fe̱ ye wu tú ku karang baꞌ, a ban a ti te riye̱ na Adakunom aya a tana to̱ amok afe katsak ingya.