Ibrani 12:28 - Izere New Testament

²⁸ Kamok anong kum yir tanan no̱ yir kaye̱e̱r rigwo̱m riya sang a tana zuur baꞌ, won i tu tonong yir riye̱ rikan, ne iya yir Adakunom iben kyo̱ndi wu ta shim, be kuyiik ne ikap kutiim,

Ibrani 12:28 Referans Kwoze

Ibrani 13:15

Kamok anong, won tu kerek yir Adakunom kaye̱e̱r aYeso be abom nanu yir. Iyong ta sor asidaka aya i tana no̱o̱k yir, tu ku kerek yir ne i tiyiik yir riyerek wu.

Ibrani 4:16

Won yir tu be̱ yir nasho̱o̱n itsik ritek Adakunom'me be riye̱ rizining, nong ase̱ ta se̱ yir kuro̱ riye̱ be ritek nizen iya i ta se yir kaye̱e̱r kutse̱r.

1 aBitrus 2:5

Yin gip, ma te yin kyo̱ndi kuta rino̱k kutser a tanin no̱k kasa kuri kafe kabik nong yin ta nye yin itomong ritsi rizhe̱l'e. Yin ta nye yin asidaka kabik azong kuri aya Adakunom ta shim kamok aYeso Kiristi.

Ike̱ng a ta tonong aYohana 1:6

Wu ne a bun a tin sak yir i ta te yir áner aya wu tin nye rigwo̱m ne i te yir átsi kunye Adakunom a ta nye Ada itomong. Kamok anong won kuyiik be kukyem tu sor kufu ma izen izen. Anong!

1 aBitrus 1:17

Kum yin ta yis yin Adakunom ye “Ada”, nizen iya yin ta nye yin aduwa. To̱, sor yin be ikap kutiim ma katuk kaya yin tana gang yin ritsen yin kaye̱e̱r kazatse na. Kamok wu nye aner ku to̱ amok. Wu tin kasa baꞌ, nizen iya aya a ta sen bo̱so̱p itomong ánerawe wu baꞌ.

aRom 11:20

Katsak'e yong. Amma a tu turung ba kamok kuwon dar kuno̱o̱k katsak ba, yin se yin azong kamok kuno̱o̱k katsak yin. Tin ya yin kuka baꞌ, amma nye yin tatan.

Ike̱ng a ta tonong aYohana 15:4

Angan ne a ta fok inyim wan baꞌ, agbang Agwo̱m Ágwo̱m a tana won dar a tiyiik riyerek wan e̱? Kamok wan ze̱r tsek ne i se zhe̱l. Ánerawe kazatse cice̱r ta be̱s á ta ka ya iben kamok wan tonong ye kunye wan nye kufe katsak.”

1 aBitrus 2:20

Ke á ta whereng yin natoon rine̱n riya yin ta nye yin, ko yin tsesek kaye̱e̱r'e, yin be yin ishorong ike̱ng ikak natoon'e baꞌ. Amma ke yin so̱ yin risam'me kamok kunye kutek, ne i tsesek yin Adakunom tà ka te yin ritek.

Ike̱ng a ta tonong aYohana 5:10

Wan tú ku sak ba á ta te áner rigwo̱m wan be átsi nong a ta nye Adakunom yir itomong, á tin nye rigwo̱m natoon kazatse.”

Ibrani 10:19

Kamok anong, ároneng, yir ta kyem i no̱ yir Naro̱ ka ta Nar Kuse Zhe̱l be riye̱ rizining kamok naso̱k aYeso.

Ibrani 3:6

Amma aKiristi tonong katsak kyo̱ndi igon a tu ku no̱o̱k kukyem a tanin sak riye̱ natoon ánerawe Adakunom cice̱r. Yir ne i nye yir ánerawe'me, ke i ya yir kasho̱o̱n be ku naka tsesek ne ku ni te riye̱ kuya i tin tsor yir kafok natoon'e ma nigang'e.

aMatiyu 25:34

“Ne Agwo̱m'me fe̱ be áya a ta se nabas kubo̱k riya wu ye, ‘Be̱ yin, yin aya Ada mi ta ma ka te yin kuce̱. Be̱ tà sok yin rigwo̱m riya Adakunom ta ma ka nye yin'e kum nizen a tá nye kazatse.

Ibrani 5:7

Nizen aYeso tá se aze nazatse, a tá kuto̱ naza a tá nye aduwa ne a nye izong be nanyisi nufe Adakunom aya a tana kyem a ku shesh kaye̱e̱r riku. Adakunom tú fok kamok a nye aner a tá mees rice.

aFilipi 4:18

A min karang cei, ma i nar ike̱ng iya mi ta tse̱r. Mi ma se̱ ike̱ng mi ta tse̱r makong, kyo̱o̱rna mi ta shan ike̱re̱ iya yin tá no̱o̱k yin Apafurotus. Ike̱re̱'me se kyo̱ndi name iko̱o̱n itek, asidaka aya Adakunom ta shan ne a fok kusas'e.

Afisa 5:10

Ne i tse̱r yin ike̱ng iya i tana kare̱p Adakunom riye̱.

Afisa 1:6

A nye anong, nong yir tà kerek yir kuyiik ritek wu, riya wu tin no̱o̱k yir nawarak kamok Igon wu kaya wu ta shim.

aLuka 1:33

A tin i nye rigwo̱m nasa aYakub ma izen izen, rigwo̱m wu tà gang ze̱e̱r baꞌ.”

Ibrani 13:21

ta ka no̱o̱k yin koakye ike̱ng i ta nye itek, nong ta nye ike̱ng iya wu ta shim. Won wu tu nye ike̱ng iya i tu ku se gye̱r be yir kaye̱e̱r aYeso Kiristi. Won kuyiik tu sor kufu ma izen izen. Anong!