Ibrani 12:27 - Izere New Testament

²⁷ Rife̱ a ta fe̱ ye, “kutak kuzining'ong” tonong ye, a ta turung ike̱re̱ iya a ta zuur'me; i ta nye ike̱re̱ iya Adakunom tá nye, kamok ike̱re̱'me ikak iya sang a tá kyem á zuur baꞌ, kuse.

Ibrani 12:27 Referans Kwoze

1 aKoranti 7:31

Cice̱r yir i tin nye yir itomong be ike̱re̱ kazatse na, i tin te yir riye̱ nike̱re̱'me baꞌ, kamok kazatse yir ta di yir na tà gang.

aMatiyu 24:35

Kaza be kaben ta gor, amma ko rife̱ mi sen gor ze̱r baꞌ.

Ike̱ng a ta tonong aYohana 21:1

Ne mi di kaza kafas be kaben kafas, kamok kaza kafe ime̱se̱ng'e ne kaben kafe ime̱se̱ng wei, agbang adung ashi tu ku se baꞌ.

Ike̱ng a ta tonong aYohana 11:15

Ayong amaleka afe kanataar ame tá fa fe̱e̱p rigba rifu, ne a fok íto̱ íkak kanang kaye̱e̱r kaza i ta fe̱ ye, “Rigwo̱m kazatse n te rife Agwo̱m Ágwo̱m yir ne aKiristi wu, wu ne a ta nye rigwo̱m ma izen izen.”

aRom 8:19

Koakye ike̱ng Adakunom ta nye sen tor be ifeng nong á tà di inoon Adakunom'me.

aRom 8:21

ye ike̱re̱'me cei be rice ba tà se̱ kashesh, a tà ba bus baꞌ. I ta se̱ kusor ne̱k'ong be kuyiik a tana tonong inoon Adakunom'me.

Ibrani 1:10

A bun a fe̱ ye, “Kum ni ime̱se̱ng'e, Agwo̱m Ágwo̱m, wan ne i barak ribor kazatse, kaza nye itomong ibo̱k wan.

Ibrani 9:11

Nizen iya aYeso tá be̱, wu ta nye agbang atsi afe ike̱re̱ itek iya i tan be̱ nakuruk, kubur kuya wu tin nye itomong kaye̱e̱r'e se yiik ne ku nar. Ku nar kubur kuya anerawe ta tar zhe̱l, kubur'ong nye kufe kazatse na baꞌ.

Ibrani 13:14

Yir be yir kuwo̱p kufe ku tana sor ma izen izen aze nazatse na baꞌ, amma yir min te yir riye̱ nuwo̱p kuya ku tana be̱.

Ike̱ng a ta tonong aYohana 21:4

A tà ka re̱ng ba nanyisi cei. Riku ka riye̱ riwe ka kanak ka kuro̱'me ba sen kuse baꞌ, kamok ike̱re̱ kazatse izen cice̱r tà wei.”

Ike̱ng a ta tonong aYohana 21:5

Ayong afe a tá tsang a sonong natoon itsik rigwo̱m ame fe̱ ye, “Di yin, mi sen nye koakye ifas!” A bun a fe̱ be mi ye, “Zibir rife̱ na, kamok rife̱'me nye katsak ne ri nye ike̱ng iya a tana kuus.”