Ibrani 12:24 - Izere New Testament

²⁴ Yin n be̱ yin nufe aYeso a ta igaas kushu kufas, ne nufe naso̱k a ta mis na ta be ritek ne na nar naso̱k aHabila.

Ibrani 12:24 Referans Kwoze

Ibrani 9:15

Kamok anong, aKiristi ne a se natite kushu kufas nong ase̱ áfe a ta ma ka yis ba tà shan kutser kufe izen izen kuya Adakunom ta fe̱ ye a tà no̱o̱k. Kyo̱o̱rna wu ku nong a tà ka shesh ba kaye̱e̱r rine̱n rife ba tá tsang á nye kaye̱e̱r kushu kufe ime̱se̱ng'e.

Ibrani 11:28

Natoon kuno̱o̱k katsak ne wu ti yiring be aPasova be kumis naso̱k fan amaleka afe a tana fe̱s inoon ime̱se̱ng'e ta fe̱s nafe áner Isarela.

Ibrani 11:4

Natoon kuno̱o̱k katsak ne aHabila ti nye Adakunom asidaka afe a tá nar afe aKayinu. Be anong ne a se̱ kushim Adakunom ye wu nye aner atek nasho̱o̱n Adakunom kamok a shan asidaka wu. aHabila n ku, amma kamok kuno̱o̱k katsak wu a ru fe̱ kanu ma kyo̱o̱rna.

Ibrani 8:6

Itomong aYeso tá nye se yiik ne i nar ifuba cei, kyo̱ndi kushu kufas wu tin no̱ natite ánerawe be Adakunom ta nar kuse yiik. Ike̱re̱ Adakunom tá fe̱ ye a ta nye nar kunye itek gip.

1 aTimoti 2:5

Kamok Adakunom se azining, aner aya a ta no̱ natite Adakunom be ánerawe se azining, aner'e nye aYeso Kiristi.

aMatiyu 26:28

Iyu ne i nye naso̱k'i, nafe kushu kufas na, aya a tana nyosong kamok ánerawe whe̱re̱ nong a tin re̱ng rine̱n ba.

aMatiyu 23:35

Kamok anong, natoon ace yin ne a tà tse̱r naso̱k aner aya a ta se zhe̱l nasho̱o̱n Adakunom cei, áfe yin tú ku fe̱s yin ba kaye̱e̱r kazatse kum be aHabila aner azhe̱l'e nasho̱o̱n Adakunom ma nizen aZakariya igon aBerikiya, aya yin tá fe̱r yin natite agbang kutu kuya Adakunom iben be karo̱ kunye asidaka.

aLuka 22:20

Anong gbak, nama á tá ya abiredi'me, a bun a sok ashi anap, a tá fe̱ ye, “Ashi anap na nye kushu kufas be naso̱k'i, naya mi tana nyosong kamok yin.

1 aBitrus 1:2

Yin áya Adakunom a ta nye Ada ne a tá ka kasa yin kaye̱e̱r kanye̱k wu gbugbang, a bun a tá ka sak yin nong yin ta te yin ázhe̱l'e kamok kukyem Kabik Kazhe̱l'e. Kunyek wu nye nong i tá fok yin aYeso Kiristi kuto ne kumis naso̱k wu. Ritek ne kameneng riye̱ Adakunom se mak be yin dide̱ng.

Ibrani 10:22

Won tu be̱ yir bubarak be Adakunom be riye̱ rizining, be kuno̱o̱k katsak kamok aYeso ti mis naso̱k wu na agak aye̱ yir. A bun a kusu iro̱m yir be ashi a ta se zhe̱l.

Ibrani 9:21

aMusa ti mis naso̱k'e natoon kubur'e be ike̱re̱ iya a tin nye itomong cei gip.

Ibrani 13:20

Won Adakunom aya a ta nyesek kameneng riye̱, aya a tá dorok aYeso nure̱k kamok naso̱k kushu kufas, won wu afe a ta nye afek atek,

Ibrani 7:22

Kamok kushu Adakunom na, aYeso tonong ye kushu'me nye katsak ne ku nar ribir'e cei.

aLuka 11:51

kum nizen a tá fe̱r aHabila ma nizen aZakariya, aya a tá fe̱r natite abagadi ne karo̱ azhe̱l'e. Katsak'e ne mi tá ka tak yin, á tà to̱ áner izam iyu amok kamok ba cei.”

aMarkus 14:24

Ne a fe̱ be ba ye, “Iyu ne i nye naso̱k mi. Naso̱k kushining kushu kufas. A ta nyosong kamok ánerawe whe̱re̱.

Ibrani 8:8

Adakunom di ánerawe tá taam. Ayong a fe̱ ye, “Izen saase mi tana ya kushu kufas be áner Isarela be kasa áner aYahuda.

aGalati 3:20

Kamok ánerawe ta kyem a no̱ aner azining baꞌ ma áner afa, to̱ Adakunom se azining.

Ibrani 8:13

Kum Adakunom tá fe̱ ye rife̱ kushu na nye “Kufas,” kufe ime̱se̱ng'e te kuzen. Ike̱ng iya i tan te izen ta gor ne i gang.

Ibrani 9:19

Nizen iya aMusa tá tak ánerawe Itsi, a sok naso̱k inoon inyak ne nafe izha a tin gung be ashi. Ne a sok iwhang kakon kakak a ta yis ye aHisop mak be nakuyo̱ng ítsamang naseng a ta shumung, a tin mis naso̱k'e natoon kufumung Itsi ne ánerawe cice̱r.