Ibrani 12:23 - Izere New Testament

²³ Yin n be̱ yin kaye̱e̱r áfikuus, áya a ta nye inoon nafe ife ime̱se̱ng'e áya ayerek ba ta se nuzibir kaye̱e̱r kaza. Yin n be̱ yin nufe Adakunom aya a tana to̱ ánerawe cice̱r amok ne nufe nabik áner aya a ta se zhe̱l, áya a ta shining gye̱r.

Ibrani 12:23 Referans Kwoze

aYakub 1:18

Wu ne a di a tin kasa yir a tin tes yir kaye̱e̱r rife̱ katsak, nong yir ta se yir kyo̱ndi kutes kufe ime̱se̱ng'e kaye̱e̱r ike̱re̱ wu ta nye.

Ibrani 11:40

Adakunom tsang a nye kanye̱k ike̱ng ikak kamok yir nong ase̱ mak be yir ne ba tà shining.

aLuka 10:20

Gip be anong, tu nye yin riye̱ rikan kamok ítseng tá ka fok yin kuto baꞌ, nye yin riye̱ rikan kamok an zibir ayerek yin kaye̱e̱r kaza.”

Ike̱ng a ta tonong aYohana 14:4

Áner na ne a nye áner aya á ta won rice ba zhe̱l, á kon tseng gbugbarak be aner abining baꞌ. Ba ne á tsang a kuus Aturuk'e koake̱ ne a tseng. A tu ku sheshek ba kaye̱e̱r ribir ánerawe ne ba se kyo̱ndi ku tes kakon kufe ime̱se̱ng'e kuya a ta no̱o̱k Adakunom be nasho̱o̱n Aturuk'e.

Ike̱ng a ta tonong aYohana 20:15

Koangan afe a ta se̱ riyerek wu kaye̱e̱r kufumung kutser'e baꞌ, a tú barak kaye̱e̱r icen kuro̱ng ame.

Ibrani 9:27

Kyo̱ndi a tan sak,

Ike̱ng a ta tonong aYohana 13:8

Ánerawe á ta se nazatse cice̱r tù ku ya iben, cice̱r áner aya a ta zibir ayerek ba kaye̱e̱r kufumung kutser kuya ku ta nye kufe Aturuk'e baꞌ, aya a ta tse̱e̱r kum nizen a tá nye kazatse.

1 aBitrus 2:23

Nizen iya ánerawe tú ku barak ritok, a tú ku karang baꞌ, nizen a tá so̱ risam a fe̱ ye wu tú ku karang baꞌ, a ban a ti te riye̱ na Adakunom aya a tana to̱ amok afe katsak ingya.

Ibrani 11:4

Natoon kuno̱o̱k katsak ne aHabila ti nye Adakunom asidaka afe a tá nar afe aKayinu. Be anong ne a se̱ kushim Adakunom ye wu nye aner atek nasho̱o̱n Adakunom kamok a shan asidaka wu. aHabila n ku, amma kamok kuno̱o̱k katsak wu a ru fe̱ kanu ma kyo̱o̱rna.

1 aTimoti 3:5

Ke anerawe kyem a ti sak riye̱ na áfekari wu baꞌ, to̱, a ta nye ane̱ a tin sak riye̱ na ikilisiya Adakunom e̱?

aFilipi 4:3

Ei, mi bun i fe̱ be wan afudang itomong'i afe katsak, ye i ra tobok ányining'ong kamok á gung rice be mi ni itomong i taas Rife̱ Ritek Adakunom, anong ne aKelemen be ribir áfudang yir áya i ta nye yir itomong mak, áya ayerek ba ta se kaye̱e̱r kufumung kutser.

Afisa 1:22

Adakunom won koakye nubo̱k wu ne a ku kasa a tin nye rigwo̱m natoon ike̱re̱ cice̱r ne a te ako̱k kasho̱o̱n ikilisiya.

Itomong Ámanzo 20:28

Ni sak yin riye̱ rice yin, ne kukpara kuya Kabik Kazhe̱l'e ta ka sak yin'e nong ta sor yin áko̱k kasho̱o̱n. Ya yin kasho̱o̱n be kufek áfikuus Adakunom áya wu tá shan be naso̱k Igon wu.

aYohana 5:27

Ne a ku no̱o̱k iren kuto̱ amok, kamok wu ta nye Igon Anerawe.

aKolosi 1:24

Mi be riye̱ rikan kyo̱o̱rna be risam mi ta so̱ natoon yin, nong kamok risam'me mi tà shining ike̱ng iya i tà rusek kaye̱e̱r risam aKiristi tá so̱ kamok kuro̱m wu ku ta nye ikilisiya.

aKolosi 1:12

ne i yiir nye yin riye̱ rikan be Ada, kamok wu ne a sak yir ta kyem i te yir áfe kuya kutse ike̱re̱ na, iya a tá nye kamok ázhe̱l'e kaye̱e̱r rigwo̱m akanang.

2 aKoranti 5:8

Katsak'e, yir be yir agak riye̱ baꞌ. Yir nar kushim ta kam yir kuro̱m na nong ta sor yir mak be Agwo̱m Ágwo̱m kaye̱e̱r kaza.

1 aKoranti 15:54

Izen iya ne ife kusor ma izen izen'ong kis iya i tana baan baꞌ, ne ife i tana won dar ku, kis iya i tana ku, nizen iyong ne a ta shining ike̱ng iya a ta zibir kaye̱e̱r rife̱ Adakunom ye, “An wo̱no̱ng riku, kamok a nar agap wu.”

1 aKoranti 13:12

Kyo̱o̱rna ike̱re̱ yir ta ye̱re̱k yir se kanang baꞌ. Katuk kayong yir ta ye̱re̱k yir koakye kanang. Kyo̱o̱rna kuren ike̱ng'i shining baꞌ, katuk'ong mi tà ren koakye kyo̱ndi Adakunom tin ren.

1 aKoranti 15:49

Kyo̱ndi yir ta se yir nuro̱m kuri rife̱ rinerawe na anong ne i ta se yir be nuro̱m kuri kufe aner afe kaza na.

Ibrani 2:12

A fe̱ ye, “Mi tà fe̱ itak riyerek wan nasho̱o̱n áronyining'i, mi tà ka kerek be abom, nasho̱o̱n rigwo̱m ánerawe wan.”

Ike̱ng a ta tonong aYohana 6:9

Nizen iya Aturuk'e ta bisik kudun'e kufe atoon ne mi di nabik ánerawe áfe a tá ka fe̱s ba kamok a tá kuus rife̱ Adakunom be kuno̱o̱k katsak ba, nabik'e se kaben naro̱ a tú ku nye asidaka.

Ike̱ng a ta tonong aYohana 6:11

Ayong a no̱o̱k koangan ba awe̱n kukpiin kukan, ne a fe̱ be ba ye á ra tor cie̱k gak ma izen iya a tana fe̱s ásam Adakunom áfudang ba be áronyining ba kyo̱ndi a tá ka fe̱s ba a gang.