Ibrani 12:1 - Izere New Testament

¹ Kamok anong, kum ánerawe áfe á ta kuus rife̱ yir kuse whe̱re̱ á ta min gorok yir na, won i tu ku barak yir koakye ike̱ng i tanin te̱ne̱ng yir, be koakye kuni rine̱n ri ta kyem ri tin te yir afartak zizirik. I naka tsesek yir ta teng yir itsi iya i ta se nasho̱o̱n yir.

Ibrani 12:1 Referans Kwoze

2 aTimoti 4:7

Mi n nye ike̱ng ife mi tana kyem i nye, mi n kon kuren kutek, mi n gang itsi'me, mi yiir kuno̱o̱k katsak mi ta be.

aFilipi 2:16

Taas yin rife̱ kutser kaye̱e̱r katsak nong ba tà ren Adakunom, nong ase̱, mi tin tsor kafok be yin katuk kube̱ aKiristi, fan itomong'i bun te kpe̱de̱ng.

aLuka 21:34

“Sak yin riye̱, so̱. Sang tu won yin kuso̱ ike̱re̱ ne kuya kanu be kushim ike̱re̱ kazatse na ta sok kuto̱ro̱ng yin baꞌ, sang ke anong baꞌ, kunom'e tin be̱ ni yin niburum.

aGalati 5:7

Yin tsang i ya yin kasho̱o̱n gye̱r. Angan a ta roon yin kukuus katsak'e e̱?

1 aBitrus 2:1

Kamok anong, kam yin be koakye kuri amaan kuse, be abo̱o̱s ne akardak kuse be rishishim be kpe̱de̱ng rife̱ cei.

aRom 12:12

Nye yin riye̱ rikan natoon ike̱ng iya yin ta min te yin riye̱, naka tsesek yin kaye̱e̱r risam yin ne i yiir nye yin aduwa koakye izen.

2 aKoranti 7:1

Ároneng afe riye̱ mi, kum yir tan se̱ yir rife̱ Adakunom anong. Kamok anong, won i tu kam yir be ike̱ng i tana sak kuro̱m yir ne kabik yir tana won dar se zhe̱l, won i tu sor yir zhe̱l dar rizik kamok inyim Adakunom.

2 aTimoti 2:4

aSozha akak kuse a ta se kaye̱e̱r itomong a tana bun a te rice wu ni ike̱re̱ kazatse baꞌ, kamok ike̱ng ife asozha ta shim nye a tu kare̱p atekasa wu riye̱.

aYakub 1:3

Kamok yin ren yin ye, kubo̱mo̱ng kuno̱o̱k katsak yin ta sak yin tin barang yin Ku naka tsesek.

aMatiyu 24:13

Amma aner aya ne a nyeseng be agap ma nigang'e, a tà se̱ kashesh.

aMatiyu 10:22

Ánerawe cice̱r tà ka ranyin kamok mi, amma aner aya ne a nyeseng be agap ma nigang'e, a tà se̱ kashesh.

Ibrani 6:15

Ibrahim tá fa mees riye̱ wu, yong a se̱ ike̱ng iya Adakunom tá fe̱ ye a tu ku nye'me.

aRom 2:7

Áner áya a ta tsesek kaye̱e̱r kunye ike̱re̱ itek nong a ta se̱ nakerek be kuyiik ne kutser kufe izen izen, ba ne Adakunom tà ka no̱o̱k ba ishorong kutser kufe izen izen.

Ike̱ng a ta tonong aYohana 3:10

Kum wan ta kuus rife̱ mi natoon kutsesek, mi tà ka fek nizen kubo̱mo̱ng kuya ku tana be̱ natoon kazatse cice̱r, nizen iya a tana bo̱mo̱ng ánerawe kazatse.

1 aBitrus 4:2

Kamok anong, yin ba bun a sor yin kusor kuri kufe kazatse na be kukuus amaan kushim riye̱ yin baꞌ, amma yin nye yin ike̱ng iya Adakunom ta shim.

aLuka 12:15

Ne aYeso fe̱ be ba ye, “Sak yin riye̱, ne i nye yin tatan be koakye kuri amaan kuye̱re̱k, kamok kube ike̱ng whe̱r ne kunye kusor kutek baꞌ.”

2 aBitrus 1:6

Ni barang yin kuyiir rice natoon kuren ike̱re̱ Adakunom, ni barang yin ku naka tsesek natoon kuyiir rice yin. Ni barang yin kuse kuri kufe Adakunom natoon ku naka tsesek'e.

Ike̱ng a ta tonong aYohana 22:16

“Mi, aYeso ne i tom amaleka mi nong a tá ka tak kutom na nong yin ta tak yin áfikuus. Mi ne i nye Kunik aDauda ne I nye Aner kasa'me. Mi ne i nye Adar Kusetson, aya a ta se kanang.”

1 aBitrus 5:12

aSila aya mi tú ku sok kyo̱ndi aroneng aya mi ta di a be katsak ne a ti se̱ mo i tá ka zibir yin kaban kufumung na nong ase̱ ta ka tsesek yin ne i ka tak yin ye iyu na ne i nye ritek Adakunom rife̱ katsak. Nyeseng yin be agap natoon'e.

Ike̱ng a ta tonong aYohana 1:9

Mi, aYohana, aronyining yin ne afudang yin kaye̱e̱r risam ne kaye̱e̱r rigwo̱m be kaye̱e̱r ku naka tsesek yir ku ta se kaye̱e̱r aYeso, a ti ro i ta tseng natoon rizik rikak a ta yis ye aPatmos kamok kutaas rife̱ Adakunom ne katsak aYeso ta tonong.

aYohana 3:32

Ike̱re̱ iya wu ta di ne a fok ne wu fe̱ natoon'e, gip be anong ko akak shan rife̱ wu baꞌ.

Ike̱ng a ta tonong aYohana 13:10

Koangan á ta tsang a se ye, a tu ku yiir a ta te asam ta te asam'me. Aya a ta se ye a tú ku fe̱r be itsor, be itsor ne a tù ku fe̱r'e. Iyong tonong ye ázhe̱l'e ra naka tsesek ne á no̱o̱k katsak na Adakunom.

aLuka 16:28

kamok mi be ároneng atoon. A ra ka ko̱ro̱k ba kuto fan ba gip á bu be̱ naro̱ amaan risam na.’

aYohana 4:39

Áner aSamariya whe̱re̱ ti no̱o̱k katsak na aYeso kamok ike̱re̱ abining'e tá fe̱ be ba ye, “A min taas ike̱re̱ afe mi ta kun nye cei.”

aYohana 4:44

(Kamok aYeso be rice wu tsang a fe̱ ye, “Aner kuzarap be kuyiik nuwo̱p wu baꞌ.”)

aGalati 2:2

Mi tseng kamok Adakunom ti tonong ye i ra tseng. Mi su ku taas ba Rife̱ Ritek mi tá taas áner afe sang a tá nye aner aYahuda baꞌ. Amma na kyo̱o̱n mi taas áfe a tá nye áko̱k kasho̱o̱n'e, kamok mi fok inyim ye kashim itomong iya mi ta sen nye'me be ife mi tan nye ta wei kpe̱de̱ng.

Afisa 4:25

Kamok anong koangan kaye̱e̱r yin ra won naborok nong a tà tak afegbak wu katsak, kamok cice̱r yir i nye yir áner aner azining.

aFilipi 1:30

kum yin ta sen can yin kaye̱e̱r kuri risam riya mi tin se ne i fok yin ye mi bun i se kaye̱e̱r'e.

1 aBitrus 5:1

Mi ako̱k kasho̱o̱n ikilisiya, mi aya mi tá di kuri risam riya aKiristi tá so̱ be anyisi mi. Mi aya i tana se̱ ishorong'i nasho̱o̱n kaye̱e̱r kuyiik a tana tonong, mi nye áko̱k kasho̱o̱n ikilisiya áfudang'i a ta se kaye̱e̱r yin akusuk ye,

aMarkus 10:50

Ayong akpato̱o̱n ame barak kukpiin wu nong a tá furuk, ne a be nufe aYeso.