Ibrani 11:6 - Izere New Testament

⁶ Akak ta kyem a kare̱p Adakunom riye̱ dar kuno̱o̱k katsak baꞌ, kamok koangan ne a be̱ nufu ma a ti no̱o̱k katsak ye wu kuse, ye a nyesek aya a tu ku tse̱r be katsak ishorong ba.

Ibrani 11:6 Referans Kwoze

aMatiyu 6:33

Kamok anong, tse̱r yin rigwo̱m Adakunom ne i nye ike̱ng iya wu ta shim, a tà ka no̱o̱k yin ike̱re̱'me cice̱r.

aLuka 12:31

Kamok anong, tse̱r yin rigwo̱m Adakunom, ike̱re̱ iyong a tà ka no̱o̱k yin gip.”

Ibrani 7:25

Kamok anong, a ta kyem a shesh koangan a ta gor nufu a ta tseng nufe Adakunom, a ta sor ma izen izen ne a yiir nye aduwa kamok ba.

aRom 10:14

To̱, ane̱ ne ba ta yis aner aya afe sang ba tin no̱o̱k katsak baꞌ e̱? A ta nye ane̱ á tin no̱o̱k katsak na aner aya ba ta kum ku fok baꞌ e̱? Ne á nye ane̱ á ta fok ke akak tu ku nye ba awazi baꞌ e̱?

Ibrani 3:12

Ároneng, sak yin riye̱ fan akak yin bu nye amaan kuto̱ro̱ng ne a won dar a ni no̱o̱k katsak, nong a ta won kukuus Adakunom afe kutser.

aYohana 14:6

aYeso fe̱ be wu ye, “Mi ne i nye iren, ne i nye katsak ne i nye kutser. Akak ta kyem tseng nufe Ada'me baꞌ, ma a gor nunaan.

2 aBitrus 1:5

Kamok anong, nye yin koakye i tana kyem i nye yin nong tin barang yin ritek natoon kuno̱o̱k katsak yin, ne i ni barang yin kuren natoon ritek yin.

Ibrani 4:6

I rusek anong, ákak tà no̱ kaye̱e̱r kufan'e, amma áya a tá san kufok Rife̱ Ritek se̱ kuno̱ kaye̱er'e baꞌ, kamok kushonong ba.

aGalati 5:6

Kamok ke yir se yir kaye̱e̱r aYeso Kiristi, ku nye yir izhak ka ku won dar ku nye'me, sor ike̱ng ikak baꞌ, ike̱ng i ta nar nye kuno̱o̱k katsak a ta kyem a di kaye̱e̱r kushim.

2 aBitrus 3:14

Kamok anong, ároneng áfe riye̱ mi, kum yin ta sen tor yin Kunom'ong, to̱ nye yin koakye ike̱ng iya yin tana kyem i nye yin nong ta sor yin nasho̱o̱n Adakunom dar rizik ka rine̱n ayi. Sor yin nasho̱o̱n wu caang.

aYohana 8:24

Kamok anong, mi fe̱ be yin ye yin tà kus yin be rine̱n yin. Kamok ke yin tin no̱o̱k yin katsak ye ‘Mi Ne I aya wu aya mi tá ka tak yin baꞌ, yin tà kus yin be rine̱n yin.’ ”

2 aBitrus 1:10

Kamok anong ároneng, nye yin koakye ife yin tana kyem i nye yin nong ta tonong yin ye Adakunom ma ka yis yin ne a ka kasa yin. Ke yin nye yin anong yin ta kpa yin baꞌ, ko cie̱k.

Ibrani 7:19

Itsi aMusa kyem i ta sak ike̱ng ikak ta te zhe̱l baꞌ, iyong ne i sak yir nye yir kanye̱k ike̱ng itek iya yir tin te yir riye̱ natoon'e nong ta se yir bubarak be Adakunom.

Ibrani 4:2

Kamok a min taas yir Rife̱ Ritek kyo̱ndi a tá ka taas ba. Amma rife̱ ba tá fok sor ike̱ng ikak nufu ba baꞌ, kamok áfe á tá fok ti no̱o̱k katsak baꞌ.

Ike̱ng a ta tonong aYohana 21:8

Áner aya a tá fok inyim be áfe a tá gaar kuno̱o̱k katsak ne áfe amaan kunye ne áfe kufe̱s ánerawe be áfe kunye rikuna be áfe a tá ya kukur, be áfe a ta ya ike̱re̱ iduk iben cei be áfe abo̱o̱s, karo̱ kusor ba se kaye̱e̱r icen kuro̱ng be itong ikan i ta se kyo̱ndi ife abindiga. Iyu ne i ta nye riku rife̱ afa.”

Ibrani 11:26

A nar kushim a tá fok isum kamok aKiristi be a tana sor kaye̱e̱r kurum aMasar, kamok a tsang a ni te riye̱ nishorong wu.

aMarkus 16:17

Áya a tin no̱o̱k katsak ni mi tà nye ike̱re̱ na: Kaye̱e̱r riyerek'i, á tà turung ámaan nabik ne á fe̱ kanu kaye̱e̱r irem ifas.

aLuka 6:35

Shim yin ámudo̱n yin ingya, ku tonong yin ba ritek. Ku nyesek yin ba iko̱p dar ku ni te riye̱ ye á tà ka karang yin, nong ishorong yin tà se whe̱r, ne i te yin inoon Ada Adakunom ayiik'e, kamok wu se gye̱r be áfe a ta won dar á tonong riye̱ rikan ba, ne áya a ta nye imaan'e.

aMatiyu 6:16

“Izen iya ne yin ta nye yin azumi, sang tu rosom yin kanyisi yin kyo̱ndi ákardak aner ta nye baꞌ. Kamok ba rosom kanyisi ba nong á ta tonong ánerawe ye ba sen nye azumi. Won ta ka tak yin katsak'e, ba n se̱ ishorong ba cei nakuruk.

aMatiyu 6:5

“Izen iya ne yin tà nye yin aduwa, sang tu nye yin kyo̱ndi ákardak áner ta nye baꞌ, kamok ba shim kunye aduwa nunyeseng kaye̱e̱r atu aduwa ba ni ikim iren nong ánerawe ta ka di ba. Won ta ka tak yin katsak'e, ba n shan ishorong ba cei nakuruk.

aMatiyu 5:12

Nye yin adide̱ngde̱ng be riye̱ rikan kamok agbang ishorong yin se naza, kamok anong ne á tabak áner kuzarap aya a tá be̱s nasho̱o̱n yin.

aMatiyu 11:26

Ei, Ada, kamok iyu ne i nye kushim riye̱ wan.