Ibrani 11:36 - Izere New Testament

³⁶ Á nye kye̱re̱ be ákak ne a ka whereng ba, á rosom ákak a tá ka te ba nitso̱m.

Ibrani 11:36 Referans Kwoze

Ibrani 10:34

Yin tonong yin áya a ta se nitso̱m kuro̱ riye̱. Yin nye yin riye̱ rikan nizen iya a tin shan ike̱re̱ yin, kamok yin ren yin ye yin be yin ike̱re̱ i ta nar iyong ife i tana sor ma izen izen.

aMatiyu 23:34

Kamok anong, mi sen ka tom yin be áner kuzarap ne áner áfe kukyem be áner á tana ka bo̱so̱p yin'e. Yin tà fe̱s yin ákak ba ne i tigak yin ákak. Yin tà whereng yin ákak ba kaye̱e̱r atu aduwa ne i ku ro yin ba ma ni iwo̱p ze̱r ze̱r.

Ike̱ng a ta tonong aYohana 2:10

Sang tu fok inyim risam wan tana so̱ baꞌ. Won ta ka tak, Amaan Aner tà te ákak yin nitso̱m nong a ta ka bo̱mo̱ng yin ne a ka tabak yin ma kuko̱s kuso̱k. Amma nyeseng be agap nong ko a ta ka fe̱r kamok mi, mi tà ka no̱o̱k ishorong kutser kufe izen izen.

2 aTimoti 2:9

Kamok anong ne mi ti so̱ risam na ma a min te nitso̱m gip kyo̱ndi aner aya a tá nye amaan ike̱ng, amma a ta kyem a ta rosom rife̱ Adakunom baꞌ.

2 aTimoti 1:16

Won Agwo̱m Ágwo̱m tu ro̱ riye̱ áfekasa aOnesiforus, kamok koakye izen a yiir ni tsesek a fok isum ye mi se nitso̱m baꞌ.

Afisa 4:1

Kamok anong, mi aya mi ta se nitso̱m kamok mi ta kuus Agwo̱m Ágwo̱m, mi ta nye yin akusuk ye yin ra sor yin kusor kutek kuya ku ta se kyo̱ndi agbang kuyis kuya a tá ka yis mo yin.

Itomong Ámanzo 24:27

Amma nama aye̱ afa ne aPokiyus aFestus ngarak ni itsik rigwo̱m. aFelis shim a ta kare̱p áner aYahuda riye̱ yong a won aBulus nitso̱m.

Itomong Ámanzo 21:33

Aritek asozha'me be̱ bubarak a tú ku yiir ne a sak a tu ku rosom be idun atso̱m ifa. Ne a rip ye a nye angan e̱? A nye akye̱ e̱?

Itomong Ámanzo 8:3

Amma Ashawulu ya kasho̱o̱n be kutabak áfikuus dide̱ng. A tsang a kar kaye̱e̱r koakye kasa ne a turung atek be ányining ne a ka tes ba nitso̱m.

Itomong Ámanzo 5:40

Ike̱ng iya aGamaliya tá fe̱'ong no̱ kaye̱e̱r aye̱ ba, ayong á shim rife̱ wu. Ayong a yis ámanzo'me kaye̱e̱r'e, a tá sak a tá ka whereng ba, nong á ta fe̱ be ba ye á tu ba fe̱ ike̱ng ikak kaye̱e̱r riyerek aYeso ko cie̱k baꞌ. Ne á ku won ba á tá tseng.

Itomong Ámanzo 5:18

Kamok anong, á nong a tá yising ámanzo'me, a tase ka te ba nitso̱m.

Itomong Ámanzo 4:3

Áyong a yising aBitrus be aYohana nong a tú ku te ba nitso̱m ma kaya katson'e kamok karo̱ tsang ka te kawheshirim.

aLuka 23:36

áSozha gip á be̱ bubarak nong á tú ku kok'e, ne á ku no̱o̱k ashi anap aya a tá se kpukpak.

aLuka 23:11

aHiridus be ásozha wu te̱n be wu fe̱re̱, ne á ku kok ko'me. Á tú te kukpiin ágwo̱m ta tes, á tá bun á tseng be wu nufe aBilatus.

aLuka 18:32

A tu ku sok a tà no̱o̱k áner aya a ta nye áner aYahuda baꞌ, a tú ku kok ko'me ne a ku kas ne a ku tang ace̱, ne a ku whereng ne a ku fe̱r.

aMarkus 10:34

Á tu ku kok ko'me, ne á ku tang ace̱, ne á ku whereng ne á ku fe̱r. Nama inom itaar a ta bun dorok be kutser.”

aMatiyu 27:26

Ayong a tu won ba aBarabas, ne a whereng aYeso ne a ku no̱o̱k ba nong á ta su ku tigak.

aMatiyu 21:35

“Áfe itomong riko̱'me yiir ásam wu ame nong á tá tsor azining ne á fe̱r akak, á tá barak afe ataar'e be ata.

aMatiyu 20:19

Ne á ku sok á ta no̱o̱k áner aya sang á ta nye áner aYahuda baꞌ, nong á ta nye be wu kye̱re̱, ne á ku whereng ne á ku tigak. Katuk afe ataar a tà dorok be kutser.”

Afisa 3:1

Kamok anong, mi aBulus a min te nitso̱m kamok aYeso aKiristi ne kamok yin áya sang yin ta nye yin áner aYahuda baꞌ.