Ibrani 11:32 - Izere New Testament

³² Akye̱ ne mi tà bun i fe̱ gbak e̱? Izen kuse mi tana fe̱ ike̱ng ikak natoon aGidiyon be aBarak ne aSamson be aZheta ne aDauda ne aSamela be áner kuzarap baꞌ.

Ibrani 11:32 Referans Kwoze

aYohana 21:25

Ike̱re̱ ikak dide̱ng iya aYeso tá nye, a fa nye ye a zibir cei, mi di ye ke kazatse be rice wu kyem ka sok afumung a tana zibir baꞌ.

2 aBitrus 1:21

Kamok kuzarap nye ike̱ng iya i ta ne kaye̱e̱r riye̱ anerawe tsek baꞌ, amma Kabik Adakunom kaya ka tá no̱o̱k kaye̱e̱r aye̱ ba ne ka sak ánerawe tá fe̱ ike̱re̱ iya ba tá shan nufe Adakunom.

aRom 7:7

To̱, iyong yir ta fe̱ yir ane̱ makong e̱? Itsi nye rine̱n a? Ko cie̱k, katsak'e, a fa fe̱ ye Itsi baꞌ, sang ke mi ren ike̱ng iya i ta nye rine̱n baꞌ. Ye kamok Itsi ta fe̱ ye, “Sang tu shishim ike̱ng akak baꞌ,” ke mi ren ike̱ng iya a tá yis ye rishishim baꞌ.

aRom 4:1

Iyong ta fe̱ yir ane̱ natoon Ibrahim afe a tá nye atukop yir e̱? I kuse ane̱ be wu natoon kuno̱o̱k katsak e̱?

aRom 3:5

Ke amaan kunye yir tonong kanang ye Adakunom nye gye̱r, ne i fe̱ yir ane̱ e̱? Ta fe̱ yir ye Adakunom nye gye̱r baꞌ, a tin tonong yir riye̱ kubeseng wu a? (Mi ma fe̱ kuri rife̱ rinerawe tsek.)

Itomong Ámanzo 13:20

A nye ike̱re̱ na cei kaye̱e̱r aye̱ a tana bubarak aye̱ inyak iso̱k inaas be iso̱k itoon (450). “Nama anong, Adakunom tá no̱o̱k ba áner a tana ku to̱ ba amok ma nizen aSamela ta nye kuzarap.

Itomong Ámanzo 10:43

Áner kuzarap cice̱r taas rife̱ natoon wu ye, koangan aya a tin no̱o̱k katsak ni wu a tu ku re̱ng rine̱n kaye̱e̱r riyerek wu.”

Itomong Ámanzo 3:24

“Katsak'e, aSamela be ribir áner kuzarap cice̱r aya a tá nye kuzarap nama wu a fe̱ itak izen iyu.

2 aBitrus 3:2

Mi shim yin tu yiring yin be ike̱ng áner kuzarap azhe̱l'e tá fe̱ gbugbang ne ike̱ng iya Agwo̱m Ágwo̱m Aner Kashesh yir tá fe̱ be agbang kuto̱ ni nanu ámanzo yin.

aYakub 5:10

Ároneng, di yin Ku naka tsesek nizen risam, di yin áner kuzarap aya a ta fe̱ rife̱ riyerek Kunom.

aRom 6:1

Yir ta fe̱ yir ane̱ e̱? Ta ya yir kasho̱o̱n be kunye rine̱n nong ritek Adakunom tin barang a?

aLuka 16:31

“Ne Ibrahim fe̱ be wu ye, ‘Ke á kuus Itsi aMusa ne á fok rife̱ áner kuzarap Adakunom baꞌ, ko a fa fe̱ ye akak fa dorok kaye̱e̱r áfe a ta n kus gip, á tin no̱o̱k katsak baꞌ.’ ”

aLuka 13:28

“Yin tà di yin Ibrahim be Ishaku ne aYakub be áner kuzarap Adakunom cei kaye̱e̱r rigwo̱m Adakunom, amma ka tà kyem i no̱ yin baꞌ. Azong ne á tana tos, ne á ya anyi.

aMatiyu 5:12

Nye yin adide̱ngde̱ng be riye̱ rikan kamok agbang ishorong yin se naza, kamok anong ne á tabak áner kuzarap aya a tá be̱s nasho̱o̱n yin.