Ibrani 11:27 - Izere New Testament

²⁷ Natoon kuno̱o̱k katsak ne a ti dorok na aMasar dar inyim riye̱ kubeseng agwo̱m. A tsesek kamok a ye̱re̱k aya sang anyisi tu kudi baꞌ.

Ibrani 11:27 Referans Kwoze

Ibrani 11:13

Áner na kus cice̱r kaye̱e̱r kuno̱o̱k katsak ba. Ba shan ike̱ng iya Adakunom ta fe̱ be ba ye á ta ka no̱o̱k ba be rice ba baꞌ. Igak á ta di gugo̱k tsek ne á nye riye̱ rikan. Á shim ye ba nye átsen nazatse.

2 aKoranti 4:18

Kamok sang ike̱re̱ áfe anyisi ta di ne yir ye̱re̱k yir baꞌ, amma ike̱re̱ iya sang a ta di be anyisi baꞌ. Ike̱re̱ iya a ta di be anyisi sor nizen cie̱k tsek, amma ike̱re̱ iya a ta di be anyisi baꞌ, sor ma izen izen.

Ibrani 11:1

Kuno̱o̱k katsak nye ku ni te riye̱ dim ye yir ta se̱ yir ike̱ng iya yir ta min te yir riye̱ dim, iya sang yir ta di yir baꞌ.

aYakub 5:11

Kyo̱ndi yin ta ren yin, yir sok yir áfe a ta na ka tsesek áfe awe̱ng. Yin n fok yin itak yin itak Ku naka tsesek Ayuba ne di yin ikeng iya Adakunom tu ku nye'me ni gang'e. Ada Adakunom be kuro̱ riye̱ ne kuse kutek dide̱ng.

1 aBitrus 1:8

Yin kun ku di yin baꞌ, gye̱rtatan amma yin tu shim yin. Yin tu ye̱re̱k yin kyo̱o̱rna baꞌ, gye̱rtatan amma yin ti no̱o̱k yin katsak ni wu ne i be yin agbang riye̱ rikan kuri riya sang a tana kyem a fe̱ baꞌ.

Ibrani 10:32

Yiring yin kaye̱e̱r inom kama nama, yin ta se̱ yin akanang Adakunom, yin tsesek yin dide̱ng, gip be risam i tá so̱ yin.

1 aTimoti 1:17

Won kuyiik ne nakerek tu sor nafu ma izen izen, wu aya a tana sor Agwo̱m ma izen izen, a ta be igak baꞌ, aya sang a ta kyem a ku di baꞌ. Wu ne a ta nye Adakunom wu ze̱r tsek. Anong.

1 aKoranti 13:7

Kushim kyem fek koakye, ne ku ni ino̱o̱k katsak natoon koakye, ne ku te riye̱ natoon koakye, ne ku naka tsesek kaye̱e̱r koakye.

aMatiyu 10:22

Ánerawe cice̱r tà ka ranyin kamok mi, amma aner aya ne a nyeseng be agap ma nigang'e, a tà se̱ kashesh.

Ibrani 6:15

Ibrahim tá fa mees riye̱ wu, yong a se̱ ike̱ng iya Adakunom tá fe̱ ye a tu ku nye'me.

1 aTimoti 6:16

Wu ze̱e̱r ne a ku baꞌ a sor na akanang aya akak tana kyem a tseng bubarak be wu baꞌ, aya akak ta kun ku di ka a ta kyem a ku di baꞌ. Kuyiik be kukyem nye kufu ma izen izen. Anong.

Itomong Ámanzo 2:25

aDauda fe̱ rife̱ natoon wu ye, “ ‘Mi di Agwo̱m Ágwo̱m nasho̱o̱n mi koakye izen wu se nubo̱k riya mi iyong sak mi tà fok inyim baꞌ.

aMarkus 13:13

Ánerawe cice̱r tà ka ranyin kamok mi. Amma aner aya ne a nyeseng ma nigang'e, a ta se̱ kashesh.

aMarkus 4:17

amma rife̱'me kpa agap naye̱ ba baꞌ, a sor dide̱ng baꞌ. Ke izen iya ne kudaam ka kutabak be̱ kamok rife̱'me ne a wor a kpa.

aMatiyu 24:13

Amma aner aya ne a nyeseng be agap ma nigang'e, a tà se̱ kashesh.

aKolosi 1:15

aKiristi ne a nye aner aya a ta tas Adakunom afe sang a tu ku di baꞌ, wu ne a nye igon ime̱se̱ng'e kaye̱e̱r ike̱re̱ Adakunom tá nye cice̱r.