Ibrani 11:26 - Izere New Testament

²⁶ A nar kushim a tá fok isum kamok aKiristi be a tana sor kaye̱e̱r kurum aMasar, kamok a tsang a ni te riye̱ nishorong wu.

Ibrani 11:26 Referans Kwoze

Ibrani 11:6

Akak ta kyem a kare̱p Adakunom riye̱ dar kuno̱o̱k katsak baꞌ, kamok koangan ne a be̱ nufu ma a ti no̱o̱k katsak ye wu kuse, ye a nyesek aya a tu ku tse̱r be katsak ishorong ba.

Ibrani 10:35

Kamok anong, ikap yin tu te gbe̱re̱k baꞌ kamok ishorong yin nye igbang'e.

Ike̱ng a ta tonong aYohana 3:18

Mi tà ka no̱o̱k ibo̱ro̱ng, shan izinariya aya a tan shirik be kuro̱ng nunaan nong ta te árum kaye̱e̱r kabik, be ares akan nong tin kis kuro̱m wan fan i bu fok isum. Shan rikan anyisi nong tà di karo̱ gye̱r.

1 aBitrus 4:14

Ke a ta ka kas yin ye kamok yin ta nye yin áfe aKiristi, sok yin ye i nye ike̱ng itek, kamok kuyiik ne kabik Adakunom se natoon yin.

Ibrani 2:2

Kamok ke rife̱ a ta shan nufe ámaleka be agap, koangan afe a ta shonong a gaar kufok'e tà so̱ risam kamok ike̱ng iya wu tá nye,

2 aKoranti 6:10

kaye̱e̱r riye̱ riwe, gip be anong yir sor yir be riye̱ rikan. Yir be yir rizor amma yir sak yir ákak te árum nabik, yir sor yir ye yir be yir ike̱ng ikak baꞌ, amma ike̱re̱ cice̱r nye ife yir.

aLuka 14:14

Wan tà se̱ ishorong, ba ta kyem á ka karang baꞌ gye̱rtatan, a tà ka karang nizen iya a tana dorok azhe̱l'e áya a ta n kus.”

aMatiyu 5:12

Nye yin adide̱ngde̱ng be riye̱ rikan kamok agbang ishorong yin se naza, kamok anong ne á tabak áner kuzarap aya a tá be̱s nasho̱o̱n yin.

Afisa 3:8

Mi ne i ti raar dide̱ng kaye̱e̱r ánerawe Adakunom cice̱r gye̱r tatan, gip be anong a ti no̱o̱k ritek na nong ta taas áner aya a ta nye áner aYahuda baꞌ, kuri kurum aKiristi kuya sang ku ta be igak baꞌ,

2 aKoranti 12:10

Iyong ne i sak, kamok aKiristi, mi nye riye̱ rikan kaye̱e̱r kuraar'i, be ritok, ne risam mi ta so̱ ne kuri kutabak a tin tabak, be kuri kufirik a tin firik. Kamok nizen iya ne mi se kaye̱e̱r kuraar ne mi se̱ agap.

1 aBitrus 1:11

Ba shim nong á ta ren izen'e be kuri iren kashesh'e Kabik aKiristi ka ta se kaye̱e̱r ba tu ku tak ba natoon'e nizen a tá fe̱ itak natoon risam aKiristi be kuyiik wu tana se̱ nama risam'me.

Ibrani 13:13

kamok anong i wuruk yir nong ta be yir nufe nama kuwo̱p, nong ta fok yir isum kyo̱ndi wu tá fok.

Ibrani 10:33

Izen ikak a ta te yin nisum nasho̱o̱n ánerawe ne a ka tabak yin. Izen ikak, yin shim a ta ka nye yin ike̱re̱ iyong mak be áya a ta sen ku tabak ba gip.

aFilipi 3:7

Amma gip be ike̱re̱'ong mi sor ye, mi tin se̱ ishorong natoon'e, mi sok cei kyo̱ndi ike̱ng ikak baꞌ kamok aYeso Kiristi.

Afisa 1:18

Mi bun i nye aduwa ye Adakunom ra ka karak yin aye̱ nong yin tin barang yin kuren ike̱ng i ta sak yin tin te yin riye̱ ni ike̱ng wu tá ka yis mo yin, ku ta bun kunye, kurum wu agbang kuya ázhe̱l'e tana ya kutse'me.

Itomong Ámanzo 5:41

Ámanzo dorok azong be riye̱ rikan kamok a tá di ba kyem a ta ka no̱o̱k ba risam kamok riyerek aYeso.

aMatiyu 10:41

Koangan afe a shan aner kuzarap ye kamok wu ta nye aner kuzarap, a ta se̱ ishorong áner kuzarap. Aner aya ne a shan aner azhe̱l'e ye kamok a ta nye azhe̱l'e, a ta se̱ ishorong aner azhe̱l'e.

aMatiyu 6:1

“Nye yin tatan, fan kunye kutek yin bu se nong ánerawe tà di. Ke yin nye yin anong yin ta se̱ yin ishorong nufe Ada yin aya a tase kaye̱e̱r kaza baꞌ.

Ike̱ng a ta tonong aYohana 2:9

Mi ren kuri risam wan tin se. Mi bun i ren rizor wan, amma wan nye arum'e kaye̱e̱r kabik. Mi ren kuri amaan rife̱ riya áfe a ta sok ace ba ye ba nye áner Adakunom, amma sang ba ra nye baꞌ, tin fe̱ natoon wan. Á nye áner Ishetan.

aLuka 14:33

Anong ne yin gip, koangan ne ke a won koakye wu ta be nong a tin kuus baꞌ, a tà kyem a te alimazhiri mi baꞌ.