Ibrani 11:25 - Izere New Testament

²⁵ A nar kushim a tá so̱ risam be áner Adakunom ingya be a tana fok kusas rine̱n kaye̱e̱r kaban izen cie̱k.

Ibrani 11:25 Referans Kwoze

2 aKoranti 5:17

Kamok anong, koangan afe a ta se kaye̱e̱r aKiristi, a te kunye kufas, ike̱re̱ izen cice̱r titei, koakye te ifas.

Ike̱ng a ta tonong aYohana 18:7

Ku no̱o̱k yin risam dide̱ng be riye̱ riwe te̱re̱ be kuyiik ne kushim kusas kusor kazatse wu tá shim kuno̱o̱k rice wu. Kaye̱e̱r riye̱ wu a yiir ya kuka ye, ‘Mi sor kyo̱ndi agwo̱m. Mi nye akumung baꞌ, mi ta wor i nye riyo̱m baꞌ.’

1 aBitrus 2:10

Gbugbang yin tsang i nye yin ánerawe Adakunom baꞌ, amma kyo̱o̱rna yin nye yin ánerawe Adakunom. Gbugbang yin tsang i se̱ yin kuro̱ riye̱ Adakunom baꞌ, amma kyo̱o̱rna yin n se̱ yin.

aYakub 5:5

yin n sor yin kaye̱e̱r kusas nazatse ne nye yin ikeng aye̱ yin ta shim. Yin sak yin rice yin i ta no̱o̱s yin kamok kunom kutse̱k anerawe.

aYakub 1:20

Kamok kubeseng riye̱ be̱e̱n kusor kujel'e Adakunom ta shim baꞌ.

Ibrani 11:37

A barak ákak be ata, ne a te̱se̱ng ákak ba abir'e be azarto, ne a fe̱s ákak be awe̱n atsor. Ákak tes akpa itsamang ne afe izha iwe, ne á tsang a tseng. Á te afe rizor ne a nye be ba kye̱re̱ ne a ku tabak ba.

Ibrani 10:32

Yiring yin kaye̱e̱r inom kama nama, yin ta se̱ yin akanang Adakunom, yin tsesek yin dide̱ng, gip be risam i tá so̱ yin.

Ibrani 4:9

Iyong tonong ye, kufan nama inom kanataar rusek gbak kamok áner Adakunom.

2 aTimoti 1:8

Kamok anong sang tú fok isum kufe̱ itak natoon Agwo̱m Ágwo̱m yir baꞌ, ka isum'i kamok a tin te nitso̱m kamok wu baꞌ. Amma gung rice be mi kaye̱e̱r risam'me kamok Rife̱ Ritek'e ne i ni fereng nukyem Adakunom.

aKolosi 1:24

Mi be riye̱ rikan kyo̱o̱rna be risam mi ta so̱ natoon yin, nong kamok risam'me mi tà shining ike̱ng iya i tà rusek kaye̱e̱r risam aKiristi tá so̱ kamok kuro̱m wu ku ta nye ikilisiya.

aRom 5:3

Sang anong tsek baꞌ, yir bun i nye yir riye̱ rikan kaye̱e̱r risam yir kamok yir ren yir ye risam be̱e̱n kutsesek.

aLuka 16:25

“Amma Ibrahim fe̱ be wu ye, ‘Igon'i, yiring nizen wan tá se nazatse, wan se̱ ike̱re̱ itek, aLazarus so̱ risam. Kyo̱o̱rna a sen fok kusas kusor aze, ne wan ma sen so̱ amaan risam.

aMatiyu 13:21

Amma sang a ra be atsip baꞌ, a sor nizen cie̱k tsek. Izen iya ne kudaam ka kutabak be̱ kamok rife̱ Adakunom'me ne a wor a kubun kama.

Itomong Ámanzo 7:34

Mi n di amaan risam riya a tá nyesek ánerawe mi Isarela na aMasar, mi n fok kurus ba be risam. Kyo̱o̱rna mi tà ka tom ni iben aMasar.’