Ibrani 11:16 - Izere New Testament

¹⁶ Á tsang á ni te riye̱ ba natoon kaben katek, kafe kaza. Kamok anong, Adakunom fok isum a tú ku yis ye Adakunom ba baꞌ, kamok a ma ka no̱k ba kuwo̱p.

Ibrani 11:16 Referans Kwoze

Ibrani 13:14

Yir be yir kuwo̱p kufe ku tana sor ma izen izen aze nazatse na baꞌ, amma yir min te yir riye̱ nuwo̱p kuya ku tana be̱.

Ibrani 11:10

Kamok wu tsang a ni te riye̱ nuwo̱p kuya Adakunom tá barak ribor'e a tá bun a no̱k be rice wu.

aFilipi 3:20

Amma yir, yir nye yir áfe kaza, azong ne yir min sak yir anyisi ye, aner kashesh tà ne, a ta nye aYeso Kiristi Agwo̱m Ágwo̱m yir.

aYohana 14:2

Kaye̱e̱r kasa Ada mi, naro̱ kusor kuse whe̱re̱. Ke a fa nye ye anong baꞌ, ke mi ma ka tak yin. Mi be azong nong ta se ka nye yin karo̱.

Ibrani 2:11

Aya a ta se zhe̱l ne áya a tú ku sak ba tá te zhe̱l nye áner kasa kazining. Kamok anong, aYeso fok isum a tá ka yis ba ye áronyining wu baꞌ.

aMatiyu 25:34

“Ne Agwo̱m'me fe̱ be áya a ta se nabas kubo̱k riya wu ye, ‘Be̱ yin, yin aya Ada mi ta ma ka te yin kuce̱. Be̱ tà sok yin rigwo̱m riya Adakunom ta ma ka nye yin'e kum nizen a tá nye kazatse.

Ibrani 12:22

Amma yin n se̱ yin rifan aSihiyona ri ta nye aUshalima afe kaza, agbang kuwo̱p Adakunom afe kutser ne kanyim riye̱ rikan ámaleka whe̱re̱re̱.

Ibrani 11:14

Ánerawe áfe a ta fe̱ ike̱re̱ kuri iyuna tonong kanang ye ba shim kaben kafe rice ba.

2 aTimoti 4:18

Agwo̱m Ágwo̱m tin shesh kaye̱e̱r koakye kuri ike̱ng imaan'e i tana be̱ ne á tseng be mi gye̱k gye̱k ma kaye̱e̱r kasa rigwo̱m wu kaye̱e̱r kaza. Won kuyiik tu nye kufu ma izen izen! Anong.

aMarkus 8:38

Koangan afe a ta fok isum mi be rife̱ mi, nizen iyu ife sang a ta be katsak baꞌ, be kunye rine̱n dide̱ng, Igon Anerawe ta fok isum wu nizen iya a tana be̱ kaye̱e̱r kuyiik Ada wu ne kufe ámaleka Azhe̱l'e.”

Itomong Ámanzo 7:32

‘Mi ne I nye Adakunom afe átukop wan, mi ne i nye Adakunom afe Ibrahim ne afe Ishaku be afe aYakub.’ aMusa wor a kpa kaben a tá kpaan kutiim, a ba kyem a sok rice naza nong a tá ye̱re̱k baꞌ.

aLuka 12:32

“Sang tu fok yin inyim baꞌ, yin ahiir kaming, kamok Ada yin be riye̱ rikan nong yin tà nye yin rigwo̱m mak be wu.

aMarkus 12:26

Kyo̱o̱rna natoon kudorok ikom, yin kun fa yin kaye̱e̱r Kufumung aMusa a? Itak natoon kabuci. Adakunom tà fe̱ be wu ye, ‘Mi ne i nye Adakunom afe Ibrahim ne i nye Adakunom Ishaku, ne i nye Adakunom aYakub.’

aLuka 20:37

Amma kaye̱e̱r rife̱ Adakunom natoon kuro̱ng tá ya kuci, aMusa tonong ye áfe a tá kus tà dorok be kutser, kamok wu yis Adakunom ye, Adakunom afe Ibrahim ne Adakunom Ishaku, ne Adakunom aYakub.

Ibrani 10:34

Yin tonong yin áya a ta se nitso̱m kuro̱ riye̱. Yin nye yin riye̱ rikan nizen iya a tin shan ike̱re̱ yin, kamok yin ren yin ye yin be yin ike̱re̱ i ta nar iyong ife i tana sor ma izen izen.

Ibrani 11:40

Adakunom tsang a nye kanye̱k ike̱ng ikak kamok yir nong ase̱ mak be yir ne ba tà shining.

Ike̱ng a ta tonong aYohana 21:2

Mi bun i di Agbang Kuwo̱p Kuzhe̱l'e a ta yis ye aUshalima afas. Ku wuruk naza nufe Adakunom ku ta sen tisik kaben. An te ares kususas'e kyo̱ndi abining afas a ta be nasa amitek wu.