Ibrani 11:13 - Izere New Testament

¹³ Áner na kus cice̱r kaye̱e̱r kuno̱o̱k katsak ba. Ba shan ike̱ng iya Adakunom ta fe̱ be ba ye á ta ka no̱o̱k ba be rice ba baꞌ. Igak á ta di gugo̱k tsek ne á nye riye̱ rikan. Á shim ye ba nye átsen nazatse.

Ibrani 11:13 Referans Kwoze

Ibrani 11:27

Natoon kuno̱o̱k katsak ne a ti dorok na aMasar dar inyim riye̱ kubeseng agwo̱m. A tsesek kamok a ye̱re̱k aya sang anyisi tu kudi baꞌ.

aYohana 8:56

Ada yin Ibrahim nye riye̱ rikan kamok a tá izam mi, ayong a di, a nye riye̱ rikan.”

Ibrani 11:39

Adakunom kerek áner na cice̱r kamok kuno̱o̱k katsak ba. Gip be anong á shan ike̱ng iya Adakunom tá tsang a fe̱ ye a tà ka no̱o̱k ba baꞌ.

Afisa 2:19

Kamok anong, kyo̱o̱rna yin ba nye yin átsen ka áner aduk baꞌ, amma yin te yin azining be áner Adakunom ne ribir áner kasa Adakunom'me.

aRom 8:24

Kamok kuni te riye̱'ong ne a ti shesh yir, amma ke yir n di yir ike̱ng yir ta min te yir riye̱'me, to̱, iyong ba nye ku ni te riye̱ baba baꞌ. Angan ti te riye̱ nike̱ng iya wu tan se̱ e̱?

1 aBitrus 2:11

Áfo̱ yin, áya mi ta shim, mi ta nye yin akusuk, kum yin ta nye yin átsen kaye̱e̱r kazatse na, yin be yin kasa aze baꞌ, ye i ra kam yin be kudi ike̱ng kuri kufe rinerawe. Kuse kuri kuyong ko̱n itsom be kabik yin.

1 aBitrus 1:17

Kum yin ta yis yin Adakunom ye “Ada”, nizen iya yin ta nye yin aduwa. To̱, sor yin be ikap kutiim ma katuk kaya yin tana gang yin ritsen yin kaye̱e̱r kazatse na. Kamok wu nye aner ku to̱ amok. Wu tin kasa baꞌ, nizen iya aya a ta sen bo̱so̱p itomong ánerawe wu baꞌ.

aRom 4:21

A bun a ti te riye̱ dim ye Adakunom be kukyem a tana shining ike̱ng iya wu tá fe̱ ye a tà nye.

1 aYohana 3:19

Kunye yir anong ta tonong ye yir nye yir áfe katsak. Yir tà se̱ yir kameneng riye̱ nasho̱o̱n Adakunom gip, nizen iya aye̱ yir

aMatiyu 13:17

Katsak'e ne mi ta ka tak yin, áner kuzarap whe̱re̱ ne áya a ta se gye̱r nasho̱o̱n Adakunom shim ke á di ike̱re̱ yin ta ye̱re̱k yin, á ra di baꞌ, ne á foos ike̱re̱ yin ta foos yin, á ra fok baꞌ.

aYohana 12:41

Ishaya fe̱ anong kamok wu di kuyiik aYeso ne a fe̱ itak wu.

2 aKoranti 4:18

Kamok sang ike̱re̱ áfe anyisi ta di ne yir ye̱re̱k yir baꞌ, amma ike̱re̱ iya sang a ta di be anyisi baꞌ. Ike̱re̱ iya a ta di be anyisi sor nizen cie̱k tsek, amma ike̱re̱ iya a ta di be anyisi baꞌ, sor ma izen izen.

2 aKoranti 5:6

Kamok anong ne yir sor yir be riye̱ rizining koakye izen ne i ren yir ye ke yir sor yir kaye̱e̱r kuro̱m na, kufe kazatse, to̱, i se yir gugo̱k be kasa Agwo̱m Ágwo̱m.

Ibrani 11:14

Ánerawe áfe a ta fe̱ ike̱re̱ kuri iyuna tonong kanang ye ba shim kaben kafe rice ba.

Ibrani 11:17

Natoon kuno̱o̱k katsak ne Ibrahim ti no̱o̱k Ishaku a tá sor asidaka nizen Adakunom tú ku bo̱mo̱ng. Wu afe a tá shan ike̱ng iya Adakunom tá tsang a fe̱ be wu ye a tú ku nye'me, a bun a sen sok asuze̱r igon wu'me a tin nye asidaka.

1 aBitrus 1:1

Mi, aBitrus, amanzo aYeso aKiristi yin áya i ta se yin kyo̱ndi átsen kaye̱e̱r kazatse, áya a ta ka kasa yin i ta te yin shaam koakye niben aPontus be aGalati ne aKapadokiya be Asiya ne niben aBitiniya.