Ibrani 10:36 - Izere New Testament

³⁶ Tsesek yin, ta se̱ yin ike̱ng iya Adakunom tá no̱o̱k kuto̱ ye a tà ka no̱o̱k ke yin nye yin ike̱ng iya wu ta shim.

Ibrani 10:36 Referans Kwoze

Ibrani 12:1

Kamok anong, kum ánerawe áfe á ta kuus rife̱ yir kuse whe̱re̱ á ta min gorok yir na, won i tu ku barak yir koakye ike̱ng i tanin te̱ne̱ng yir, be koakye kuni rine̱n ri ta kyem ri tin te yir afartak zizirik. I naka tsesek yir ta teng yir itsi iya i ta se nasho̱o̱n yir.

1 aKoranti 13:7

Kushim kyem fek koakye, ne ku ni ino̱o̱k katsak natoon koakye, ne ku te riye̱ natoon koakye, ne ku naka tsesek kaye̱e̱r koakye.

aLuka 21:19

Nyeseng yin be agap, yin tà se̱ yin kashesh.”

Ibrani 6:15

Ibrahim tá fa mees riye̱ wu, yong a se̱ ike̱ng iya Adakunom tá fe̱ ye a tu ku nye'me.

aRom 2:7

Áner áya a ta tsesek kaye̱e̱r kunye ike̱re̱ itek nong a ta se̱ nakerek be kuyiik ne kutser kufe izen izen, ba ne Adakunom tà ka no̱o̱k ba ishorong kutser kufe izen izen.

Ike̱ng a ta tonong aYohana 14:12

Kamok anong, ázhe̱l'e áya a tá kuus itsi Adakunom ra naka tsesek ne a yir rife̱ aYeso be agap.

1 aYohana 2:17

Kazatse na, be amaan kushim ike̱re̱ i ta se kaye̱e̱r kazatse'me ta gang, amma aner aya a ta nye ike̱re̱ Adakunom ta shim a tà sor ma izen izen.

aGalati 6:9

Kamok anong sang tu ro̱n yir be kunye kutek baꞌ, kamok izen saase ife i tana se̱ yir ishorong itomong yir, ke yir te yir wa baꞌ.

aMatiyu 10:22

Ánerawe cice̱r tà ka ranyin kamok mi, amma aner aya ne a nyeseng be agap ma nigang'e, a tà se̱ kashesh.

aKolosi 1:11

Yir bun i nye yir aduwa ye yin ta te yin gbugbong be ayiik kukyem wu nong yin ta se̱ yin ku naka tsesek ne i yiir yin aye̱. Won yin tu sor yin áfe riye̱ rikan,

aRom 8:25

Amma ke yir min te yir riye̱ nike̱ng iya sang yir tan se̱ yir nizham baꞌ, yir naka tsesek yir ta tor yir.

Ibrani 9:15

Kamok anong, aKiristi ne a se natite kushu kufas nong ase̱ áfe a ta ma ka yis ba tà shan kutser kufe izen izen kuya Adakunom ta fe̱ ye a tà no̱o̱k. Kyo̱o̱rna wu ku nong a tà ka shesh ba kaye̱e̱r rine̱n rife ba tá tsang á nye kaye̱e̱r kushu kufe ime̱se̱ng'e.

aKolosi 3:24

Kum yin ta ren yin ye Agwo̱m Ágwo̱m ta ka karang yin ishorong yin be kutse yin tana ya yin. Kamok aKiristi Agwo̱m Ágwo̱m ne yin sen ku nye yin itomong.

Ibrani 13:21

ta ka no̱o̱k yin koakye ike̱ng i ta nye itek, nong ta nye ike̱ng iya wu ta shim. Won wu tu nye ike̱ng iya i tu ku se gye̱r be yir kaye̱e̱r aYeso Kiristi. Won kuyiik tu sor kufu ma izen izen. Anong!

Ibrani 6:12

Yir shim yin tu yo̱mo̱ng yin baꞌ, amma sor yin kyo̱ndi áya a tin no̱o̱k katsak ne á naka tsesek ma á ya kutse ike̱ng iya Adakunom ta tsang a fe̱.

Afisa 6:6

Sang tu nye yin nong ta ka kare̱p yin ba aye̱ ka kamok ba ta ka ye̱re̱k yin tsek baꞌ, amma kyo̱ndi ásam aKiristi ne i nye yin ike̱ng iya Adakunom ta shim be riye̱ rizining.

aRom 12:2

Sang tu ba kuus yin kuse kuri kufe kazatse na baꞌ, amma won yin Adakunom ta ka shishing yin kuto̱ro̱ng yin. Be anong ne yin ta shan yin ike̱ng iya Adakunom ta shim, ike̱ng iya i ta nye itek, iya wu tana fok kusas'e ne ike̱ng wu ta shim dim.

aMatiyu 24:13

Amma aner aya ne a nyeseng be agap ma nigang'e, a tà se̱ kashesh.

Ike̱ng a ta tonong aYohana 13:10

Koangan á ta tsang a se ye, a tu ku yiir a ta te asam ta te asam'me. Aya a ta se ye a tú ku fe̱r be itsor, be itsor ne a tù ku fe̱r'e. Iyong tonong ye ázhe̱l'e ra naka tsesek ne á no̱o̱k katsak na Adakunom.

1 aBitrus 1:9

Kamok yin tana se̱ yin kashesh kutser yin iyong ne i sak yin tin no̱o̱k yin katsak.

Ibrani 6:17

Adakunom shim a ta tonong aner aya a tana di ike̱ng iya wu tá fe̱ ye wu shishing baꞌ, yong a shu.

aKolosi 4:12

Abafaras a ta nye azining kaye̱e̱r yin ne a bun a nye asam aYeso Kiristi ta nye yin ashou. A yiir rus ne a ka nye yin aduwa dide̱ng koakye izen nong yin ta kyem i nyeseng yin be agap ne i nye yin ike̱ng iya Adakunom ta shim. Kyo̱ndi áya a ta min no̱o̱k katsak na Adakunom be riye̱ rizining.

Itomong Ámanzo 13:22

Nama Adakunom tá sak Ashawulu won rigwo̱m'e ne a sak aDauda ye, ‘Mi n se̱ aDauda a ta nye aro̱m aZhese, aner afe mi ta shim kaye̱e̱r riye̱ mi. A ta nye koakye kuri ike̱ng ife mi ta shim ke wu nye.’

aYohana 7:17

Aner aya a ta shim a ta nye ike̱ng iya Adakunom ta shim, a ta ren ye kubo̱so̱p'i ne nufe Adakunom, sang kufe rice mi.

aLuka 8:15

Íca ife i ta kpas niben itek nye áner aya a tá shan rife̱'me be riye̱ rizining, áfe a ta fok rife̱ Adakunom ne á ninye itomong ne á na ka tsesek ma ne á te ike̱ng itek.

aMatiyu 21:31

“To̱, kaye̱e̱r ba afa'ong angan ne a nye ike̱ng ada ba tá shim e̱?” Iyong á fe̱ ye, “Kafe ime̱se̱ng'e.” aYeso fe̱ be ba ye, “Katsak'e ne mi ta ka tak yin, áfe kushashang itso̱m iben ne ínyak agwo̱m ta ka tsang yin kaye̱e̱r rigwo̱m Adakunom.

aMatiyu 12:50

Kamok koangan, afe a ta nye ike̱ng iya Ada mi afa a ta se kaye̱e̱r kaza ta shim, ne a nye ango̱ mi be áronyining'i ne ángasnyining'i.”

aMatiyu 7:21

“Sang koangan afe a tin yis ye, ‘Agwo̱m Ágwo̱m’ ne a tà no̱ kaye̱e̱r kaza baꞌ, ma ke aya a tá nye ike̱ng iya Ada mi aya a ta se kaye̱e̱r kaza ta shim.

1 aTasalonika 1:3

Yir yiir i yiring yir be itomong yin iya i ta tonong kuno̱o̱k katsak yin nasho̱o̱n Adakunom yir ne Ada yir, be kuri kucan yin ta can yin kamok kushim ne kute riye̱ yin ta min te yin natoon Agwo̱m Ágwo̱m yir aYeso Kiristi dide̱ng.

Itomong Ámanzo 13:36

“Nizen iya aDauda ta nye itomong Adakunom ta shim, a ta fa ku ne a ku ne̱r naro̱ a ta ne̱se̱k átukop wu, kuro̱m wu bus.

aMarkus 3:35

Koangan afe a ta nye ike̱ng iya Adakunom ta shim, nye ango̱ mi ne áronyining'i ne ángasnyining'i.”

aRom 12:12

Nye yin riye̱ rikan natoon ike̱ng iya yin ta min te yin riye̱, naka tsesek yin kaye̱e̱r risam yin ne i yiir nye yin aduwa koakye izen.

Ibrani 11:39

Adakunom kerek áner na cice̱r kamok kuno̱o̱k katsak ba. Gip be anong á shan ike̱ng iya Adakunom tá tsang a fe̱ ye a tà ka no̱o̱k ba baꞌ.