Ibrani 10:35 - Izere New Testament

³⁵ Kamok anong, ikap yin tu te gbe̱re̱k baꞌ kamok ishorong yin nye igbang'e.

Ibrani 10:35 Referans Kwoze

1 aKoranti 15:58

Kamok anong ároneng'i mi ta shim, nyeseng yin be agap, tu te yin tuk tuk baꞌ. No̱o̱k yin rice yin nong ta nye yin itomong Agwo̱m Ágwo̱m yir aYeso dide̱ng koakye izen, kamok yin ren yin ye itomong yin ta nye yin kamok Agwo̱m Ágwo̱m yir aYeso se bap baꞌ.

Ibrani 3:6

Amma aKiristi tonong katsak kyo̱ndi igon a tu ku no̱o̱k kukyem a tanin sak riye̱ natoon ánerawe Adakunom cice̱r. Yir ne i nye yir ánerawe'me, ke i ya yir kasho̱o̱n be ku naka tsesek ne ku ni te riye̱ kuya i tin tsor yir kafok natoon'e ma nigang'e.

aLuka 14:14

Wan tà se̱ ishorong, ba ta kyem á ka karang baꞌ gye̱rtatan, a tà ka karang nizen iya a tana dorok azhe̱l'e áya a ta n kus.”

Ibrani 11:26

A nar kushim a tá fok isum kamok aKiristi be a tana sor kaye̱e̱r kurum aMasar, kamok a tsang a ni te riye̱ nishorong wu.

aMatiyu 5:12

Nye yin adide̱ngde̱ng be riye̱ rikan kamok agbang ishorong yin se naza, kamok anong ne á tabak áner kuzarap aya a tá be̱s nasho̱o̱n yin.

Ibrani 4:14

Kamok anong, kum yir ta be yir agbang atsi ayiik'e, aYeso Igon Adakunom, aya a ta tseng naza, won i tu yiir yir kuno̱o̱k katsak yir be agap dide̱ng.

Ibrani 3:14

Yir ta te yir azining be aYeso ke i yiir yir katsak yir ta be yir kum ni ime̱se̱ng'e kpa ma nigang'e.

aMatiyu 10:32

“Aner aya ne a fe̱ nasho̱o̱n ánerawe ye wu ti ren, mi tà ma fe̱ ye, sang mi tu ren gip nasho̱o̱n Ada mi afe a ta se kaye̱e̱r naza.

aMatiyu 10:42

Koangan ne a no̱o̱k azining kaye̱e̱r ayu a ta ru raar na ashi kuso̱ acaang kamok wu ta nye alimazhiri mi, won ta ka tak yin katsak'e, a tin wei nishorong wu baꞌ.”

Ibrani 2:2

Kamok ke rife̱ a ta shan nufe ámaleka be agap, koangan afe a ta shonong a gaar kufok'e tà so̱ risam kamok ike̱ng iya wu tá nye,

Afisa 3:12

Kamok i ta se yir mak be wu ne kuno̱o̱k katsak yir natoon wu, yir ta kyem i tseng yir nasho̱o̱n Adakunom ne̱k be riye̱ rizining.

Ibrani 10:19

Kamok anong, ároneng, yir ta kyem i no̱ yir Naro̱ ka ta Nar Kuse Zhe̱l be riye̱ rizining kamok naso̱k aYeso.

2 aYohana 1:8

Kamok anong sak yin riye̱, fan yin bin wei yin nishorong itomong yin, amma nong ta se̱ yin ishorong yin mumak nufe Adakunom.