Ibrani 10:34 - Izere New Testament

³⁴ Yin tonong yin áya a ta se nitso̱m kuro̱ riye̱. Yin nye yin riye̱ rikan nizen iya a tin shan ike̱re̱ yin, kamok yin ren yin ye yin be yin ike̱re̱ i ta nar iyong ife i tana sor ma izen izen.

Ibrani 10:34 Referans Kwoze

1 aBitrus 1:4

Be anong ne yir ti te yir riye̱ nong ta ya yir kutse kuya sang ku tana gang ka ku ta beseng ka ku tà te rish baꞌ, amma kuya a ta ka sak yin'e kaye̱e̱r kaza.

2 aTimoti 1:16

Won Agwo̱m Ágwo̱m tu ro̱ riye̱ áfekasa aOnesiforus, kamok koakye izen a yiir ni tsesek a fok isum ye mi se nitso̱m baꞌ.

aYakub 1:2

Aroneng, sok yin be riye̱ rikan, izen iya yin no̱ yin ni iriri kubo̱mo̱ng.

Ibrani 13:3

Yiring yin be áya a ta se nitso̱m, nye yin be ba kyo̱ndi yin se yin mak. Yiring yin be áya a ta sen ku no̱o̱k ba risam, nye yin be ba kyo̱ndi yin se yin mak.

Afisa 6:20

Kamok Rife̱ Ritek na ne mi te aner kutom, aya a ta se kaye̱e̱r izining. Nye yin aduwa nong ase̱ nizen iya mi ta sen taas kutom'e mi ta taas dar inyim kyo̱ndi mi ta shim.

aLuka 12:33

Re̱e̱s yin ike̱re̱ yin nong ta no̱o̱k yin áfe rizor itso̱m'e, be kunye anong ne yin ta sak yin kurum naro̱ afe sang ku tana beseng baꞌ, kaye̱e̱r kaza, naro̱ kaya ákpatang tanin be̱ bubarak ka itse̱ tana ya baꞌ.

1 aYohana 3:2

Aro̱, kyo̱o̱rna yir nye yir inoon Adakunom. Yir ren yir ike̱ng yir tana te yir nasho̱o̱n baꞌ. Amma yir ren yir ye izen iya aYeso tana bun a be̱, yir tà te yir kyo̱ndi wu ne i di yir kuse wu.

Ibrani 11:16

Á tsang á ni te riye̱ ba natoon kaben katek, kafe kaza. Kamok anong, Adakunom fok isum a tú ku yis ye Adakunom ba baꞌ, kamok a ma ka no̱k ba kuwo̱p.

1 aTimoti 6:19

Ke ba nye anong ne a ta tusung ike̱re̱ itek kamok rice ba kaye̱e̱r kaza ne i sor agbang kanye̱k kamok izen i ta saase nong ase̱ yin ta se̱ yin kutser ku ta nye kufe katsak.

aKolosi 1:5

Yin nye yin anong kamok yin min te yin riye̱ natoon ike̱re̱ itek iya a ta ma ka sak yin'e kaye̱e̱r kaza. Iyuna ne i nye itak katsak iya a tá ka tak yin kum ni ime̱se̱ng'e, Rife̱ Ritek, a tá ka tak yin ame.

aFilipi 1:7

I se gye̱r mi ta to̱ natoon yin cice̱r anong, kamok yin se yin riye̱ mi, kamok yin cice̱r gung yin rice be mi kaye̱e̱r ritek Adakunom. Mi ta se nitso̱m ka mi ta sen te̱ne̱ng ne i ti nyeseng ye Rife̱ Ritek'e nye katsak.

Afisa 4:1

Kamok anong, mi aya mi ta se nitso̱m kamok mi ta kuus Agwo̱m Ágwo̱m, mi ta nye yin akusuk ye yin ra sor yin kusor kutek kuya ku ta se kyo̱ndi agbang kuyis kuya a tá ka yis mo yin.

Afisa 3:1

Kamok anong, mi aBulus a min te nitso̱m kamok aYeso aKiristi ne kamok yin áya sang yin ta nye yin áner aYahuda baꞌ.

Itomong Ámanzo 21:33

Aritek asozha'me be̱ bubarak a tú ku yiir ne a sak a tu ku rosom be idun atso̱m ifa. Ne a rip ye a nye angan e̱? A nye akye̱ e̱?

Itomong Ámanzo 5:41

Ámanzo dorok azong be riye̱ rikan kamok a tá di ba kyem a ta ka no̱o̱k ba risam kamok riyerek aYeso.

aLuka 10:42

Ike̱ng izining ne i nye igbang'e nusor wan. aMarya n kasa iya i ta se gye̱r, ka akak tin shan baꞌ.”

aMatiyu 19:21

aYeso fe̱ be wu ye, “Ke wan shim tá raar ni ike̱ng ikak baꞌ, to̱, tseng ta se re̱e̱s ike̱re̱ wan nong tà no̱o̱k áfe rizor itso̱m'me, wan tà se̱ ishorong kaye̱e̱r kaza. Ne i be̱ tin kuus.”

2 aTimoti 2:9

Kamok anong ne mi ti so̱ risam na ma a min te nitso̱m gip kyo̱ndi aner aya a tá nye amaan ike̱ng, amma a ta kyem a ta rosom rife̱ Adakunom baꞌ.

2 aKoranti 5:1

Kyo̱o̱rna, yir ren yir ye ke a yirik abur yir afe yir tin sor yir, iro̱m yir, Adakunom be rice wu tin no̱k yir kasa kaye̱e̱r kaza. Kasa'ong sang anerawe ne a no̱k baꞌ, ka ta sor ma izen izen.

Itomong Ámanzo 28:20

Kamok anong ne mi fe̱ ye, mi shim ta ka di yin nong ta fe̱ kanu be yin. A min rosom aze na be atso̱m kamok kute riye̱ aner Isarela ta min te ni wu.”

2 aTimoti 4:8

Kyo̱o̱rna makong, a min sak ishorong ife ku se gye̱r'e nasho̱o̱n Adakunom, iya Agwo̱m Ágwo̱m, aner kuto̱ amok afe katsak tanin no̱o̱k Katuk'ong. Sang awan mi ne a tin no̱o̱k tsek baꞌ, amma be cice̱r áner aya a ta min te riye̱ nube̱ wu gip.

aLuka 9:25

Akye̱ kuri ike̱ng itek ne anerawe ta se̱, ke a se̱ kazatse na cei, ne a rin wei nutser wu e̱?

Ibrani 9:15

Kamok anong, aKiristi ne a se natite kushu kufas nong ase̱ áfe a ta ma ka yis ba tà shan kutser kufe izen izen kuya Adakunom ta fe̱ ye a tà no̱o̱k. Kyo̱o̱rna wu ku nong a tà ka shesh ba kaye̱e̱r rine̱n rife ba tá tsang á nye kaye̱e̱r kushu kufe ime̱se̱ng'e.

Ibrani 13:14

Yir be yir kuwo̱p kufe ku tana sor ma izen izen aze nazatse na baꞌ, amma yir min te yir riye̱ nuwo̱p kuya ku tana be̱.