Ibrani 10:25 - Izere New Testament

²⁵ Sang yir tu won dar i nyiis yir kyo̱ndi ákak tan me̱ ne á nye baꞌ. Amma i ban naka tsesek yir, ne i ni barang yir kunye anong kamok yin di yin Kunom'me nye ne kube̱ gbugbarak.

Ibrani 10:25 Referans Kwoze

Itomong Ámanzo 2:42

Á ti te rice ba nike̱ng iya ámanzo tá ka bo̱so̱p ba'me ne á nyiis naro̱ kazining ne á ya Azhibi naro̱ kazining ne a nye aduwa mak.

aMatiyu 18:20

Kamok karo̱ afe áner afa ka ataar tu ku nyim kaye̱e̱r riyerek'i, mi se azong mak be ba.”

1 aTasalonika 5:11

Kamok anong ya yin kasho̱o̱n be kutsesek yin áfudang yin ne i naka berek yin kyo̱ndi yin ta nye yin.

Ibrani 3:13

Amma yiir i naka tsesek yin kunom. Ni nye yin itomong be koakye izen iya a ta yis ye, “katuur”, nong fan rine̱n bu wo̱k akak yin nong ta shonong.

Ibrani 10:24

Kamok anong, won yir tu naka tobok yir ne i naka tonong yir kushim be kunye kutek.

1 aKoranti 5:4

Izen iya yin nyim yin kaye̱e̱r riyerek Agwo̱m Ágwo̱m yir aYeso, mi se be yin kaye̱e̱r kabik ne kukyem Agwo̱m Ágwo̱m yir aYeso,

1 aTasalonika 4:18

Kamok anong na tsesek yin be rife̱ na.

Itomong Ámanzo 2:1

Katuk aPentakos, áfikuus cice̱r nyim naro̱ kazining.

Itomong Ámanzo 20:7

Katuk ime̱se̱ng na asate, yir nyim yir naro̱ kazining nong i tá ya yir abiredi. aBulus taas ánerawe Rife̱ Ritek dide̱ng, kamok a tá ren wu tá dorok nayatson'e, yong a ya kasho̱o̱n be rife̱ ma natite katuk.

1 aKoranti 14:3

Amma aner aya a ta nye kuzarap fe̱ rife̱ riya ri tana no̱k ánerawe ne kutsesek ne ri sak aye̱ ta shirim.

aRom 12:8

Ke kunye kutsesek ánerawe, a ra sor afe kutsesek ánerawe'me. Ke kunye kunang kutobok áfe a ta se nutser, a ra no̱o̱k washak. Ke kunang'e nye kuko̱k kasho̱o̱n, won a tu nye kaye̱e̱r katsak. Ke ku nye kuro̱ riye̱, a ra nye be riye̱ rikan.

aFilipi 4:5

Won koangan tu di kutatan yin. Agwo̱m Ágwo̱m yir n be̱ barak a ta be̱.

2 aBitrus 3:9

Ákak di kyo̱ndi Adakunom mak a sok izen nizham a tá ra nye ike̱ng iya wu tá tsang a fe̱ ye wu tá nye. I se anong baꞌ. A be kutsesek ne kamok yin, a shim akak tu wei baꞌ amma koangan ra shishing kuse wu.

aYakub 5:8

yin gip, na ka tsesek yin ne nyeseng yin be agap, kamok kube̱ Kunom mbe̱ bubarak.

1 aKoranti 14:23

Kamok anong, izen iya ne áfikuus nyim cice̱r ne koangan fe̱ ni írem iduk, áya a ta ren ike̱ng iya yin ta sen nye yin'e baꞌ, ka áfurin ti no̱ kaye̱e̱r'e, aser á ta fe̱ ye yin n yirim yin aꞌa?

aZhud 1:19

Áner na ne á be̱s be kaas ánerawe, á kuus ike̱re̱ kuro̱m tsek. Á be Kabik Adakunom baꞌ.

2 aBitrus 3:14

Kamok anong, ároneng áfe riye̱ mi, kum yin ta sen tor yin Kunom'ong, to̱ nye yin koakye ike̱ng iya yin tana kyem i nye yin nong ta sor yin nasho̱o̱n Adakunom dar rizik ka rine̱n ayi. Sor yin nasho̱o̱n wu caang.

1 aBitrus 4:7

Igang kazatse m be̱ bubarak. Kamok anong, sor yin be kanye̱k ne i yiir yin rice yin gye̱r nong ase̱ ta kyem i nye yin aduwa.

2 aBitrus 3:11

Kum a tana beseng koakye ike̱ng anong, to̱, akye̱ kuri kusor ne yin sor yin e̱? I se gye̱r ke yin sor yin zhe̱l ne i kuus yin Adakunom.

1 aKoranti 11:20

Ke yin nyim yin nong ta ya yin Azhibi Agwo̱m Ágwo̱m'e,

1 aKoranti 3:13

a tà di kuri itomong koangan ta nye kanang kamok katuk Adakunom tana to̱ kazatse amok a tà tun koakye de̱s. Kamok katuk kayong a tà te̱s itomong koangan tá nye be kuro̱ng, kuro̱ng'e ne ku ta tonong itomong koangan.

Itomong Ámanzo 16:16

Katuk kakak, yir n dorok yir i be yir naro̱ aduwa yong yir nyim yir be kanamang kakak ka tá nye asam'me. Kanamang'e be kabik kakak kafe kubok. Aner áya kanamang'e ta se nubo̱k ba se̱s itso̱m dide̱ng be kubok kuya kanamang'e tá nye.

aMatiyu 10:15

Katsak'e ne mi ta ka tak yin, a tà nar kuro̱ riye̱ áner aSodom be áfe aGomora katuk amok be áner kuwo̱p kuyong.

aYohana 12:48

Aner kuto̱ amok kuse kamok aya a tin ramin ne a bun a rawu kushan rife̱ mi, rife̱ mi tá fe̱ tù ku to̱ amok katuk igang'e.

Ibrani 10:37

A tu won cie̱k tsek, “Aya afe a ta saase tà be̱, a tà sok izen baꞌ.

Ibrani 13:22

Kusuk yin ároneng, sok yin itabak mi ta ka zibir yin'e na be riye̱ ricaang kamok mi ta zibir yin'e cie̱k tsek.