Ibrani 10:23 - Izere New Testament

²³ Won yir tu yiir yir ike̱ng iya yir ta min te yir riye̱, iya i ta taas yir, kamok wu afe a ta fe̱ ye wu tin nye yir ike̱re̱ na shishing rife̱ wu baꞌ.

Ibrani 10:23 Referans Kwoze

1 aTasalonika 5:24

Wu aya a tá ka yis yin, a nye aner katsak, a fe̱ ne a shining.

1 aKoranti 1:9

Adakunom afe a tá ka yis yin, nong ta gung yin rice be igon wu aYeso Kiristi Agwo̱m Ágwo̱m yir, a nye aner aya a ta fe̱ ike̱ng ne a nye.

2 aTasalonika 3:3

Amma Agwo̱m Ágwo̱m yir be katsak, a tà ka tsesek yin ne a ka fek yin nubo̱k amaan aner'ong, a ta nye Ishetan.

Ibrani 6:18

Adakunom nye anong kaye̱e̱r ike̱ng ifa a tana shishing'e baꞌ, iya Adakunom tanin bo̱ abo̱o̱s baꞌ. Yir áfe i ta te yir gbashak i ta shan yir ike̱ng iya i tá min te yir riye̱ ta tsesek yir. In yiir yir ike̱ng iya i tá min te yir riye̱ be agap ma aye̱ yir n kpa nafa.

aTitus 1:2

kamok kute riye̱ natoon kutser kufe izen izen. Adakunom, wu a ta be abo̱o̱s baꞌ, ne a no̱o̱k kuto̱ natoon kutser kufe izen izen nizham a ta ra san ízam.

Ibrani 3:6

Amma aKiristi tonong katsak kyo̱ndi igon a tu ku no̱o̱k kukyem a tanin sak riye̱ natoon ánerawe Adakunom cice̱r. Yir ne i nye yir ánerawe'me, ke i ya yir kasho̱o̱n be ku naka tsesek ne ku ni te riye̱ kuya i tin tsor yir kafok natoon'e ma nigang'e.

1 aKoranti 10:13

Kubo̱mo̱ng kukak kuse ku ta ka se̱ yin ku tan won dar kun se̱ akak baꞌ. Adakunom shishing ike̱ng wu ta fe̱ baꞌ, a tà ka won yin tà no̱ yin nubo̱mo̱ng kuya ku ta nar agap yin baꞌ. Ke yin no̱ yin nubo̱mo̱ng'e a tà ka nye yin iren ife yin tana kyem i tsesek yin kaye̱e̱r'e.

Ike̱ng a ta tonong aYohana 3:11

Mi saase kyo̱o̱rna. Kamok anong yiir kuno̱o̱k katsak wan kpa fan akak bin shan ribong ishorong wan.

aYakub 1:6

Amma izen iya ne a rip, a ra no̱o̱k katsak dim dar agak riye̱, kamok aner aya a ta be agak riye̱ se kyo̱ndi agung ashi isho̱ng kuwun ta kap.

Ibrani 11:11

Natoon kuno̱o̱k katsak ne Ibrahim ti se̱ igon be rikop wu gip, be aSaratu a tá kun tes baꞌ. A ti no̱o̱k katsak ye Adakunom aya a tá tsang a fe̱ ye a tú ku no̱o̱k, a tu ku no̱o̱k igon.

Ibrani 4:14

Kamok anong, kum yir ta be yir agbang atsi ayiik'e, aYeso Igon Adakunom, aya a ta tseng naza, won i tu yiir yir kuno̱o̱k katsak yir be agap dide̱ng.

Ibrani 3:14

Yir ta te yir azining be aYeso ke i yiir yir katsak yir ta be yir kum ni ime̱se̱ng'e kpa ma nigang'e.

2 aKoranti 9:13

Kamok itomong na ife yin ta min tonong yin rice yin, ánerawe ta kerek Adakunom kamok yin kuus yin Rife̱ Ritek aKiristi, ne i kasap yin ike̱re̱ yin mak be ba ne ribir áfikuus.

Ibrani 3:1

Kamok anong, ároneng azhe̱l'e, yin áya i tin se yin kaye̱e̱r kuyis kufe kaza na, to̱, yin tsik natoon aYeso, a ta nye Amanzo ne Agbang Atsi niren yir ta min no̱o̱k yir katsak.