Ibrani 10:22 - Izere New Testament

²² Won tu be̱ yir bubarak be Adakunom be riye̱ rizining, be kuno̱o̱k katsak kamok aYeso ti mis naso̱k wu na agak aye̱ yir. A bun a kusu iro̱m yir be ashi a ta se zhe̱l.

Ibrani 10:22 Referans Kwoze

aYohana 3:5

aYeso fe̱ be wu ye, “Katsak'e ne mi ta ka tak, sang ke a bun a tes anerawe be ashi ne Kabik baꞌ, a ta kyem a no̱ kaye̱e̱r rigwo̱m Adakunom baꞌ.

1 aBitrus 3:21

Ashi'ong sor kyo̱ndi abatisma aya yir ta nye yir, i tin se̱ yir kashesh. Sang nong tin tun yir narik kuro̱m baꞌ, amma kamok yir ta nye yir Adakunom izong be riye̱ rizining ne kamok aYeso Kiristi tá dorok nure̱k.

Afisa 5:26

nong a tá sak a tá te zhe̱l be ku ka taas ba rife̱ Adakunom riya ri tá ka kusu ba kyo̱ndi ashi nong a ta forop.

1 aKoranti 6:11

Anong ne ákak yin tsang a se, a ra ka kusu yin nong a ta sak yin n te yin zhe̱l. Yin n te yin gye̱r nasho̱o̱n Adakunom kaye̱e̱r riyerek Agwo̱m Ágwo̱m yir aYeso Kiristi ne Kabik Adakunom yir.

Ibrani 7:19

Itsi aMusa kyem i ta sak ike̱ng ikak ta te zhe̱l baꞌ, iyong ne i sak yir nye yir kanye̱k ike̱ng itek iya yir tin te yir riye̱ natoon'e nong ta se yir bubarak be Adakunom.

2 aKoranti 7:1

Ároneng afe riye̱ mi, kum yir tan se̱ yir rife̱ Adakunom anong. Kamok anong, won i tu kam yir be ike̱ng i tana sak kuro̱m yir ne kabik yir tana won dar se zhe̱l, won i tu sor yir zhe̱l dar rizik kamok inyim Adakunom.

Ibrani 4:16

Won yir tu be̱ yir nasho̱o̱n itsik ritek Adakunom'me be riye̱ rizining, nong ase̱ ta se̱ yir kuro̱ riye̱ be ritek nizen iya i ta se yir kaye̱e̱r kutse̱r.

Ibrani 12:24

Yin n be̱ yin nufe aYeso a ta igaas kushu kufas, ne nufe naso̱k a ta mis na ta be ritek ne na nar naso̱k aHabila.

aTitus 3:5

a ti shesh yir. A nye anong sang kamok i nye yir ike̱ng ikak itek baꞌ, amma kamok kuro̱ riye̱ wu. A ti shesh yir, a tá kusu rine̱n yir be Kabik Kazhe̱l'e kaya a tin no̱o̱k yir kutes kufas ne iren kusor kufas.

1 aBitrus 1:2

Yin áya Adakunom a ta nye Ada ne a tá ka kasa yin kaye̱e̱r kanye̱k wu gbugbang, a bun a tá ka sak yin nong yin ta te yin ázhe̱l'e kamok kukyem Kabik Kazhe̱l'e. Kunyek wu nye nong i tá fok yin aYeso Kiristi kuto ne kumis naso̱k wu. Ritek ne kameneng riye̱ Adakunom se mak be yin dide̱ng.

Afisa 3:12

Kamok i ta se yir mak be wu ne kuno̱o̱k katsak yir natoon wu, yir ta kyem i tseng yir nasho̱o̱n Adakunom ne̱k be riye̱ rizining.

aYakub 4:8

Be̱ yin bubarak be Adakunom nong wu ta be̱ bubarak be yin, kusu yin ibo̱k yin, yin áfe rine̱n, nye yin aye̱ yin tu te jel, yin áfe agak aye̱.

Ibrani 9:19

Nizen iya aMusa tá tak ánerawe Itsi, a sok naso̱k inoon inyak ne nafe izha a tin gung be ashi. Ne a sok iwhang kakon kakak a ta yis ye aHisop mak be nakuyo̱ng ítsamang naseng a ta shumung, a tin mis naso̱k'e natoon kufumung Itsi ne ánerawe cice̱r.

aMatiyu 3:11

“Mi ta nye yin abatisma be ashi nong i ta tonong ye yin n shishing yin kuse yin. Amma aner a tana be̱ nama mi ti nar be kukyem, aya mi tana kyem i ra akpatak wu gum baꞌ. A tà ka nye yin abatisma be Kabik Kazhe̱l'e ne kuro̱ng.

aYakub 1:6

Amma izen iya ne a rip, a ra no̱o̱k katsak dim dar agak riye̱, kamok aner aya a ta be agak riye̱ se kyo̱ndi agung ashi isho̱ng kuwun ta kap.

Ibrani 11:28

Natoon kuno̱o̱k katsak ne wu ti yiring be aPasova be kumis naso̱k fan amaleka afe a tana fe̱s inoon ime̱se̱ng'e ta fe̱s nafe áner Isarela.

Ibrani 10:19

Kamok anong, ároneng, yir ta kyem i no̱ yir Naro̱ ka ta Nar Kuse Zhe̱l be riye̱ rizining kamok naso̱k aYeso.

Ibrani 9:10

Ike̱re̱'ong a tá nye se natoon kuyas be kuso̱ ne ku naka kusu. Ike̱re̱'ong nye ife kuro̱m tsek iya a tin nye itomong ma nizen iya Adakunom ta shishing koakye.

1 aTimoti 4:2

Kubo̱so̱p na ta ne nufe ákardak áner afe abo̱o̱s áya aye̱ ba tan kus cei.

Ike̱ng a ta tonong aYohana 1:5

aYeso Kiristi, aya a ta tonong ike̱re̱ na kaye̱e̱r katsak se mak be yin. Wu ne a ta nye ime̱se̱ng'e kaye̱e̱r aya á ta dorok nure̱k be kutser, ne a ninye rigwo̱m natoon ágwo̱m kazatse cice̱r a ti tonong yir kushim, a tá nyosong naso̱k wu nong a tin shesh yir kaye̱e̱r rine̱n yir.

Afisa 6:5

Yin ásam, kuus yin ike̱ng iya átekasa yin áfe kazatse ta fe̱ be yin be inyim ne ikap kutiim be riye̱ rizining kyo̱ndi aKiristi ne yin sen ku nye yin'e.

Itomong Ámanzo 8:21

Wan ti se kaye̱e̱r áfe itomong na baꞌ, kamok riye̱ wan se gye̱r nasho̱o̱n Adakunom baꞌ.

aYohana 8:9

Ba tá fa fok anong ne á kpaan ku dorok azong, azizirik, ásho̱n ne a kpaan'e ma á won aYeso wu ze̱r be abining ame nunyeseng nasho̱o̱n wu.

aLuka 1:1

Ánerawe whe̱re̱ n nye ike̱re̱ iya ba tá kyem á nye nong á ta zibir ike̱ng ikak natoon ike̱re̱ iya i tá shining kaye̱e̱r yir na.

Itomong Ámanzo 22:16

To̱, kyo̱o̱rna akye̱ ne wan ru tor e̱? Dorok nong a ta ka nye abatisma ku kusu rine̱n wan, kaye̱e̱r riyerek Agwo̱m Ágwo̱m.’

Ibrani 6:11

Yir shim yir koangan kaye̱e̱r yin tu ya kasho̱o̱n be ifeng anong ma nigang'e, nong ta ren yin ye yin tà se̱ yin ike̱ng iya yin ta min te yin riye̱.

Ibrani 10:1

Itsi nye nawu ike̱re̱ itek i tana be̱ tsek sang atuk kunik ike̱re̱'me baꞌ. Iyong ne isak asidaka aya a tá yiir nye'me koakye izen, aye̱ be aye̱ tá sak áya a ta be̱s kuya Adakunom iben ta te zhe̱l baꞌ.