Ibrani 10:14 - Izere New Testament

¹⁴ Kamok a tá nye asidaka kutak kuzining, a sak áfe a ta te zhe̱l tà shining ma izen izen.

Ibrani 10:14 Referans Kwoze

Ibrani 10:1

Itsi nye nawu ike̱re̱ itek i tana be̱ tsek sang atuk kunik ike̱re̱'me baꞌ. Iyong ne isak asidaka aya a tá yiir nye'me koakye izen, aye̱ be aye̱ tá sak áya a ta be̱s kuya Adakunom iben ta te zhe̱l baꞌ.

Ibrani 7:25

Kamok anong, a ta kyem a shesh koangan a ta gor nufu a ta tseng nufe Adakunom, a ta sor ma izen izen ne a yiir nye aduwa kamok ba.

Ibrani 9:14

ke naso̱k ikewum kyo̱ndi iyong tà sak anerawe te zhe̱l shita naso̱k aYeso Kiristi a? Wu afe a tá be̱ kaye̱e̱r Kabik Kazhe̱l'e dar rizik nasho̱o̱n Adakunom, a no̱o̱k rice wu kamok rine̱n yir. A ti kam yir be ike̱re̱ iya i ta be̱e̱n riku nong i ta ya yir Adakunom afe kutser iben.

Ibrani 2:11

Aya a ta se zhe̱l ne áya a tú ku sak ba tá te zhe̱l nye áner kasa kazining. Kamok anong, aYeso fok isum a tá ka yis ba ye áronyining wu baꞌ.

aRom 15:16

nong ta te aner itomong aYeso Kiristi nufe áya sang á ta nye áner aYahuda baꞌ. Mi nye itomong ritsi i ta taas Rife̱ Ritek Adakunom, nong aya sang a ta nye áner aYahuda baꞌ, ta sor asidaka Adakunom tana shan, áya Kabik Kazhe̱l'e tu ku sak ba á ta te zhe̱l.

Ibrani 13:12

Anong ne aYeso di risam nama kuwo̱p, nong a ta sak ánerawe wu ta te zhe̱l kamok naso̱k wu.

Ibrani 7:19

Itsi aMusa kyem i ta sak ike̱ng ikak ta te zhe̱l baꞌ, iyong ne i sak yir nye yir kanye̱k ike̱ng itek iya yir tin te yir riye̱ natoon'e nong ta se yir bubarak be Adakunom.

Afisa 5:26

nong a tá sak a tá te zhe̱l be ku ka taas ba rife̱ Adakunom riya ri tá ka kusu ba kyo̱ndi ashi nong a ta forop.

Itomong Ámanzo 20:32

“Kyo̱o̱rna, mi ta won yin nubo̱k Adakunom. Ritek wu se mak be yin. Wu ta sak yin tin barang yin kukpa agap ne a ka no̱o̱k kutse kaye̱e̱r áner aya wu ta sak an te zhe̱l.

aZhud 1:1

Mi, aZhud, asam aYeso Kiristi, aronyining aYakub, yin áya Adakunom aya a ta nye Ada ta ka shim yin, ne a ka yis yin, áya aYeso Kiristi ta ka fek yin.

1 aKoranti 1:2

Yin áfikuus Adakunom i ta se yin na aKoranti áya a tá te ázhe̱l'e, áya a tá ka yis ba nong á tà sor zhe̱l kaye̱e̱r aYeso aKiristi, mak be áner aya a ta se koake̱, á ta yis riyerek Agwo̱m Ágwo̱m yir aYeso Kiristi, a ta nye Agwo̱m Ágwo̱m ba, ne a nye Agwo̱m Ágwo̱m yir cice̱r.

Ibrani 9:10

Ike̱re̱'ong a tá nye se natoon kuyas be kuso̱ ne ku naka kusu. Ike̱re̱'ong nye ife kuro̱m tsek iya a tin nye itomong ma nizen iya Adakunom ta shishing koakye.

Itomong Ámanzo 26:13

Nabas katite kunom, kunom ra be rigwo̱m, Adagwo̱m, mi ta se niren'e mi di akanang aya a ta nar kunom ta ne naza a tin samang natoon'i be áfudang'i.

Ibrani 10:10

Be kushim Adakunom ne yir n te yir azhe̱l'e be kuno̱o̱k aYeso Kiristi kyo̱ndi asidaka kutak kuzining tsek.

Ibrani 10:12

Amma aKiristi tá nye asidaka wu kutak kuzining kamok rine̱n ánerawe, a sonong nubo̱k riya Adakunom.