Ibrani 10:10 - Izere New Testament

¹⁰ Be kushim Adakunom ne yir n te yir azhe̱l'e be kuno̱o̱k aYeso Kiristi kyo̱ndi asidaka kutak kuzining tsek.

Ibrani 10:10 Referans Kwoze

Ibrani 10:14

Kamok a tá nye asidaka kutak kuzining, a sak áfe a ta te zhe̱l tà shining ma izen izen.

Ibrani 10:12

Amma aKiristi tá nye asidaka wu kutak kuzining kamok rine̱n ánerawe, a sonong nubo̱k riya Adakunom.

1 aKoranti 6:11

Anong ne ákak yin tsang a se, a ra ka kusu yin nong a ta sak yin n te yin zhe̱l. Yin n te yin gye̱r nasho̱o̱n Adakunom kaye̱e̱r riyerek Agwo̱m Ágwo̱m yir aYeso Kiristi ne Kabik Adakunom yir.

Ibrani 7:27

A se kyo̱ndi ribir ágbang atsi baꞌ, a nye asidaka koakye katuk kamok rine̱n wu ni ime̱se̱ng'e nizham a ta ra nye kamok ánerawe baꞌ. Amma a nye asidaka kamok rine̱n ánerawe cice̱r kutak kuzining nizen iya a tá no̱o̱k rice wu.

aYohana 17:19

Kamok ba ne mi no̱o̱k rice mi zhe̱l nong ase̱ ba gip ta se̱ kute zhe̱l kufe katsak.

Ibrani 13:12

Anong ne aYeso di risam nama kuwo̱p, nong a ta sak ánerawe wu ta te zhe̱l kamok naso̱k wu.

1 aKoranti 1:30

Kamok wu ne yin se yin kaye̱e̱r aYeso Kiristi aya a ta sor kukyem Adakunom nufe yir, wu ne a ti sak yir i ta se yir gye̱r, ne i se yir zhe̱l, ne i se̱ yir kashesh.

Ibrani 9:28

anong ne a no̱o̱k aKiristi kutak kuzining gip nong a tá sor asidaka kusok rine̱n ánerawe whe̱re̱. A tà bun a be̱ ife afa nong a tà shesh áya a ta sen ku tor, sang kamok nong a tà sok rine̱n baba baꞌ.

Ibrani 9:12

A no̱ be naso̱k izha ka amung baꞌ. A no̱ naro̱ ka ta nar Kuse Zhe̱l be naso̱k wu kutak kuzining tsek nama a tin se̱ yir kashesh kafe izen izen.

1 aBitrus 2:24

A sok rine̱n yir nuro̱m wu be rice wu, nizen a tú ku tigak nukon nong ase̱ a tin kam yir be rine̱n ne i sor yir kusor kuzhe̱l'e. Yin n te yin atser kamok ifor wu.

Ibrani 10:20

Wu ti karak yir iren ifas iren kutser iya i ta gor ikarak alaple, iyong nye kuro̱m wu a tá no̱o̱k.

Ibrani 9:26

A fa fe̱ ye aKiristi nye anong, ke an so̱ risam ne a toos'e kum nizen iya a tá nye kazatse. A be̱ kutak kuzining tsek nigang'e na, a tá no̱o̱k rice wu asidaka kamok rine̱n yir.

Ibrani 2:14

Kum inoon'e ta be rinam be naso̱k, wu gip a sok kuse rinerawe nong ase̱ kamok riku wu a ta yirik agap aya riku ta se nubo̱k wu, aner'e nye Ishetan

1 aYohana 5:6

aYeso Kiristi ne a ne naza, a tú ku nye abatisma be ashi ne a nyosong naso̱k wu. I nye ashi tsek baꞌ, amma ashi be naso̱k. Ne Kabik Kazhe̱l'e ni tak yir ye i se anong, kamok wu ne a taas ánerawe katsak'e.

aYohana 19:34

Azining kaye̱e̱r asozha'me bun a tubuk aYeso nukafam be kuko̱o̱n ne naso̱k be ashi wuruk naro̱'me.

Ibrani 2:11

Aya a ta se zhe̱l ne áya a tú ku sak ba tá te zhe̱l nye áner kasa kazining. Kamok anong, aYeso fok isum a tá ka yis ba ye áronyining wu baꞌ.

Ibrani 10:5

Kamok anong, nizen iya aKiristi tá be̱ nazatse, a fe̱ ye, “Asidaka be kunyesek ike̱re̱ ne wan shim baꞌ, amma kuro̱m ne wan nye kanye̱k'e.

aYohana 6:51

Mi ne i nye naya kutser naya na ta ne naza, ke akak ya naya na, a ta sor ma izen izen, naya'me nye kuro̱m'i kuya mi tana no̱o̱k nong kazatse ta se̱ kutser.”

Afisa 5:2

Sor yin kusor ku naka shim kyo̱ndi aKiristi tin shim yir, a tá no̱o̱k rice wu kamok yir, kyo̱ndi asidaka aya a ta be iko̱o̱n itek, aya a ta nye kamok Adakunom.

Afisa 5:26

nong a tá sak a tá te zhe̱l be ku ka taas ba rife̱ Adakunom riya ri tá ka kusu ba kyo̱ndi ashi nong a ta forop.

Ibrani 5:7

Nizen aYeso tá se aze nazatse, a tá kuto̱ naza a tá nye aduwa ne a nye izong be nanyisi nufe Adakunom aya a tana kyem a ku shesh kaye̱e̱r riku. Adakunom tú fok kamok a nye aner a tá mees rice.

Ibrani 9:14

ke naso̱k ikewum kyo̱ndi iyong tà sak anerawe te zhe̱l shita naso̱k aYeso Kiristi a? Wu afe a tá be̱ kaye̱e̱r Kabik Kazhe̱l'e dar rizik nasho̱o̱n Adakunom, a no̱o̱k rice wu kamok rine̱n yir. A ti kam yir be ike̱re̱ iya i ta be̱e̱n riku nong i ta ya yir Adakunom afe kutser iben.

Ibrani 10:29

Ke itak'e se anong, akye̱ kuri ike̱ng ne yin di yin ye a tá nye be áner aya a ta zhe̱e̱sh Igon Adakunom ne á nye kpe̱de̱ng be naso̱k na tú ku kusu ba kyo̱ndi na se zhe̱l baꞌ, a fe̱ imaan'e natoon Kabik Kazhe̱l'e kafe ritek Adakunom e̱?

1 aBitrus 3:18

Kamok aKiristi so̱ risam ma a ku kamok rine̱n yir cice̱r kutak kuzining tsek, wu nye azhe̱l'e, amma a ku kamok áya sang á ta nye azhe̱l'e baꞌ nong a tà tseng be yir nufe Adakunom. A tú fe̱r nuro̱m amma Adakunom tú sak a dorok kaye̱e̱r kabik be kutser.