Ibrani 1:2 - Izere New Testament

² Amma kaye̱e̱r inom igang'e na, a fe̱ kanu be yir be Igon wu, aya a tú ku sak a ta te a ya kutse ike̱re̱ cice̱r. Mak be wu ne a nye koakye.

Ibrani 1:2 Referans Kwoze

1 aKoranti 8:6

gip be anong, yir ren yir ye Adakunom se azining. Wu ne a nye Ada aya a ta nye koakye ike̱ng, yir sor yir kamok wu. Yir ren yir ye Agwo̱m Ágwo̱m se azining. Wu ne a nye aYeso Kiristi aya be wu ne a nye koakye, kamok wu ne yir ti sor yir.

aYohana 1:3

Be wu ne a nye koakye ike̱ng, ike̱ng ikak kuse ife a tá nye dar wu baꞌ.

aYohana 1:14

Rife̱'me te anerawe ne a sor kaye̱e̱r yir. Yir n di yir kuyiik wu, kuyiik kuya ku ta nye kufe asuze̱r Igon ku ta ne nufe Ada wu tsek, a ta shining be ritek ne katsak.

1 aBitrus 1:20

Wu ne Adakunom tsang a ku kasa nizham a ta ra nye kazatse, amma kamok yin ne a tu tonong nizen igang'e na.

aMatiyu 28:18

Ayong aYeso be̱ bubarak be ba, a tá fe̱ ye, “A min no̱o̱k kukyem kaye̱e̱r kaza be kaye̱e̱r kazatse cice̱r.

aYohana 13:3

aYeso ren ye Ada'me n won ike̱re̱ cice̱r nubo̱k wu ne a ren ye wu ne nufe Adakunom, nufu Adakunom'me ne wu tù ku bun.

aMatiyu 17:5

Kum ne a ru fe̱ kanu, kune̱n kukak ku ta se kanang be̱ ku tú kis ba ne kuto̱ kukak wuruk naza ye, “Ayu ne a nye Igon'i kaya mi ta shim. Mi fok kasas wu dide̱ng. Ku fok yin kuto.”

Ibrani 11:3

Natoon kuno̱o̱k katsak ne yir ti ren yir ye a nye kazatse be rife̱ Adakunom. Kamok anong, a nye ike̱re̱ yir tá di yir kaye̱e̱r kazatse na be ike̱re̱ iya sang yir ta di yir be anyisi yir baꞌ.

aRom 8:17

To̱, ke i nye ye yir nye yir inoon'e, i nye ye yir nye yir áya kutse Adakunom, ta ya yir kutse'me mak be aKiristi kum ke i nye ye yir tà so̱ yir risam mak be wu nong ta se̱ yir kuyiik mak be wu.

aYohana 3:16

“Kamok kushim afe Adakunom ta shim kazatse dide̱ng, ma a no̱o̱k asuze̱r Igon wu, kamok koangan afe a tin no̱o̱k katsak ni wu, tà wei baꞌ, amma a ta se̱ kutser kufe izen izen.

aMatiyu 26:63

Amma aYeso te gbik. Ayong agbang atsi ame bun a fe̱ be wu ye, “Kaye̱e̱r riyerek Adakunom afe kutser, ni tak yir katsak'e, ka wan ne i nye aKiristi'e, Igon Adakunom.”

aMatiyu 21:38

“Amma áfe a tá ko̱bo̱k riko̱ ame tá fa di igon'e, á nye ibo̱ro̱ng ye, ‘Ayu ne a nye aya kutse wu, i ku fe̱r yir nong ta ya yir kutse'me.’

Ibrani 5:8

aYeso nye Igon Adakunom gye̱rtatan, amma a ti barang kukuus kuto̱ Adakunom kaye̱e̱r risam a tá so̱.

Afisa 1:10

Kanye̱k wu se, ye ke izen'e nye dim, a tà gung ike̱re̱ cice̱r, ike̱re̱ iya i ta se kaye̱e̱r kaza be iya i ta se kaben nong aner azining tin nye rigwo̱m, aKiristi ne a tin nye rigwo̱m'e.

Ibrani 7:3

A be ada ka ango̱ baꞌ, akak ren izen a tú ku tes ka izen iya a tá ku baꞌ. A se kyo̱ndi Igon Adakunom a ta nye atsi ma izen izen.

Ibrani 2:3

yir tà nye yir ane̱ ta wher yir ke yir gaar yir kushan agbang kashesh kuri kuyu e̱? Agwo̱m Ágwo̱m yir be rice wu ne a taas itak kashesh na ni ime̱se̱ng'e. Áner áya a tú ku fok ti tonong yir ye i se anong be katsak.

Ibrani 1:5

Kamok amaleka akak kuse Adakunom tá kun fe̱ be wu ye, “Wan nye Igon'i, katuur mi n te Ada wan” baꞌ. Ka ye, “Mi tà te Ada wu, ne wu ma te Igon'i” baꞌ.

Afisa 3:9

Kamok Adakunom nye itomong be mi nong ase̱ a ta tonong kanye̱k itomong wu kanang kaye̱e̱r yin cice̱r. Kanye̱k Adakunom aya a ta nye ike̱re̱ cice̱r, a ta ne̱r áfe izam agbugbang'e.

aGalati 4:4

Amma izen'e ta fa shining Adakunom tom igon wu, aner abining tá tes nizen Itsi aner aYahuda tá ru nye itomong,

Itomong Ámanzo 10:36

Rife̱ Adakunom tá tom áner Isarela'me nye itak kutaas Rife̱ Ritek rife̱ ne kusor kutek kaye̱e̱r aYeso Kiristi Agwo̱m Ágwo̱m yir cice̱r.

aYohana 15:15

Mi tà ba ka yis yin ye ásam baꞌ, kamok asam ren kuto̱ro̱ng atekasa wu baꞌ. Mi ta ka yis yin ye áferime̱ mi makong, kamok koakye ike̱ng iya mi tá bo̱so̱p nufe Ada mi, mi ma ka taas yin.

aZhud 1:18

Á tá ka tak yin ye, “Kaye̱e̱r inom igang'e, áner ákak tu ku se áya a tana ka kok yin'e ne á kuus ike̱re̱ riye̱ ba sang ife Adakunom baꞌ.”

aRom 1:4

Kabik Kazhe̱l'e tonong kaye̱e̱r kukyem ye wu ne a nye Igon Adakunom kamok a tú ku dorok nure̱k be kutser. Wu ne a nye Agwo̱m Ágwo̱m yir aYeso Kiristi yir.

Itomong Ámanzo 2:17

“ ‘Adakunom fe̱ ye, kaye̱e̱r inom igang'e, mi tà shining ánerawe cice̱r be Kabik Kazhe̱l'e. Inoon yin atek be ányining tà nye kuzarap, Adakunom tà tonong ácam be nanamang katsak wu. Ásho̱n tà ren katsak Adakunom kaye̱e̱r nabos ba.

aYohana 17:2

Kamok wan tú ku no̱o̱k rigwo̱m natoon ánerawe cei, nong a ta no̱o̱k aya wan tú ku no̱o̱k cice̱r, kutser kufe izen izen.

aYohana 16:15

Ike̱re̱ iya i ta nye ife Ada'me cei nye inaan. Ike̱ng iya i tá sak mi tá fe̱ ye, Kabik tà kok ike̱re̱ inaan ne a ka taas yin.

aMarkus 12:6

“Gip be anong, a tú won aner azining wu tana tom, aner'e nye igon'i, kaya mi ta shim. Ni igang'e, a tú tom nufuba ye, ‘Ei, á ta sok igon'i yiik.’

aMarkus 1:1

Iyuna ne i nye ime̱se̱ng Rife̱ Ritek natoon aYeso Kiristi, Igon Adakunom'me.

2 aBitrus 3:3

Agbang ike̱ng mi ta shim yin tu ren yin ye kaye̱e̱r inom igang'e, áner ákak á tana nye áfe zhe̱e̱sh karo̱ tà wuruk ne á nye ámaan ike̱re̱ aye̱ ba ta shim. Á tà ka mas yin,

Ibrani 1:8

A fe̱ natoon Igon'e ye, “Itsik rigwo̱m wan, Adakunom, tà sor ma izen izen. Katsak ne ka ta nye ishe̱n rigwo̱m wan.

Ibrani 9:26

A fa fe̱ ye aKiristi nye anong, ke an so̱ risam ne a toos'e kum nizen iya a tá nye kazatse. A be̱ kutak kuzining tsek nigang'e na, a tá no̱o̱k rice wu asidaka kamok rine̱n yir.

aYohana 3:25

Iyong nanan dorok natite álimazhiri aYohana ne aner aYahuda akak natoon igo̱o̱n ku naka kusu nong á tá te zhe̱l.

aMatiyu 3:17

Ne kuto̱ kukak wuruk naza ye, “Wan ne inye Igon'i kaya mi ta shim. Mi fok kusas wu dide̱ng.”

aMatiyu 13:39

Ne amudo̱n aya a ta nas naya'me nye Ishetan. Ishamang'e nye izen afe kazatse tana gang, ne áfe kutse̱k'e nye ámaleka.

aMarkus 12:7

“Amma áfe a tá ko̱bo̱k riko̱ ame nye ibo̱ro̱ng ye, ‘Ayuna ne a nye aya kutse wu, be̱ yin i ku fe̱r yir nong kutse'me tà te kufe yir.’

aYohana 1:10

Rife̱'me se kaye̱e̱r kazatse gbugbang, kamok be wu ne a tin nye kazatse, gip be anong kazatse'me tu ku ren baꞌ.

aYohana 5:26

Kyo̱ndi Ada'me ta nye iren kutser, anong ne a sak Igon wu ta sor iren kutser.

aYohana 5:27

Ne a ku no̱o̱k iren kuto̱ amok, kamok wu ta nye Igon Anerawe.

aYohana 9:29

Yir ren yir ye Adakunom fe̱ kanu be aMusa, amma yir ren yir ka ake̱ ne aner na ne baꞌ.”

1 aKoranti 2:7

Wayo, yir fe̱ yir itak kukyem Adakunom kuya ku ta se nune̱re̱ng, kuya anerawe ta ren baꞌ, kuya Adakunom tá tsang a sak kum ni ime̱se̱ng'e nong ase̱ yir tin se̱ yir kuyiik.

Ibrani 3:6

Amma aKiristi tonong katsak kyo̱ndi igon a tu ku no̱o̱k kukyem a tanin sak riye̱ natoon ánerawe Adakunom cice̱r. Yir ne i nye yir ánerawe'me, ke i ya yir kasho̱o̱n be ku naka tsesek ne ku ni te riye̱ kuya i tin tsor yir kafok natoon'e ma nigang'e.

Ibrani 4:14

Kamok anong, kum yir ta be yir agbang atsi ayiik'e, aYeso Igon Adakunom, aya a ta tseng naza, won i tu yiir yir kuno̱o̱k katsak yir be agap dide̱ng.

Ibrani 7:28

Itsi aMusa sak ánerawe á tá raar tá te agbang atsi, amma kushu kufe ku tá be̱ nama itsi sak Igon'e a ta se zhe̱l te atsi ma izen izen.

aYohana 13:32

Ke Adakunom se̱ kuyiik kaye̱e̱r wu, to̱, Adakunom tà tiyiik Igon'e be rice wu ne a bun a tiyiik rice wu zizirik.