Ibrani 1:14 - Izere New Testament

¹⁴ Ámaleka cice̱r nye nabik naya na ta nye áner á ta se̱ kashesh itomong.

Ibrani 1:14 Referans Kwoze

aMatiyu 18:10

“Sak yin riye̱ sang yin tu zhe̱e̱sh yin azining kaye̱e̱r azhizhe̱k'e na baꞌ, kamok mi kun ka tak yin ye, ámaleka ba kaye̱e̱r kaza yiir iye̱re̱k kanyisi Ada mi a ta se kaye̱e̱r kaza.

Itomong Ámanzo 27:23

Natuk nashirim amaleka Adakunom akak, aya mi ta sor afu ne i ku nye itomong, be̱ a nyeseng nukim'i.

Itomong Ámanzo 5:19

Amma natuk amaleka Agwo̱m Ágwo̱m be̱ a tá ka karak ba kanukutu itso̱m'e, a tá ka tun ba nufang,

Itomong Ámanzo 12:7

Gbashak amaleka Agwo̱m Ágwo̱m wor a wuruk azong kaye̱e̱r kutu itso̱m ame ne karo̱ te kanang. Amaleka'me ra aBitrus nape̱me̱ng, a tú ku shiming. A fe̱ be wu ye, “Dorok gbashak.” Iyong idun atso̱m ame wuruk cice̱r nibo̱k aBitrus i tá kpas kaben.

aLuka 1:19

Ne amaleka'me fe̱ be wu ye, “Mi ne i nye aGyebel. Mi se nasho̱o̱n Adakunom. A min tom nufuan nong tà ka tak Rife̱ Ritek na.

aMatiyu 1:20

A tá se kaye̱e̱r kanye̱k kayong, iyong amaleka Adakunom be̱ nufu kaye̱e̱r nabos nong a tá fe̱ be wu ye, “aYusufu, igon aDauda, sang tu fok inyim kuso̱k aMarya kanamang kusam wan baꞌ, kamok kafa wu'me nye kafe Kabik Kazhe̱l'e.

aLuka 16:22

“Katuk kakak aLazarus'e ku, yong ámaleka tú sok nong á tá tseng be wu nufe Ibrahim naro̱ kayiik'e. Arum ame ma ku gip, yong a tú ne̱r.

Itomong Ámanzo 12:23

Zizirik amaleka Agwo̱m Ágwo̱m sak kuro̱k tú ku yiir aHiridus kamok a tá shim ánerawe tú ku tiyiik ne á nar Adakunom.

aLuka 2:9

Amaleka Adakunom ti wuruk niba ne akanang kuyiik Adakunom ku gorok ba ma inyim tú ro̱ ba dide̱ng.

aLuka 2:13

Nizen izining rigwo̱m ámaleka áfe a ta se kaye̱e̱r kaza wuruk nong á tá kerek Adakunom mak be amaleka ame ye,

aMatiyu 2:13

Nama átsen ame tú ku bun, amaleka Adakunom be̱ nufe aYusufu kaye̱e̱r nabos, a tá fe̱ be wu ye, “Dorok, sok igon'e be anyining'e nong tá teng tá be yin ni iben aMasar. Sor yin azong ma izen iya ne mi fe̱ be wan, kamok aHiridus tá tse̱r igon'e nong a tá fe̱r.”

aTitus 3:7

A nye anong, nong ase̱ kamok ritek wu yir ta se̱ yir ku te zhe̱l nasho̱o̱n Adakunom ne i te yir áya a tana ya kutse kutser kufe izen izen kuya yir ta min te yir riye̱.

Ike̱ng a ta tonong aYohana 5:6

Ne mi bun i di Aturuk akak kyo̱ndi an tse̱e̱r kuto̱'me nunyeseng natite karo̱ itsik rigwo̱m'e. Ike̱re̱ inaas ame be áko̱k kasho̱o̱n tú ku gorok. Aturuk'e be atom kanataar be anyisi kanataar. Ayong ne á nye nabik Adakunom kanataar naya á tá tom'e nazatse cei.

1 aBitrus 1:12

Adakunom tú ku tak ba ye sang ba nye itomong rice ba baꞌ, amma á tá nye yin'e nizen ba tá nye kuzarap'ong cice̱r. Kyo̱o̱rna áya a tá ka taas yin Rife̱ Ritek na, á tá ka taas yin kyo̱ndi Kabik Kazhe̱l'e kaya Adakunom tá tom'e kaye̱e̱r kaza ta ka tees ba. Ámaleka gip á shim kuren ike̱re̱ na dide̱ng.

aMatiyu 25:34

“Ne Agwo̱m'me fe̱ be áya a ta se nabas kubo̱k riya wu ye, ‘Be̱ yin, yin aya Ada mi ta ma ka te yin kuce̱. Be̱ tà sok yin rigwo̱m riya Adakunom ta ma ka nye yin'e kum nizen a tá nye kazatse.

aZhud 1:14

aEnok gip, a ta se kaye̱e̱r izam ife kanataar nama Adamu, wu gip a nye kuzarap natoon áner ayong ye, “Di yin, Agwo̱m Ágwo̱m ta saase be áfu ázhe̱l'e izungu natoon izungu izungu,

1 aBitrus 1:4

Be anong ne yir ti te yir riye̱ nong ta ya yir kutse kuya sang ku tana gang ka ku ta beseng ka ku tà te rish baꞌ, amma kuya a ta ka sak yin'e kaye̱e̱r kaza.

Ibrani 6:17

Adakunom shim a ta tonong aner aya a tana di ike̱ng iya wu tá fe̱ ye wu shishing baꞌ, yong a shu.

2 aTasalonika 1:7

ne a ka tun yin kaye̱e̱r risam'me mak be yir gip. A tà nye anong nizen iya aYeso Agwo̱m Ágwo̱m tana wuruk kanang naza be rigyem kuro̱ng ne ámaleka wu áya a ta ba kukyem.

aFilipi 2:25

Amma mi di, i bun i se gye̱r ta ka tom yin aroneng akak nikuus, Apafuroditus, ne a nye afudang itomong'i. A nye asozha aYeso, i ta sen can yir mak, aya yin tú ku tom yin nunaan nong a tá be̱ a tin se̱ mo nike̱ng iya mi ta tse̱r.

2 aKoranti 9:12

Itomong yin ta nye yin na, nyesek áner Adakunom ike̱re̱ ba ta tse̱r tsek baꞌ, amma i sak ánerawe whe̱re̱ tonong riye̱ rikan dide̱ng be Adakunom.

aRom 15:27

A nye riye̱ rikan nong á ta nye anong, i sor itomong ba a tana nye dim. Ke i nye ye áner aYahuda tin se̱ áner aya sang a ta nye áner aYahuda baꞌ nike̱re̱ kabik, i se gye̱r ke ba min se̱ áner aYahuda nike̱re̱ ife kuro̱m.

aRom 15:16

nong ta te aner itomong aYeso Kiristi nufe áya sang á ta nye áner aYahuda baꞌ. Mi nye itomong ritsi i ta taas Rife̱ Ritek Adakunom, nong aya sang a ta nye áner aYahuda baꞌ, ta sor asidaka Adakunom tana shan, áya Kabik Kazhe̱l'e tu ku sak ba á ta te zhe̱l.

aRom 13:6

Ike̱ng iya i ta sak yin ta karang yin itso̱m iben, kamok áko̱k kasho̱o̱n nye ásam Adakunom áya a ta no̱o̱k izen ba kamok itomong kube ánerawe.

Itomong Ámanzo 13:2

Nizen ba tá sen ya Adakunom iben ne á nye azumi yong Kabik Kazhe̱l'e fe̱ be ba ye, “Ni sak yin aBarnabas be Ashawulu nukim nong ase̱ á tin nye itomong iya mi tan sak ye ba tin nye'me.”

Itomong Ámanzo 11:22

Áfikuus aya a ta se na aUshalima fok itak'e yong á tom aBarnabas ye a ra tseng na Antakiya.

aLuka 1:23

Izen kunye itomong wu tá fa gang, a tú bun kari.

aMatiyu 24:31

A ta tom ámaleka wu nong á ta fe̱e̱p rigba ri ta wo̱ng dide̱ng ne á tusung aya a tá kasa nikes kazatse inaas, nikes kuyu ma nigang kazatse.

aMatiyu 13:41

Igon Anerawe tà tom ámaleka wu, á tù ku tusung cice̱r áfe a ta sak ánerawe tá nye rine̱n ne áya a tà nye amaan kunye cice̱r.

1 aBitrus 3:7

Yin átek gip, ren yin kuri kusor kuya yin tana sor yin be ányining yin. Ba be agap kyo̱ndi yin baꞌ. Ku tiyiik yin ba kamok yin be ba cice̱r, yin shan yin ayiik kutser Adakunom nawarak mak. Nye yin anong fan ike̱ng ikak bu te̱ne̱ng aduwa yin.

aYakub 2:5

Aroneng'i aya mi ta shim, wesek yin kuto, i se ye Adakunom kasa áfe rizor nasho̱o̱n kazatse na nong a ta te arum kaye̱e̱r kuno̱o̱k katsak ne aya a ta ya kutse rigwo̱m Wu ta nye kanye̱k'e natoon aya a tu ku shim aꞌa?

Ibrani 10:11

Koakye katuk atsi nye itomong wu, a nye asidaka ne a toos'e koakye kunom. Gip be anong iyong kyem i kusu rine̱n baꞌ.

Ibrani 8:6

Itomong aYeso tá nye se yiik ne i nar ifuba cei, kyo̱ndi kushu kufas wu tin no̱ natite ánerawe be Adakunom ta nar kuse yiik. Ike̱re̱ Adakunom tá fe̱ ye a ta nye nar kunye itek gip.

Ibrani 6:12

Yir shim yin tu yo̱mo̱ng yin baꞌ, amma sor yin kyo̱ndi áya a tin no̱o̱k katsak ne á naka tsesek ma á ya kutse ike̱ng iya Adakunom ta tsang a fe̱.

Ibrani 5:9

Nizen iya a tá ma shining gye̱r, ne a ma sor iren kutser kufe izen izen nufe koangan aya a ta kuus ike̱ng iya a ta fe̱.

aFilipi 2:17

Ei, i se gye̱r, mi ta nye riye̱ rikan be yin, a fa nyosong naso̱k'i natoon asidaka yin ne natoon itomong kuno̱o̱k katsak yin, gip be anong mi be riye̱ rikan be yin.

Afisa 3:6

Kanye̱k'e se ye kamok kutaas Rife̱ Ritek Adakunom, nong áner aya a ta nye áner aYahuda baꞌ ta se̱ kuya kutse mak be áner Isarela. Ba te kyo̱ndi aner azining ne á se̱ kukap mak be áner Isarela, kaye̱e̱r ike̱ng iya Adakunom tá tsang a fe̱ ye wu ta no̱o̱k kamok aYeso Kiristi.

aGalati 3:29

Ke yin nye yin áfe aKiristi to̱, i nye ye yin nye yin inoon Ibrahim, áfe kuya kutse wu kyo̱ndi Adakunom tá tsang a no̱o̱k kuto̱.

aGalati 3:9

Ibrahim tin no̱o̱k katsak na Adakunom yong a tú ku te kuce̱, anong ne koangan ne ke a ti no̱o̱k katsak na Adakunom, a tu ku te kuce̱ mak be Ibrahim.

aGalati 3:7

Kamok anong, ren yin ye áya a ta no̱o̱k katsak nye inoon Ibrahim.

aRom 8:17

To̱, ke i nye ye yir nye yir inoon'e, i nye ye yir nye yir áya kutse Adakunom, ta ya yir kutse'me mak be aKiristi kum ke i nye ye yir tà so̱ yir risam mak be wu nong ta se̱ yir kuyiik mak be wu.

Itomong Ámanzo 16:26

Nizen izining ne karo̱ wor ka zuur ma ribor kutu itso̱m'e zuur gip. Nanukutu kutu itso̱m'e wor karak ne kukumung ame wor te̱se̱ng.

aMatiyu 4:11

Iyong Ishetan tú ku won. Ámaleka be̱ nong a tin sak riye̱ na aYeso ame.

aMarkus 10:17

aYeso tá se be kutseng kutsang wu, yong aner akak tsang a teng nong a tá be̱ a tigbok akuur nasho̱o̱n wu nong a tá fe̱ be aYeso'me ye, “Aner Kubo̱so̱p atek, akye̱ ne mi ta nye nong ta se̱ kutser kufe izen izen e̱?”

aRom 11:14

Be anong ne mi ti te riye̱ ye kashim áner'i, áner Isarela ta ka shishim yin, nong ákak ba ta se̱ kashesh.

1 aKoranti 1:21

Be kukyem Adakunom, ánerawe nazatse na kyem a tu ren be kukyem kufe rinerawe baꞌ. Adakunom di i tu se gye̱r a tà shesh aya a ti no̱o̱k katsak ni wu be iren kutaas Rife̱ Ritek riya a ta di kyo̱ndi rifunam.

Ibrani 2:3

yir tà nye yir ane̱ ta wher yir ke yir gaar yir kushan agbang kashesh kuri kuyu e̱? Agwo̱m Ágwo̱m yir be rice wu ne a taas itak kashesh na ni ime̱se̱ng'e. Áner áya a tú ku fok ti tonong yir ye i se anong be katsak.

Ibrani 9:28

anong ne a no̱o̱k aKiristi kutak kuzining gip nong a tá sor asidaka kusok rine̱n ánerawe whe̱re̱. A tà bun a be̱ ife afa nong a tà shesh áya a ta sen ku tor, sang kamok nong a tà sok rine̱n baba baꞌ.