aZhud 1:5 - Izere New Testament

⁵ Mi ren yin ren yin ike̱re̱ na cei gye̱rtatan amma mi shim ta ka yiring yin'e ye Agwo̱m Ágwo̱m shesh áner Isarela niben aMasar nizen iya a tá ka tun ba azong amma nama anong, a fe̱s áya sang á tá no̱o̱k katsak baꞌ.

aZhud 1:5 Referans Kwoze

Ibrani 3:16

Ángan ne á fok kuto̱ Adakunom ne á bun shonong e̱? Cice̱r áner aya aMusa tá ka tun ba niben aMasar.

2 aBitrus 3:1

Ároneng, kufumung'i kufe afa na'me. Mi zibir afumung afa'me cice̱r nong ta ka yiring yin'e nong tin nye yin kuto̱ro̱ng gye̱r.

aRom 15:15

Mi ma ka zibir yin ike̱re̱ ikak de̱s nong ta bun ta ka yiring yin'e gbak. Mi nye anong kamok ritek Adakunom tin no̱o̱k,

1 aYohana 2:20

Amma yin, yin se̱ yin Kabik Kazhe̱l'e kamok Adakunom tá ka kasa yin. Kamok anong cice̱r yin, yin ren yin ike̱re̱ i ta nye katsak.

1 aYohana 2:21

Sang mi ta zibir yin'e ye kamok yin ta dun yin katsak'e baꞌ, hiir, amma kamok yin ta ren yin katsak'e ne i bun i ren yin ye a gung abo̱o̱s be katsak baꞌ.