aZhud 1:16 - Izere New Testament

¹⁶ Áner ayong be anyinye̱m ne á yiir rife̱ natoon ánerawe. Á kuus amaan kuto̱ro̱ng aye̱ ba tse̱k ne á ko̱k rice naza. Á ta wo̱ro̱k ánerawe be rife̱ re̱m re̱m nong á ta se̱ ike̱ng iya ba ta shim nufuba.

aZhud 1:16 Referans Kwoze

2 aBitrus 2:18

A ya aduk kuka be rine̱n ne á wo̱ro̱k áya a ta ra won kunye rine̱n'ong tsek be ike̱re̱ iya kuro̱m ta shim.

2 aBitrus 2:10

Amok na ta nar natoon áner aya a tá shim ike̱re̱ kuri ife rinerawe ne á zhe̱e̱sh rigwo̱m. Áner kubo̱so̱p áfe abo̱o̱s na, a be isum, ko cie̱k baꞌ. Á kok rice naza dide̱ng. Á fok inyim akak ba, ma á a kas áfe a ta se nasho̱o̱n Adakunom.

aFilipi 2:14

Koakye yin tana nye yin sang tu nye yin ike̱ng ikak be anyinye̱m ka be nanaan baꞌ,

1 aBitrus 4:2

Kamok anong, yin ba bun a sor yin kusor kuri kufe kazatse na be kukuus amaan kushim riye̱ yin baꞌ, amma yin nye yin ike̱ng iya Adakunom ta shim.

1 aTimoti 6:5

ne á ya nanan be áya a ta be akpe̱de̱ng kuto̱ro̱ng ne katsak kam be ba. Ba di ye kusor kuri kuya Adakunom ta shim nye iren ikak ife ba tana se̱ itso̱m.

1 aKoranti 10:10

Sang tu fe̱ yir anyinye̱m kyo̱ndi ákak ba tá nye ma amaleka riku tá ka fe̱s ba baꞌ.

aZhud 1:18

Á tá ka tak yin ye, “Kaye̱e̱r inom igang'e, áner ákak tu ku se áya a tana ka kok yin'e ne á kuus ike̱re̱ riye̱ ba sang ife Adakunom baꞌ.”

2 aBitrus 3:3

Agbang ike̱ng mi ta shim yin tu ren yin ye kaye̱e̱r inom igang'e, áner ákak á tana nye áfe zhe̱e̱sh karo̱ tà wuruk ne á nye ámaan ike̱re̱ aye̱ ba ta shim. Á tà ka mas yin,

1 aBitrus 2:11

Áfo̱ yin, áya mi ta shim, mi ta nye yin akusuk, kum yin ta nye yin átsen kaye̱e̱r kazatse na, yin be yin kasa aze baꞌ, ye i ra kam yin be kudi ike̱ng kuri kufe rinerawe. Kuse kuri kuyong ko̱n itsom be kabik yin.

aZhud 1:15

nong a ta to̱ koangan amok. A ta tes itomong áya a tá gaar ku kuus Adakunom. A tà te̱s cice̱r amaan rife̱ riya áfe rine̱n ne áya a tá kuus Adakunom baꞌ, tá fe̱ natoon wu.”

1 aBitrus 1:14

Kyo̱o̱rna yin ta nye yin inoon naya na ta fok kuto, tu won yin ike̱re̱ iya yin tin be yin ife̱ng gbugbang ta sok aye̱ baꞌ. Nizen iyong yin se yin na awhi.

aGalati 5:16

Ike̱ng mi tin fe̱ nye ye, i ri won yin Kabik Adakunom ta ka ko̱k yin kuse̱, nong fan yin bu kuus yin kuse rinerawe.

aYohana 6:61

aYeso tá ren ye álimazhiri wu sen fe̱ nyinye̱m natoon kubo̱so̱p'e yong a fe̱ be ba ye, “Kubo̱so̱p na ta beseng yin aye̱ a?

2 aTimoti 4:3

Kamok izen ta be̱ iya sang ánerawe tana baꞌ, shim kufoos kubo̱so̱p kufe katsak baꞌ. Amma á ta nar kushim kufoos ike̱re̱ iya aye̱ ba tà shim ne kamok kuwhaan ato ba a tse̱r áner kubo̱so̱p nong á tu ku taas ba ike̱re̱ iya ba ta shim á ta foos.

1 aTasalonika 4:5

Sang be rinyisi rikan baꞌ, kyo̱ndi áfe a ta se nurin áfe sang á ta ren Adakunom baꞌ.

aGalati 5:24

Áfe a ta nye afe aYeso Kiristi n fe̱r kuse rinerawe be kunye amaan ike̱re̱ iriri'me ne iya kuro̱m ta shim.

aYohana 6:41

Iyong áner aYahuda san anyinye̱m natoon aYeso kamok wu tá fe̱ ye, “Mi ne i nye abiredi aya a tá ne naza.”

aLuka 19:7

Ánerawe cice̱r tá fa di anong, ne á san anyinye̱m ye, “A be numa aner rine̱n.”

aLuka 15:2

Áner aFarisi be áfe kubo̱so̱p Itsi kpaan anyinye̱m ye, “Aner na nye rime̱ be áfe rine̱n, ne a yas mak be ba.”

aLuka 5:30

Áner aFarisi ne áfe kubo̱so̱p Itsi aya a ta se nigung rice ba san anyinye̱m be álimazhiri wu ye, “Akye̱ sak yin yas ne i so̱ yin be áfe ku shashang itso̱m iben ne áfe rine̱n e̱?”