aYohana 9:7 - Izere New Testament

⁷ Ne a fe̱ be aner'e ye “Tseng, se kusu anyisi wan nudung aSiluwam.” (Riyerek na sor ye “Kutom.”) Ayong aner ame tseng a ta se kusu anyisi wu ne a di karo̱ ne a kubun kari.

aYohana 9:7 Referans Kwoze

aYohana 11:37

Amma ákak ba fe̱ ye, “A karak akpato̱o̱n anyisi, ne a ra won dar a te̱ne̱ng aner na riku a?”

aYohana 9:11

Ne aner'e fe̱ be ba ye, “Aner a tu ku yis ye aYeso ne a nye ame̱re̱sh a tin kon nanyisi mi. A fe̱ be mi ye i ra tseng nudung aSaluwam nong ta se kusu'me. Iyong mi tseng i ta kusu ne mi se̱ kudi karo̱.”

Itomong Ámanzo 26:18

Wan ta ka karak ba anyisi nong á tà won awhi ne á be̱ na akanang. Á ta won kukuus Ishetan ne á be̱ nufe Adakunom nong ase̱ a ta ka re̱ng ba rine̱n ba, ne a ka sak ba be áya a ta se zhe̱l kamok kuno̱o̱k katsak ba ni mi.’

aLuka 13:4

Ka ánerawe kuso̱k be ikara á tá kus nizen rino̱k tin kpa natoon ba na aSiluwam, yin di yin ye rine̱n ba nar rife ribir ánerawe á tá se na aUshalima cei a?

aGalati 4:4

Amma izen'e ta fa shining Adakunom tom igon wu, aner abining tá tes nizen Itsi aner aYahuda tá ru nye itomong,

aRom 8:3

Kamok ike̱ng iya Itsi aMusa tá kyem i nye baꞌ, be kuse kufe rinerawe, nye ike̱ng Adakunom tá nye nizen a tá tom igon wu kaye̱e̱r kuro̱m. A no̱o̱k nong a ta te asidaka rine̱n ne a yirik kukyem rine̱n kaye̱e̱r kuro̱m.

aYohana 10:36

Mi ne Ada ti sak i tá te zhe̱l, ne a ni tom nazatse, rife̱ kuzhe̱e̱sh ne mi tá fe̱ ye mi nye Igon Adakunom a?

aYohana 9:39

aYeso fe̱ ye, “Mi be̱ nazatse na nong ta to̱ amok, nong aya a ta di karo̱ baꞌ tà se̱ kudi karo̱, ne áfe a ta di tà te ákpato̱o̱n.”

aLuka 2:32

A ta nye akanang afe a tana tonong áner aya sang a ta nye áner aYahuda baꞌ, katsak, ne a be̱e̱n ánerawe wan Isarela kuyiik.”

aMatiyu 11:5

ákpato̱o̱n se̱ kudi karo̱ ne ákun tseng, ákparo̱ng te atser ne ágbato fok ato ne ikom dorok be kutser ne a nye afe rizor awazi Rife̱ Ritek'e.