aYohana 9:39 - Izere New Testament

³⁹ aYeso fe̱ ye, “Mi be̱ nazatse na nong ta to̱ amok, nong aya a ta di karo̱ baꞌ tà se̱ kudi karo̱, ne áfe a ta di tà te ákpato̱o̱n.”

aYohana 9:39 Referans Kwoze

aYohana 3:19

Iyu ne i nye amok'e, akanang be̱ kaye̱e̱r kazatse, amma ánerawe raba akanang'e nong á ta shim awhi ingya, kamok kunye ba nye kumaan'e.

aYohana 12:46

Mi be̱ nazatse kyo̱ndi akanang, nong ase̱ aya a tin no̱o̱k katsak ni mi ta sor nawhi baꞌ.

Itomong Ámanzo 26:18

Wan ta ka karak ba anyisi nong á tà won awhi ne á be̱ na akanang. Á ta won kukuus Ishetan ne á be̱ nufe Adakunom nong ase̱ a ta ka re̱ng ba rine̱n ba, ne a ka sak ba be áya a ta se zhe̱l kamok kuno̱o̱k katsak ba ni mi.’

aYohana 8:12

Ayong aYeso bun a fe̱ be ánerawe'me ye, “Mi ne i nye akanang kazatse. Koangan afe a ta sen nikuus, a tà tseng nawhi baꞌ, amma a tà se̱ akanang afe kutser.”

1 aYohana 2:11

Amma aner aya a ta rawu aronyining wu afikuus a se na awhi, a tseng na awhi. Kamok anong a ren karo̱ wu tu ku be baꞌ, kamok awhi'me tu ku whe̱e̱n anyisi.

aLuka 4:18

“Kabik Adakunom se mak be mi, kamok anong a mi n kasa nong tá taas áfe rizor Rife̱ Ritek. A min tom nong ta taas áfe a ta se nitso̱m ye á ra sor washak ne i karak akpato̱o̱n anyisi, ne i sak áfe a tá ka mo̱o̱r ba ta sor ne̱k.

aLuka 1:79

nong ku ta tonong áfe a ta se kaye̱e̱r awhi be áfe a ta se na nawu riku akanang. Ne a ni tonong yir iren i ta be̱ be kameneng riye̱.”

1 aBitrus 2:9

Amma yin, yin nye yin kuri kuya Adakunom tá kasa, be rice wu. Yin nye yin atsi Adakunom a ta nye Agwo̱m, yin nye yin ánerawe áya a ta nye azhe̱l'e, ánerawe áya a ta nye afu. A tá ka yis yin kaye̱e̱r awhi nong tà no̱ yin kaye̱e̱r akanang afe katsak nong tà taas yin ayiik itomong wu ife azhing.

Afisa 5:14

Kamok akanang'e ne a sak a ta di koakye de̱s iyong ne i sak rife̱ Adakunom ta fe̱ ye, “Dorok, wan aya i ta se be ida, dorok kaye̱e̱r áfe a tan kus ne akanang aKiristi tin samang natoon wan.”

2 aKoranti 2:16

Áya á ta se niren kuwei, iko̱o̱n ifuba nye ife riku, iya i tana be̱e̱n be riku; amma áya a tu ku shesh ba, iko̱o̱n'e nye ife kutser, iya i tana be̱e̱n be kutser. Akak kuse a tana kyem a nye itomong kuri iyong baꞌ

aYohana 9:25

A fe̱ be ba ye, “Mi ren ka wu nye aner rine̱n ka angan e̱ baꞌ. Ike̱ng mi ta ren wu ne a ti karak anyisi, kyo̱o̱rna mi di karo̱!”

aYohana 8:15

Yin to̱ yin amok be kudi rinerawe. Mi to̱ akak amok baꞌ.

aYohana 3:17

Kamok sang Adakunom tom Igon wu kaye̱e̱r kazatse nong a tà be̱ a to̱ kazatse amok baꞌ, amma nong kazatse tin se̱ kashesh ni wu.

aLuka 13:30

Kamok anong, áya a ta nye áfe igang'e á tà te áfe ime̱se̱ng'e ne áfe ime̱se̱ng'e tu bun áfe igang'e.”

aLuka 7:21

Nizen iyong aYeso sak áfe a tá nye atser baꞌ, be áfe iriri iro̱k whe̱re̱ tá te atser, ne a turung amaan nabik, ne a sak ákpato̱o̱n whe̱r tá di karo̱.

aLuka 2:34

Ne aSiman ku te ba kuce̱ a tá fe̱ be aMarya anyining igon'e ye, “Adakunom tsang a sak igon na tà sak ánerawe Isarela akak tu ku bun kama, ne a sak ákak ta ya kasho̱o̱n. A tà sor ike̱ng ánerawe tanin fe̱ imaan'e natoon wu,

aMatiyu 11:5

ákpato̱o̱n se̱ kudi karo̱ ne ákun tseng, ákparo̱ng te atser ne ágbato fok ato ne ikom dorok be kutser ne a nye afe rizor awazi Rife̱ Ritek'e.

aMatiyu 6:23

Amma ke anyisi wan nye atser baꞌ, kuro̱m wan cice̱r ta se na awhi, kamok anong ke akanang a ta se be wan te whi, awhi'me ta se dide̱ng.

2 aTasalonika 2:10

be iriri itomong ife kuwo̱ro̱k ánerawe áya a ta se niren kuwei. Á ta no̱ niwei kamok á raba kushim katsak nong á ta se̱ kashesh.

aMatiyu 15:14

Yin ku won yin ba, á nye ákpato̱o̱n á sen naka ko̱k ishe̱n. Ke akpato̱o̱n ko̱k afudang ishe̱n, cice̱r ba á ta kpas kaye̱e̱r ribong.”

aYohana 12:31

Kyo̱o̱rna ne a ta to̱ kazatse na amok. Kyo̱o̱rna ne a tin shan rigwo̱m nufe agwo̱m kazatse.