aYohana 9:35 - Izere New Testament

³⁵ aYeso tá fa fok ye an tun aner ame. Nizen iya a tú ku se̱, ne a fe̱ be wu ye, “Wan ti no̱o̱k katsak ni Igon Anerawe a?”

aYohana 9:35 Referans Kwoze

aYohana 20:31

Amma a zibir ike̱re̱ na, nong ase̱ tin no̱o̱k yin katsak ye aYeso ne a nye aKiristi, Igon Adakunom. Nong ase̱ ke yin ti no̱o̱k yin katsak, yin tà se̱ yin kutser kaye̱e̱r riyerek wu.

1 aYohana 5:13

Mi ta zibir yin'e aya i tin no̱o̱k yin katsak riyerek aYeso Igon Adakunom, nong ase̱ yin ta ren yin ye yin be yin kutser kufe izen izen.

aYohana 10:36

Mi ne Ada ti sak i tá te zhe̱l, ne a ni tom nazatse, rife̱ kuzhe̱e̱sh ne mi tá fe̱ ye mi nye Igon Adakunom a?

1 aYohana 5:20

Yir ren yir gip ye Igon Adakunom m be̱ nong a tin no̱o̱k yir kuren ike̱ng nong ta ren yir aya a ta nye katsak. Yir se yir kaye̱e̱r Adakunom a ta nye katsak, kamok yir se yir kaye̱e̱r Igon wu aYeso Kiristi. Wu ne a nye Adakunom afe katsak ne a nye kutser kufe izen izen.

1 aYohana 5:10

Koangan afe a ta no̱o̱k katsak ye aYeso ne a nye Igon Adakunom'me ren riye̱ wu ye ike̱ng Adakunom tá fe̱ nye katsak. Koangan afe a tin no̱o̱k katsak nike̱ng Adakunom tá fe̱'me baꞌ, a tonong ye Adakunom be abo̱o̱s kamok a ti no̱o̱k katsak nike̱ng Adakunom tá fe̱ natoon Igon wu baꞌ.

1 aYohana 5:5

Angan ta kyem a canang kazatse'me e̱? Aya a ta no̱o̱k katsak ye aYeso ne a nye Igon Adakunom tsek.

1 aYohana 4:15

Aner aya a ta fe̱ ye aYeso nye Igon Adakunom, Adakunom se kaye̱e̱r wu ne wu se kaye̱e̱r Adakunom gip.

aRom 10:20

Ishaya bun a nye riye̱ ritser a tá fe̱ ye, Adakunom fe̱ ye: “Áner aya á tin tse̱r baꞌ, ba ne a ti se̱. Mi tonong rice mi nufe áya sang á ta tse̱r karo̱ mi baꞌ.”

aRom 1:4

Kabik Kazhe̱l'e tonong kaye̱e̱r kukyem ye wu ne a nye Igon Adakunom kamok a tú ku dorok nure̱k be kutser. Wu ne a nye Agwo̱m Ágwo̱m yir aYeso Kiristi yir.

Itomong Ámanzo 9:20

Ashawulu wor a kpaan kunye awazi aYeso kaye̱e̱r atu aduwa áner aYahuda ye aYeso nye Igon Adakunom.

Itomong Ámanzo 8:36

Kaye̱e̱r kutseng, á be̱ ba naro̱ kakak ashi tú ku se ne aritek ame fe̱ be aFilibus'e ye, “Di ashi na, akye̱ ta roon ku ninye abatisma ame aze e̱?

aYohana 20:28

Ayong aToma fe̱ be wu ye, “Kak, Agwo̱m Ágwo̱m mi be Adakunom mi!”

aYohana 11:27

Ayong aMarta fe̱ be aYeso ye, “Ei, wan nye Agwo̱m Ágwo̱m, mi ti no̱o̱k katsak ye wan ne i nye aKiristi'me, Igon Adakunom, aya a tá fe̱ ye a tà be̱ nazatse.”

aYohana 6:69

Yir ti no̱o̱k yir katsak ne i ren yir ye wan ne i nye Azhe̱l'e afe Adakunom.”

aYohana 5:14

Nama izen cie̱k aYeso su ku se̱ kaye̱e̱r agbang kutu kuya Adakunom iben, ne a fe̱ be wu ye, “Di wan te atser kyo̱o̱rna, won kunye rine̱n fan ike̱ng ikak iya i ta nar iyong imaan'e ba ka se̱.”

aYohana 3:36

Koangan ne a tin no̱o̱k katsak ni Igon'e, a be kutser kufe izen izen. Amma afe a ta rawu Igon'e, a tà se̱ kutser'ong baꞌ, kamok riye̱ kubeseng Adakunom se rice wu.”

aYohana 1:34

Mi di anong, kamok anong mi ta kyem i fe̱ koakye natoon wu ye, wu ne a nye Igon Adakunom.”

aYohana 1:18

Aner akak kun di Adakunom baꞌ. Amma asuze̱r ke Igon wu tsek, aya a ta se rifam Atek wu, ne a sak yir tú ku ren yir.

aMarkus 1:1

Iyuna ne i nye ime̱se̱ng Rife̱ Ritek natoon aYeso Kiristi, Igon Adakunom'me.

aMatiyu 16:16

Ayong aBitrus fe̱ be wu ye, “Wan ne i nye aKiristi, Igon Adakunom afe kuter.”

aMatiyu 14:33

Áya a ta se kaye̱e̱r kukpara ashi'me tú ya iben ne á fe̱ be wu ye, “Katsak'e, wan nye Igon Adakunom.”

aMatiyu 4:3

Ishetan be̱ a tá fe̱ be wu ye, “Ke wan ne i nye Igon Adakunom, to̱, fe̱ be ata na nong á ta te abiredi.”

aYohana 9:22

Átek'e fe̱ anong kamok á fok inyim áner aYahuda'me, kamok áner aYahuda tsang á sak ye aner aya ne a fe̱ ye aYeso nye aKiristi, á tú ku tun kaye̱e̱r atu aduwa ba.

aYohana 9:34

Ba fe̱ be wu ye, “Wan afe a tá ka tes kaye̱e̱r rine̱n, ne wan bun i di ye wan tin bo̱so̱p yir a?” Ayong á tú ku tun.

3 aYohana 1:10

Kamok anong ke mi be̱, mi tà ko̱ro̱k ánerawe kuto natoon kuri abo̱o̱s aDiyotirifes'e ta tsang a bo̱s natoon yir. Sang anong tsek baꞌ, a rawu kushan áronyining yir áya a ta sen nye itomong Adakunom. Ne a roon ákak kushan ánerawe'me gip, ma a ta ro ba kaye̱e̱r ikilisiya.

Itomong Ámanzo 8:37

Amma aFilibus fe̱ be wu ye, ‘Ke wan ti no̱o̱k katsak be riye̱ wan cei ne a ka nye abatisma ame.’ Aritek ame fe̱ ye, ‘Ei, mi no̱o̱k katsak ye aYeso Kiristi ne a nye Igon Adakunom.’ ”