aYohana 9:31 - Izere New Testament

³¹ Yir ren yir ye, Adakunom fok áfe rine̱n baꞌ, amma a fok áya a tú ku tiyiik ne á nye ike̱ng iya wu ta shim.

aYohana 9:31 Referans Kwoze

aYohana 15:16

Sang yin ne i ti kasa yin baꞌ, amma mi ne i tá ka kasa yin, nong ta se tes yin kutes kutek, kuya ku tana sor ma izen izen. Be anong ne Ada mi tà ka no̱o̱k yin koakye ike̱ng iya yin ta rip yin kaye̱e̱r riyerek'i.

aYohana 4:34

Ne aYeso fe̱ be ba ye, “Naya mi nye tu nye ike̱ng wu aya a tin tom ta shim ne i gang itomong wu.

aYohana 7:17

Aner aya a ta shim a ta nye ike̱ng iya Adakunom ta shim, a ta ren ye kubo̱so̱p'i ne nufe Adakunom, sang kufe rice mi.

Ibrani 10:7

Iyong mi fe̱ ye, ‘Mi na, Adakunom mi, mi m be̱ nong mi ta nye ike̱ng iya wan ta shim, kyo̱ndi i ta se ni izibir natoon'i, kaye̱e̱r Kufumung rife̱ Adakunom.’ ”

aYohana 9:30

Ayong aner ame fe̱ be ba ye, “Akye̱ kuri ike̱ng na e̱? Yin ren yin ka ake̱ ne a ne baꞌ, amma a ti karak anyisi.

aYohana 9:32

Akak kun fok a tan karak anyisi aner aya a tú ku tes akpato̱o̱n'e baꞌ.

aYohana 11:22

Amma mi ren ye ko kyo̱o̱rna'me Adakunom tà ka no̱o̱k koakye wan tù ku rip.”