aYohana 9:29 - Izere New Testament

²⁹ Yir ren yir ye Adakunom fe̱ kanu be aMusa, amma yir ren yir ka ake̱ ne aner na ne baꞌ.”

aYohana 9:29 Referans Kwoze

aYohana 8:14

aYeso fe̱ be ba ye, “Ko ke mi fa fe̱ natoon rice mi, rife̱ mi nye katsak, kamok mi ren karo̱ kaya afe mi tú ku ne, be karo̱ kaya afe mi tù ku be. Amma yin ren yin karo̱ kaya afe mi tú ku ne ka karo̱ kaya afe mi tù ku be baꞌ.

Itomong Ámanzo 26:22

Amma Adakunom ti se̱ mo ma nizen iyu, kamok anong ne mi nyeseng aze i ta taas asho̱n be inoon. Sang mi fe̱ ike̱ng ikak ze̱e̱r be rife̱ áner kuzarap ne iya aMusa tá fe̱ baꞌ.

Itomong Ámanzo 22:22

Ánerawe foos ike̱re̱ aBulus tá fe̱ cei. Nizen iya a tá fe̱ itak kutseng nufe áner aya a ta nye aner aYahuda baꞌ, ne á ta kuto̱ naza á tá korok ikun ye, “A ku fe̱r. A tas aner a tana ku won be kutser baꞌ.”

Itomong Ámanzo 7:35

“To̱, wu aMusa'me yong, ba tú ku rawu ne á fe̱ be wu ye, ‘Angan ne a ta sak wan ta te agwo̱m yir nong tin to̱ yir amok e̱?’ Adakunom be rice wu ne a tom aMusa nizen iya amaleka ti wuruk ni wu kaye̱e̱r rigyem kuro̱ng, nong a ta se shesh aner Isarela ne a te ako̱k kasho̱o̱n ba.

aYohana 9:24

Á bun á yis aner a tá tsang a nye akpato̱o̱n ame ife afa gbak nong á tá fe̱ be wu ye, “Fok inyim Adakunom wan, nong ta fe̱ katsak. Amma yir, yir ren yir aner nye aner rine̱n.”

aYohana 9:16

Áner aFarisi ame ákak fe̱ ye, “Aner na ne nufe Adakunom baꞌ, kamok wu won Asabar zhe̱l baꞌ.” Amma ákak fe̱ ye, “Aner rine̱n ta nye ane̱ a ta nye itomong azhing kuri iyu e̱?” Ito̱ ba te kufa.

aYohana 7:27

Amma yir ren yir karo̱ aner na tú ku ne, izen iya ne aKiristi afe katsak tana be̱, akak tà ren karo̱ kaya a tù ku wuruk baꞌ.”

aYohana 1:17

Kamok Itsi be̱ nubo̱k aMusa, amma ritek be katsak be̱ nubo̱k aYeso aKiristi.

aLuka 23:2

Á tá fe̱ ye, “Yir tú se̱ yir a sen wo̱ro̱k ánerawe yir, ne a ku roon ba kukarang rigwo̱m itso̱m iben. Ne a sok rice wu ye wu ne a nye aKiristi, a ta nye agwo̱m.”

aMatiyu 26:61

Á tá fe̱ ye, “Aner na fe̱ ye wu ta kyem a yirik agbang kutu kuya Adakunom iben ne a bun a no̱k kaye̱e̱r inom itaar.”

aMatiyu 12:24

Nizen áner aFarisi tá fa fok anong, iyong á fe̱ ye, “Be kabik aBazabul agwo̱m ítseng ne aner na ti turung amaan nabik'e.”

aYohana 7:28

aYeso ta sen bo̱so̱p ánerawe'me kaye̱e̱r kubang agbang kutu kuya Adakunom iben'e, a tá kuto̱ naza ye, “Ei, yin ti ren yin, ne i ren yin karo̱ afe mi tú ku ne, mi be̱ kube̱ rice mi baꞌ. Amma aya a tin tom nye afe katsak, yin tu ku ren yin baꞌ.

aYohana 9:30

Ayong aner ame fe̱ be ba ye, “Akye̱ kuri ike̱ng na e̱? Yin ren yin ka ake̱ ne a ne baꞌ, amma a ti karak anyisi.

Ibrani 1:1

Gbugbang, Adakunom fe̱ kanu be átukop yir ni iren ze̱r ze̱r ne nizen ze̱r ze̱r be aner kuzarap.

Ibrani 1:2

Amma kaye̱e̱r inom igang'e na, a fe̱ kanu be yir be Igon wu, aya a tú ku sak a ta te a ya kutse ike̱re̱ cice̱r. Mak be wu ne a nye koakye.