aYohana 9:24 - Izere New Testament

²⁴ Á bun á yis aner a tá tsang a nye akpato̱o̱n ame ife afa gbak nong á tá fe̱ be wu ye, “Fok inyim Adakunom wan, nong ta fe̱ katsak. Amma yir, yir ren yir aner nye aner rine̱n.”

aYohana 9:24 Referans Kwoze

aYohana 9:16

Áner aFarisi ame ákak fe̱ ye, “Aner na ne nufe Adakunom baꞌ, kamok wu won Asabar zhe̱l baꞌ.” Amma ákak fe̱ ye, “Aner rine̱n ta nye ane̱ a ta nye itomong azhing kuri iyu e̱?” Ito̱ ba te kufa.

aYohana 19:6

Kum ágbang átsi ne áfe a tá tor karo̱'me, a tá fa ku di, ne á tasak ye, “A ku tigak, A ku tigak.” Amma aBilatus fe̱ be ba ye, “Yin ku sok yin nong ta su ku tigak yin, mi tú ku se̱ be nye rine̱n ike̱ng ikak nong tu ku to̱ amok baꞌ.”

2 aKoranti 5:21

Adakunom sak wu aya a tá be rine̱n baꞌ, a tá te afe rine̱n, kamok yir nong ase̱ kaye̱e̱r aKiristi yir ta se̱ yir kuse gye̱r nasho̱o̱n Adakunom.

aRom 8:3

Kamok ike̱ng iya Itsi aMusa tá kyem i nye baꞌ, be kuse kufe rinerawe, nye ike̱ng Adakunom tá nye nizen a tá tom igon wu kaye̱e̱r kuro̱m. A no̱o̱k nong a ta te asidaka rine̱n ne a yirik kukyem rine̱n kaye̱e̱r kuro̱m.

aYohana 18:30

Ayong ba fe̱ ye, “A fa fe̱ ye aner na nye amaan ike̱ng baꞌ, ke yir be̱e̱n yir be wu aze baꞌ.”

aYohana 16:2

Á tà ka turung yin kaye̱e̱r atu aduwa. Katsak'e, izen saase iya ke aner akak a ta fe̱r yin, a tà di ye wu sen nye itomong Adakunom.

aYohana 14:30

Mi tà ba fe̱ rife̱ be yin dide̱ng baꞌ, kamok aner aya a tin nye rigwo̱m nazatse na saase, amma a tin be kubo̱k ni baꞌ.

aYohana 8:49

aYeso fe̱ be ba ye, “Mi be amaan kabik baꞌ. Mi tiyiik Ada mi. Amma yin ti zhe̱e̱sh yin.

aYohana 8:46

Angan kaye̱e̱r yin ta kyem a fe̱ ye mi kun nye rine̱n e̱? Ke i nye ye mi ta taas yin katsak, to̱, akye̱ sak yin ti no̱o̱k yin katsak rife̱ mi baꞌ e̱?

aYohana 5:23

nong ase̱ ánerawe cice̱r tà tiyiik Igon'e kyo̱ndi ba tá tiyiik Ada'me.

aLuka 19:7

Ánerawe cice̱r tá fa di anong, ne á san anyinye̱m ye, “A be numa aner rine̱n.”

aLuka 15:2

Áner aFarisi be áfe kubo̱so̱p Itsi kpaan anyinye̱m ye, “Aner na nye rime̱ be áfe rine̱n, ne a yas mak be ba.”

aLuka 7:39

Aner aFarisi afe a tá fe̱ ye a ra be̱ kari wu ame tá fa di anong, ne a to̱ riye̱ wu ye, “Ke a fa fe̱ ye aner na nye aner kuzarap Adakunom ke a ren aner a tú ku ras, ne a ren kuri kuse abining'e, ke a ren ye a nye aner rine̱n.”

aMarkus 15:27

A tigak ágbang ákpatang ákak afa mak be wu, azining nabas kubo̱k riya ne akak nabas kubo̱k rimen wu.

aYohana 9:25

A fe̱ be ba ye, “Mi ren ka wu nye aner rine̱n ka angan e̱ baꞌ. Ike̱ng mi ta ren wu ne a ti karak anyisi, kyo̱o̱rna mi di karo̱!”

Ike̱ng a ta tonong aYohana 11:13

Dim nizen iyong kaben wor ka zuur, abas azining kaye̱e̱r kuwo̱p'e wor kuyirik. Ánerawe izungu kanataar kus kamok kuzuur kaben'e. Áfe á tá gaar be kutser fok inyim dide̱ng yong á tiyiik Adakunom a ta se kaye̱e̱r kaza.