aYohana 8:55 - Izere New Testament

⁵⁵ Yin tu ren yin baꞌ, amma mi tu ku ren. Ke mi fe̱ ye mi tu ku ren baꞌ, i nye ye mi nye aner abo̱o̱s kyo̱ndi yin, amma mi tu ku ren ne i kuus rife̱ wu.

aYohana 8:55 Referans Kwoze

aYohana 8:19

Ayong á tú ku rip ye, “Ada wan'e se ake̱ e̱?” aYeso fe̱ be ba ye, “Yin ti ren yin baꞌ, yin bun i ren yin Ada mi baꞌ. Yin fa ni ren yin ke yin ren yin Ada mi gip.”

aYohana 8:44

Yin nye yin áfe ada yin, Ishetan. Kamok anong, yin shim tà nye yin ike̱ng iya wu tá shim. Wu nye aner kufe̱s ánerawe kum ni ime̱se̱ng'e. A shim katsak baꞌ, kamok a be katsak'e baꞌ. Izen iya ne a bo̱ naborok, a fe̱ ike̱ng ife i ta nye igo̱o̱n wu, kamok wu nye aner abo̱o̱s, ne a nye ada áfe abo̱o̱s.

Ike̱ng a ta tonong aYohana 3:9

Mi tà sak áner Ishetan, áya a tá fe̱ ye ba nye áner aYahuda, amma sang á ra nye baꞌ, á be abo̱o̱s, mi tà ka sak ba á ta be̱ kpas natak wan ne á ren ye mi ta shim.

aYohana 8:51

Katsak'e ne mi ta ka tak yin, aner aya ne a kuus rife̱ mi, a tà ku baꞌ sam.”

aMatiyu 11:27

“Ada mi, min won ike̱re̱ na cei. Ko akak ren Igon'e baꞌ, ma Ada'me tsek. Akak ren Ada'me baꞌ, ma Igon'e tsek be aya Igon'e ta kasa nong a tu ku tonong ba.

1 aYohana 5:10

Koangan afe a ta no̱o̱k katsak ye aYeso ne a nye Igon Adakunom'me ren riye̱ wu ye ike̱ng Adakunom tá fe̱ nye katsak. Koangan afe a tin no̱o̱k katsak nike̱ng Adakunom tá fe̱'me baꞌ, a tonong ye Adakunom be abo̱o̱s kamok a ti no̱o̱k katsak nike̱ng Adakunom tá fe̱ natoon Igon wu baꞌ.

aYohana 15:21

Ba tà nye be yin anong kamok riyerek'i, kamok ba ren aya a tin tom baꞌ.

1 aYohana 2:22

Angan ne a bo̱ agbang abo̱o̱s e̱? Aner aya a ta ton'e ye sang aYeso nye aKiristi. Aner kuri ayong ne a nye amudo̱n aYeso, a rawu Ada'me be Igon'e.

1 aYohana 2:4

Ke akak fe̱ ye wu ren Adakunom a ra nye ike̱re̱ iya Adakunom'me tá fe̱ ye a ra nye baꞌ, i nye ye a be abo̱o̱s, katsak kuse riye̱ wu baꞌ.

2 aKoranti 4:6

Kamok Adakunom fe̱ ye, “Won akanang tu ya kaye̱e̱r awhi.” Wu ne a sak akanang'e ta sam kaye̱e̱r aye̱ yir, nong a ta sam kaye̱e̱r ánerawe nasho̱o̱n nong a ta ren kuyiik Adakunom nanyisi aKiristi.

Itomong Ámanzo 17:23

Kamok nizen iya mi tá tseng i gorok kaye̱e̱r kaben'e. Mi di abagadi akak a ta min zibir ye: KAMOK ADAKUNOM AYA SANG A TU KU REN BAꞌ. To̱, wu aya yin tu ku ya yin iben amma sang yin ra ku ren yin baꞌ, wu ne mi shim ta ka tak yin.

aYohana 17:25

“Ada, Wan nye azhe̱l'e, kazatse tá ka ren baꞌ gye̱r tatan, amma mi tá ren. Á ren ye wan ne i ti tom.

aYohana 16:3

Á tà nye ike̱re̱ iyong kamok sang ba n ren Ada ka mi baꞌ.

aYohana 15:10

Ke yin kuus yin Itsi mi, yin tà sor yin kaye̱e̱r kushim'i, kyo̱ndi mi tá kuus Itsi Ada mi ne i sor kaye̱e̱r kushim wu.

aYohana 10:15

Kyo̱ndi Ada'me tin ren, anong ne mi ren Ada'me. Mi no̱o̱k rice mi kamok itsamang'me.

aYohana 8:29

Aya a tin tom se be mi; a ti won mi ka ma mi baꞌ, kamok mi nye koakye riye̱ wu tá shim.”

aYohana 6:46

Akak kun di Ada'me baꞌ, ma ke aya a ta ne nufe Adakunom, wu tsek ne a kun di Ada'me.

aYohana 1:18

Aner akak kun di Adakunom baꞌ. Amma asuze̱r ke Igon wu tsek, aya a ta se rifam Atek wu, ne a sak yir tú ku ren yir.

aLuka 10:22

“Ada, mi n won koakye nubo̱k wan. Akak ren Igon'e baꞌ, ma Ada'me tsek. Akak ren Ada'me baꞌ, ma Igon'e be áya Igon'e ta shim a tu ku ren ba.”

aYohana 8:52

Ayong áner aYahuda'me fe̱ be wu ye, “Kyo̱o̱rna yir ren yir ye wan be amaan kabik! Ibrahim be áner kuzarap Adakunom gip á kus, ne wan ra fe̱ ye, ‘Aner aya a ta ka kuus a tà ku baꞌ.’

1 aYohana 1:6

Kamok anong, ke yir fe̱ yir ye yir n gung yir rice be wu amma ne yir ra bun i sor yir kyo̱ndi áfe awhi, i nye ye yir be yir abo̱o̱s, i be yir katsak baꞌ.