aYohana 8:46 - Izere New Testament

⁴⁶ Angan kaye̱e̱r yin ta kyem a fe̱ ye mi kun nye rine̱n e̱? Ke i nye ye mi ta taas yin katsak, to̱, akye̱ sak yin ti no̱o̱k yin katsak rife̱ mi baꞌ e̱?

aYohana 8:46 Referans Kwoze

Ibrani 4:15

Agbang atsi aya yir ta be yir nye aya a ta ro̱ riye̱ yir kaye̱e̱r kuraar yir. A tú bo̱mo̱ng kaye̱e̱r koakye iren kyo̱ndi yir, gip be anong a nye rine̱n baꞌ.

aYohana 14:30

Mi tà ba fe̱ rife̱ be yin dide̱ng baꞌ, kamok aner aya a tin nye rigwo̱m nazatse na saase, amma a tin be kubo̱k ni baꞌ.

aYohana 8:7

Nizen ba tá yiir kurisim, aYeso sok kanyisi naza a tá fe̱ be ba ye, “Ke akak kaye̱e̱r yin se dar rine̱n, to̱, a ra san ku barak abining na.”

aMarkus 11:31

Ayong á nye ibo̱ro̱ng awan ba á tá fe̱ ye, “Ke yir fe̱ yir ye, ‘A nye afe Adakunom,’ a tin rip yir ye ‘Akye̱ sak yir ti no̱o̱k yir katsak ni wu baꞌ e̱?’

aMatiyu 21:25

aYohana se̱ iren kunye abatisma wu ake̱ e̱? A se̱ naza ka nufe anerawe e̱?” Iyong á san ibo̱ro̱ng awan ba ne á fe̱ ye, “Ke yir fe̱ yir ye, ‘I ne naza,’ a tin rip yir ye, ‘To̱, akye̱ sak yir ti no̱o̱k yir katsak ni wu baꞌ e̱?’

1 aBitrus 2:22

“Wu kun nye rine̱n ike̱ng ikak baꞌ. A kun fok abo̱o̱s nanu wu baꞌ.”

Ibrani 7:26

Atsi kuri ayong ne a tin re̱ng yir rine̱n yir. A se zhe̱l dar rine̱n, a be narik baꞌ, a tú kam ze̱e̱r be áfe rine̱n, a tú ku tiyiik a ta tseng kaye̱e̱r kaza.

2 aKoranti 5:21

Adakunom sak wu aya a tá be rine̱n baꞌ, a tá te afe rine̱n, kamok yir nong ase̱ kaye̱e̱r aKiristi yir ta se̱ yir kuse gye̱r nasho̱o̱n Adakunom.

aYohana 18:37

Amma aBilatus fe̱ ye, “Aser, wan nye agwo̱m a?” aYeso fe̱ ye, “Wan ne wan fe̱ be kanu wan ye mi nye agwo̱m. Ike̱ng iya i tá sak a tin tes'ong, nong ta taas katsak'e. Koangan a ta nye afe katsak, shim kufoos kuto̱ mi.”

aYohana 16:8

Ke Aner Kutobok'e be̱, a tà te̱s rine̱n kazatse be ike̱ng iya i tana tonong kuse kuzhe̱l'e be amok Adakunom.

aYohana 15:10

Ke yin kuus yin Itsi mi, yin tà sor yin kaye̱e̱r kushim'i, kyo̱ndi mi tá kuus Itsi Ada mi ne i sor kaye̱e̱r kushim wu.

aYohana 8:47

Aya a ta nye afe Adakunom foos ike̱ng iya Adakunom ta fe̱. Yin wesek yin kuto baꞌ, kamok yin nye yin áfe Adakunom baꞌ.”