aYohana 8:42 - Izere New Testament

⁴² aYeso fe̱ be ba ye, “Ke a fa fe̱ ye Adakunom ne a nye Ada yin, ke yin ti shim yin, kamok mi ne nufe Adakunom, kyo̱o̱rna mi se aze. Mi be̱ kube̱ rice mi baꞌ, amma wu ne a ti tom.

aYohana 8:42 Referans Kwoze

aYohana 12:49

Kamok mi fe̱ rife̱ rice mi baꞌ, amma Ada mi afe a tin tom wu ne a ti tees ike̱ng iya mi tana fe̱ be iren iya mi tana fe̱.

aYohana 14:10

Wan ti no̱o̱k katsak ye mi se kaye̱e̱r Ada'me, ne Ada'me se kaye̱e̱r'i aꞌa? Rife̱ mi tá fe̱ be yin nye rife̱ rice mi baꞌ, Ada'me afe a ta se kaye̱e̱r'i ne a sen nye itomong wu.

aYohana 17:8

Kamok rife̱, wan tin no̱o̱k ne mi tú ku taas ba ne ba shan, ne á ren be katsak ye mi ne nufuan, ne ba ni no̱o̱k katsak ye wan ne i ti tom.

aYohana 17:25

“Ada, Wan nye azhe̱l'e, kazatse tá ka ren baꞌ gye̱r tatan, amma mi tá ren. Á ren ye wan ne i ti tom.

aYohana 1:14

Rife̱'me te anerawe ne a sor kaye̱e̱r yir. Yir n di yir kuyiik wu, kuyiik kuya ku ta nye kufe asuze̱r Igon ku ta ne nufe Ada wu tsek, a ta shining be ritek ne katsak.

1 aYohana 4:14

Yir n di yir be anyisi yir ne i bun i taas yir ánerawe katsak'e ye Adakunom n tom Igon wu nong ka tà sor aner a tana shesh kazatse na.

aYohana 5:43

Mi be̱ riyerek Ada mi, amma yin ti shan yin baꞌ, amma ke akak be̱ kube̱ rice wu, ne yin ku shan yin.

1 aKoranti 16:22

Aner aya a ta shim Agwo̱m Ágwo̱m baꞌ, Riman'e tu ku kuus. Be̱ aYeso, Agwo̱m Ágwo̱m.

aYohana 3:17

Kamok sang Adakunom tom Igon wu kaye̱e̱r kazatse nong a tà be̱ a to̱ kazatse amok baꞌ, amma nong kazatse tin se̱ kashesh ni wu.

aYohana 5:23

nong ase̱ ánerawe cice̱r tà tiyiik Igon'e kyo̱ndi ba tá tiyiik Ada'me.

Ike̱ng a ta tonong aYohana 22:1

Ayong amaleka'me ti tonong isho̱ng i ta be ashi kutser, i se zhe̱l kyo̱ndi agilas. Ashi'me wuruk naro̱ itsik rigwo̱m Adakunom be ife Aturuk'e,

aGalati 4:4

Amma izen'e ta fa shining Adakunom tom igon wu, aner abining tá tes nizen Itsi aner aYahuda tá ru nye itomong,

aYohana 8:14

aYeso fe̱ be ba ye, “Ko ke mi fa fe̱ natoon rice mi, rife̱ mi nye katsak, kamok mi ren karo̱ kaya afe mi tú ku ne, be karo̱ kaya afe mi tù ku be. Amma yin ren yin karo̱ kaya afe mi tú ku ne ka karo̱ kaya afe mi tù ku be baꞌ.

aYohana 13:3

aYeso ren ye Ada'me n won ike̱re̱ cice̱r nubo̱k wu ne a ren ye wu ne nufe Adakunom, nufu Adakunom'me ne wu tù ku bun.

aYohana 16:30

Kyo̱o̱rna ne yir ma ren yir ye wan ren koakye, sang ma akak tá rip baꞌ. Iyuna sak yir ti no̱o̱k yir katsak ye wan ne nufe Adakunom.

1 aYohana 5:20

Yir ren yir gip ye Igon Adakunom m be̱ nong a tin no̱o̱k yir kuren ike̱ng nong ta ren yir aya a ta nye katsak. Yir se yir kaye̱e̱r Adakunom a ta nye katsak, kamok yir se yir kaye̱e̱r Igon wu aYeso Kiristi. Wu ne a nye Adakunom afe katsak ne a nye kutser kufe izen izen.