aYohana 8:39 - Izere New Testament

³⁹ Ayong á fe̱ be aYeso ye, “Ibrahim ne a nye ada yir.” Ne aYeso fe̱ be ba ye, “Ke a fa fe̱ ye yin nye yin inoon Ibrahim, ke yin nye yin ike̱re̱ wu tá nye.

aYohana 8:39 Referans Kwoze

aGalati 3:7

Kamok anong, ren yin ye áya a ta no̱o̱k katsak nye inoon Ibrahim.

aRom 9:7

Sang koangan a ta nye kuri Ibrahim ne a nye aya Adakunom ta kasa baꞌ. Adakunom ban a fe̱ be Ibrahim ye, “Be Ishaku ne wan ta se̱ inoon na mi ta fe̱ be wan.”

aYohana 8:37

Mi ren yin nye yin kuri Ibrahim, gip be anong, yin shim tin fe̱r yin, kamok rife̱ mi n no̱ kaye̱e̱r aye̱ yin baꞌ.

aMatiyu 5:45

Kamok be nong ne yin tà te yin inoon Ada yin afe a ta se kaye̱e̱r kaza. Wu no̱o̱k ámaan anerawe ne áner atek akanang kunom cice̱r, ne a nyesek iza natoon ánerawe wu áya a ta be kuse kutek be áya a ta nye amaan'e.

aMatiyu 3:9

Sang yin tu wo̱k yin ace yin be kuto̱ro̱ng ye, ‘Ibrahim nye ada yir’ baꞌ. Won ta ka tak yin, Adakunom ta kyem a sok ata na nong a tin nye Ibrahim inoon.

aGalati 3:29

Ke yin nye yin áfe aKiristi to̱, i nye ye yin nye yin inoon Ibrahim, áfe kuya kutse wu kyo̱ndi Adakunom tá tsang a no̱o̱k kuto̱.

aRom 4:16

Kamok anong ánerawe se̱ ike̱ng iya Adakunom tin no̱o̱k kamok kuno̱o̱k katsak ba nong ase̱ ike̱ng iya Adakunom tin no̱o̱k kuto̱'me ta se warak. Inoon Ibrahim cice̱r ta se̱ ike̱ng iya Adakunom tin no̱o̱k kuto̱'me. Ike̱ng iya Adakunom tin no̱o̱k kuto̱ nye ife áner aya a ta kuus Itsi baꞌ, i nye ife koangan aya a tin no̱o̱k katsak kyo̱ndi Ibrahim aya a tá nye Ada yir cice̱r.

aRom 4:12

Anong ne Ibrahim te ako̱k kasho̱o̱n áya a tú ku nye ba izhak gip, sang kamok á tú ku nye ba izhak tsek baꞌ, amma á kuus kuri kuno̱o̱k katsak ada yir Ibrahim tá be kum ne a mu ku nye izhak baꞌ.

aYohana 8:33

Ne ba fe̱ be wu ye, “Yir nye yir kuri Ibrahim, yir i kun te yir ásam akak baꞌ. Akye̱ sak wan tá fe̱ ye yir tà sor yir ne̱k e̱?”

aYohana 8:43

Akye̱ sak yin ren yin ike̱ng iya mi tin fe̱ baꞌ e̱? Kamok yin kyem i fok yin rife̱ mi baꞌ.

aYohana 8:56

Ada yin Ibrahim nye riye̱ rikan kamok a tá izam mi, ayong a di, a nye riye̱ rikan.”