aYohana 8:37 - Izere New Testament

³⁷ Mi ren yin nye yin kuri Ibrahim, gip be anong, yin shim tin fe̱r yin, kamok rife̱ mi n no̱ kaye̱e̱r aye̱ yin baꞌ.

aYohana 8:37 Referans Kwoze

1 aKoranti 2:14

Aner aya a be Kabik Adakunom baꞌ, a ta shim ike̱re̱ i ta nye ife Kabik baꞌ kamok ike̱re̱ Kabik'e sor rifunam nufu. A ta kyem a ren ike̱ng Kabik'e tin fe̱ baꞌ, kamok aner aya a ta be kabik tsek ne a ta kyem a ren.

aRom 9:7

Sang koangan a ta nye kuri Ibrahim ne a nye aya Adakunom ta kasa baꞌ. Adakunom ban a fe̱ be Ibrahim ye, “Be Ishaku ne wan ta se̱ inoon na mi ta fe̱ be wan.”

aYohana 7:1

Nama anong, aYeso tsang a gorok aGalili. Amma shim a tá tseng kaye̱e̱r aYahudiya baꞌ, kamok áner aYahuda á tá se azong shim a tú ku fe̱r.

aYohana 8:59

aYeso ta fa fe̱ anong, yong á bo̱ ata nong á tú ku barak mo. Amma aYeso ne̱re̱ng nong a tá wuruk kaye̱e̱r agbang kutu kuya Adakunom iben'e.

Itomong Ámanzo 13:26

“Ároneng, inoon atukop yir Ibrahim be yin áner i ta nye yin áner Isarela baꞌ, áya i ta fok yin inyim Adakunom, kutom itak kashesh kuya Adakunom ta tom na'me nye kufe yir cice̱r.

aYohana 8:43

Akye̱ sak yin ren yin ike̱ng iya mi tin fe̱ baꞌ e̱? Kamok yin kyem i fok yin rife̱ mi baꞌ.

aYohana 11:53

Kum be katuk'ong á nye kanye̱k kufe̱r aYeso.

aYohana 7:19

Aser, aMusa ne a tá ka no̱o̱k yin Itsi aꞌa? Amma gip be anong, akak kuse kaye̱e̱r yin a ta kuus Itsi'me baꞌ. Akye̱ sak yin shim tin fe̱r yin e̱?”

aYohana 10:31

Áyong aner aYahuda ame bun á bo̱s ata nibo̱k nong á tin barak aYeso.

aYohana 8:6

Ba nye kurip na nong á ta bo̱mo̱ng aYeso, nong ase̱ ba tà se̱ iren nong a tú ku yiir. Amma aYeso tiguum kaben nong a tá nye izibir be kabanbo̱k.

aYohana 7:25

Ayong áner aUshalima ákak fe̱ ye, “Aser, aner na ne a tse̱r a tà fe̱r a'a?

aYohana 5:44

Ane̱ ne yin tà no̱o̱k yin katsak'e, yin ta tse̱r yin nakerek nufe ánerawe, amma sang i tse̱r yin nakerek nufe Adakunom wu ze̱e̱r baꞌ e̱?

aMatiyu 13:15

Kamok aye̱ ánerawe'me n te kyo̱ndi kuta; á fok kuto baꞌ. Á whe̱se̱ng anyisi ba fan á bu di be anyisi ba, Ke anong baꞌ, ke á ye̱re̱k be anyisi ba ne á foos be ato ba, ne á ren ike̱ng iya a tin fe̱, ne ba kirik nunaan ne mi ku sak ba á tà te atser.’

aYohana 8:33

Ne ba fe̱ be wu ye, “Yir nye yir kuri Ibrahim, yir i kun te yir ásam akak baꞌ. Akye̱ sak wan tá fe̱ ye yir tà sor yir ne̱k e̱?”

aMatiyu 3:9

Sang yin tu wo̱k yin ace yin be kuto̱ro̱ng ye, ‘Ibrahim nye ada yir’ baꞌ. Won ta ka tak yin, Adakunom ta kyem a sok ata na nong a tin nye Ibrahim inoon.

aYohana 8:56

Ada yin Ibrahim nye riye̱ rikan kamok a tá izam mi, ayong a di, a nye riye̱ rikan.”

1 aYohana 2:14

Mi ta zibir yin'e, aya i tan kyem yin ánerawe nabik kamok yin ren yin aKiristi'me aya a tá se kum ni ime̱se̱ng'e. Mi ta zibir yin'e, aya i ta ru nye yin acam nabik kamok yin be yin agap nikuus Adakunom ne rife̱ Adakunom'me kuse naye̱ yin. Yin n canang yin Ishetan a ta nye Amaan Aner.