aYohana 8:34 - Izere New Testament

³⁴ aYeso fe̱ be ba ye, “Katsak'e, mi ta ka tak yin, koangan ne a nye rine̱n a nye asam rine̱n.

aYohana 8:34 Referans Kwoze

aRom 6:16

Yin ren yin ye, ke yin no̱o̱k yin rice yin i ta te yin ásam aner akak, to̱, yin sor yin ásam aner ayong, ta kuus yin rife̱ wu aꞌa? Ka tu sor yin ásam rine̱n, ri tana sak ánerawe ta ku, ka tu kuus yin rife̱ Adakunom ri tana sak ta te yin gye̱r nasho̱o̱n wu.

2 aBitrus 2:19

Á fe̱ be ánerawe ye ba ta se̱ kusor ne̱k, amma ba be rice ba nye ásam kusor kpe̱de̱ng. Kamok anerawe nye asam nufe koakye ike̱ng i tin nye rigwo̱m ni wu.

aRom 6:12

Kamok anong, tu won yin rine̱n tin nye rigwo̱m natoon kuro̱m yin nong ta kuus yin amaan ike̱ng iya wu tà shim baꞌ.

aRom 6:6

Yir ren yir ye an ti gak kuse yir kufe agbugbang kuri kufe rinerawe mak be wu fan ri bin be agap natoon yir. A nye anong fan i bu te yir ásam rine̱n baba.

aTitus 3:3

Yir gip gbugbang i tsang i nye yir áfunam'e ne i shonong yir, a tsang a ni wo̱ro̱k yir, ma i te yir ásam áfe kushim kunye amaan ike̱re̱ iya aye̱ yir ta shim be kushim kufok kusas kusor. Kusor yir tsang kunye kunye ike̱re̱ imaan'e ne rishishim. Ánerawe ti rayir ne yir ma ka rayir ba.

Afisa 2:2

riya yin tin se yin nizen iya yin tá kuus yin kuri kutseng kazatse na ne i kuus yin agwo̱m, aya a tin nye rigwo̱m natoon nabik naya na tase natoon kaza. Wu ne a nye kabik kaya ka ta whap aye̱ ánerawe áya a ta gaar ku kuus Adakunom.

aRom 7:25

Mi be riye̱ rikan be Adakunom kamok a ti shesh be aYeso Kiristi Agwo̱m Ágwo̱m yir. Kamok anong kaye̱e̱r riye̱ mi, mi te asam Itsi Adakunom, amma kaye̱e̱r kuse rinerawe mi te asam ike̱re̱ ife rine̱n tá fe̱ ye i ra nye.

aRom 8:21

ye ike̱re̱'me cei be rice ba tà se̱ kashesh, a tà ba bus baꞌ. I ta se̱ kusor ne̱k'ong be kuyiik a tana tonong inoon Adakunom'me.

aRom 7:14

Yir ren yir ye Itsi'me nye itak kabik, amma mi be kuse rinerawe, a ti sok a tá re̱p rine̱n'e kyo̱ndi asam.

Itomong Ámanzo 8:23

Kamok mi di wan n shishing rishishim dide̱ng, ma rine̱n ma ka rosom.”

aYohana 3:3

Ayong aYeso fe̱ be wu ye, “Katsak'e ne mi ta ka tak, akak kusa a ta kyem a no̱ kaye̱e̱r rigwo̱m Adakunom baꞌ, sang ke a bun a tu ku tes kutes dim ba'.”

aMatiyu 5:18

Katsak'e, ne mi ta ka tak yin, kaza be kaben tà gang, ko kaban ike̱ng ikak ihiir'e kaye̱e̱r afumung na ta wei baꞌ, ma koakye a ta fe̱ shining.