aYohana 8:32 - Izere New Testament

³² Ne yin ren yin katsak, ne katsak'e ka sak yin tà sor yin ne̱k.”

aYohana 8:32 Referans Kwoze

aRom 8:2

Kamok kukyem Kabik ku ta nyesek kutser kaye̱e̱r aYeso Kiristi sak mi sor ne̱k, kaye̱e̱r kukyem rine̱n ne riku.

aYohana 8:36

Kamok anong, ke Igon'e ta ka no̱o̱k yin iren kusor ne̱k, to̱, yin tà se̱ yin kusor ne̱k kufe katsak.

aYohana 17:17

Ku sak ba á tu sor zhe̱l be katsak, rife̱ wan ne rinye katsak.

1 aBitrus 2:16

Sor yin kyo̱ndi áner aya a ta se ne̱k, sang tu sok yin kusor ne̱k'e nong tin nye yin amaan kunye baꞌ. Amma sor yin kusor kuya ku tana tonong ye yin nye yin ásam Adakunom.

aYohana 14:6

aYeso fe̱ be wu ye, “Mi ne i nye iren, ne i nye katsak ne i nye kutser. Akak ta kyem tseng nufe Ada'me baꞌ, ma a gor nunaan.

aRom 6:22

Amma kyo̱o̱rna a ta ma ka tun yin kaye̱e̱r rine̱n i tan te yin ásam Adakunom, ike̱ng iya yin tana se̱ yin nye kusor kuzhe̱l'e kuya ku tana be̱e̱n be kutser kufe izen izen.

aYakub 1:25

Amma aner aya ne a ye̱re̱k itsi iya i ta se gye̱r ife i ta be̱e̱n kusor ne̱k, ne a yiir kunye anong, a tiburum ikeng wu ta fok baꞌ, amma a yiir nye'me, a tu ku te awe̱ng natoon ikeng wu ta nye.

aGalati 5:1

Kamok nong ta sor yir ne̱k ne i sak aKiristi ti tun yir kaye̱e̱r kukuus Itsi. Kamok anong nyeseng yin be agap, sang tu ba sor yin kyo̱ndi ásam baba baꞌ.

aYakub 2:12

Fe̱ kanu ne i nye kyo̱ndi aya a tana ku to̱ ba amok be Itsi iya i tana be̱e̱n kusor ne̱k.

aGalati 5:13

Ároneng, a ta yis yin nong ta sor yin ne̱k, amma sang tu sok yin kusor ne̱k'e nong i ta sor iren afe yin tana nye yin ike̱re̱ iya kuro̱m yin ta shim baꞌ, amma naka tobok yin kaye̱e̱r kushim.

aYohana 7:17

Aner aya a ta shim a ta nye ike̱ng iya Adakunom ta shim, a ta ren ye kubo̱so̱p'i ne nufe Adakunom, sang kufe rice mi.

aRom 8:15

Kamok Kabik a tá ka no̱o̱k yin nye kabik kaya ka tana ka sak yin ta te yin asam ne i fok yin inyim baꞌ. Amma yin se̱ yin Kabik ku te inoon Adakunom be anong ne yir yis yir Adakunom ye, “Abba, Ada.”

aYohana 16:13

Amma izen iya ife Kabik kafe katsak'e be̱, a tà ka tonong yin iren katsak cei kamok sang, a tà fe̱ rife̱ rice wu baꞌ. Ike̱ng iya wu ta foos tsek ne wu tà fe̱. A tà bun a tà ka taas yin ike̱re̱ iya i ta rusek, nong a tà ra nye.

2 aTimoti 3:7

Ányining kuri ayu shim kubo̱so̱p ike̱re̱ ifas, amma á ra kyem á ren katsak baꞌ.

aYohana 6:45

I se ni izibir kaye̱e̱r afumung áner kuzarap agbugbang'e ye, ‘Adakunom ne a tu ku bo̱so̱p ba'me cice̱r ba.’ Koangan afe a ta wesek kuto na Ada'me ne a bo̱so̱p nufu, a ta be̱ nunaan.

aMatiyu 11:29

Kuus yin ike̱ng iya mi ta fe̱, i bo̱so̱p yin nunaan, kamok mi se whiwhe̱ ne i be kabik kumees rice, yin ta se̱ yin kameneng riye̱.

aYohana 1:14

Rife̱'me te anerawe ne a sor kaye̱e̱r yir. Yir n di yir kuyiik wu, kuyiik kuya ku ta nye kufe asuze̱r Igon ku ta ne nufe Ada wu tsek, a ta shining be ritek ne katsak.

aYohana 1:17

Kamok Itsi be̱ nubo̱k aMusa, amma ritek be katsak be̱ nubo̱k aYeso aKiristi.

1 aKoranti 7:22

Koangan aya a tá tsang a nye asam nizham Agwo̱m Ágwo̱m tá ra ku yis, a ba nye asam baba baꞌ. Anong ne asam aya Agwo̱m Ágwo̱m tú ku no̱o̱k kusor washak, n te asam aKiristi makong.

2 aYohana 1:1

Mi, ako̱k kasho̱o̱n ikilisiya, angasneng be inoon wan Adakunom tá ka kasa nong tu ku kuus. Mi ta shim yin be riye̱ rizining. Mi tsek ne i ta shim yin baꞌ, cice̱r áya a ta ren katsak natoon Adakunom ta shim yin.