aYohana 8:31 - Izere New Testament

³¹ Ayong aYeso fe̱ be áner aYahuda áya a tin no̱o̱k katsak ni wu ye, “Ke yin kuus yin kubo̱so̱p'i, to̱, yin nye yin álimazhiri mi áfe katsak.

aYohana 8:31 Referans Kwoze

2 aYohana 1:9

Katsak'e, mi ta ka tak yin, koangan afe sang a ta kuus kubo̱so̱p aKiristi ta shim baꞌ, a yiir nye ike̱re̱ wu ta shim tsek, an te azining be Adakunom baꞌ. Aner aya a ta yiir kuus kubo̱so̱p aYeso Kiristi an te azining be Ada ne aYeso Igon Adakunom'me.

2 aTimoti 3:14

Amma, wan aTimoti, ya kasho̱o̱n be ike̱ng iya a tá ka bo̱so̱p'e, wan ren kunye katsak kamok wan ren kuri áner aya wan tá bo̱so̱p nufuba.

aYakub 1:25

Amma aner aya ne a ye̱re̱k itsi iya i ta se gye̱r ife i ta be̱e̱n kusor ne̱k, ne a yiir kunye anong, a tiburum ikeng wu ta fok baꞌ, amma a yiir nye'me, a tu ku te awe̱ng natoon ikeng wu ta nye.

1 aTimoti 4:16

Sak riye̱ be kutseng wan ne i sak riye̱ be ike̱ng iya wan tá bo̱so̱p. Na ka tsesek ta nye ike̱re̱'ong kamok ke wan ti nye itomong be ike̱re̱'me, wan ta shesh rice wan be áfe a ta ka foos.

aKolosi 1:23

ke yin ya yin kasho̱o̱n be kuno̱o̱k katsak yin, ne i nyeseng yin kpa natoon'e. Sang tu won yin a ta ka zuur yin ma ta won yin ku ni te riye̱ riya yin ta min te yin nizen iya yin tá fok yin Rife̱ Ritek'e baꞌ. Rife̱ Ritek yin tá tsang i fok yin'ong ne a taas koakye kuri ánerawe á ta se nazatse ne mi aBulus ti te aner itomong'e.

Ibrani 3:14

Yir ta te yir azining be aYeso ke i yiir yir katsak yir ta be yir kum ni ime̱se̱ng'e kpa ma nigang'e.

Itomong Ámanzo 14:22

ne á tsang á tsesek áfikuus ne a ku nyesek ba itabak ye á ra yiir rife̱ riya ba ta min no̱o̱k katsak be agap. Ne á fe̱ ye “Ma be risam dide̱ng nizham yir tà ra no̱ yir kaye̱e̱r rigwo̱m Adakunom.”

1 aYohana 2:24

Kamok anong, mi fe̱ be yin ye i ra yiir yin rife̱ yin tá fok yin kum ni ime̱se̱ng'e. Ke yin nye yin anong, yin ta te yin azining be Igon Adakunom'me ne Adakunom a ta nye Ada'me.

aRom 11:22

Aze yir di yir Adakunom be kuro̱ riye̱ ne a se nye̱k nye̱k. A se nye̱k nye̱k be áya a ta kpas, amma a ro̱ riye̱ wan ke wan ya kasho̱o̱n kaye̱e̱r kuro̱ riye̱ wu. Ke anong baꞌ, wan gip a tà ka tun kaye̱e̱r ritin'e.

aRom 2:7

Áner áya a ta tsesek kaye̱e̱r kunye ike̱re̱ itek nong a ta se̱ nakerek be kuyiik ne kutser kufe izen izen, ba ne Adakunom tà ka no̱o̱k ba ishorong kutser kufe izen izen.

aMatiyu 24:13

Amma aner aya ne a nyeseng be agap ma nigang'e, a tà se̱ kashesh.

aYohana 8:36

Kamok anong, ke Igon'e ta ka no̱o̱k yin iren kusor ne̱k, to̱, yin tà se̱ yin kusor ne̱k kufe katsak.

aYohana 6:55

Kamok rinam kuro̱m mi nye kunik naya ne naso̱k'i nye kunik'e.

Itomong Ámanzo 13:43

Ánerawe ta fa naka kaas, yong áner aYahuda be áya a ta nye áner aYahuda baꞌ, áya a tá won kukuus igo̱o̱n ba á te áner aYahuda kuus aBulus be aBarnabas. Iyong aBulus be aBarnabas'e fe̱ be ba ye a ru ya kasho̱o̱n kaye̱e̱r ritek Adakunom.

1 aYohana 2:19

Ámudo̱n'e se kaye̱e̱r yir nizham a tá ra wuruk, ba kun se mak be yir nigaan'e baꞌ. Ke a fa nye ye ba nye afikuus be yir katsak'e, ke a sor mak be yir. Kukam ba be yir tonong ye ba nye afe yir baꞌ.

Ibrani 8:9

Iyong ta se kyo̱ndi kushu mi tá nye be átukop ba nizen iya mi tá ka ko̱ro̱k ba kubo̱k i tá ka tun ba niben aMasar baꞌ, kamok ba yiir kushu mi tá nye be ba be katsak baꞌ. Kamok anong Agwo̱m Ágwo̱m fe̱ ye, Mi ta ka kirik ba kama.

1 aTimoti 2:15

Gip be anong, aner abining ta se̱ kashesh kamok a tes inoon ke a ya kasho̱o̱n kaye̱e̱r kuno̱o̱k katsak be kushim kuse zhe̱l ne a yiir rice wu.

aYohana 1:47

aYeso tá fa di aFilibus tá saase nufu ayong a fe̱ be wu ye, “Di, yin aner Isarela afe katsak, aya a ta be naborok baꞌ.”

Itomong Ámanzo 26:22

Amma Adakunom ti se̱ mo ma nizen iyu, kamok anong ne mi nyeseng aze i ta taas asho̱n be inoon. Sang mi fe̱ ike̱ng ikak ze̱e̱r be rife̱ áner kuzarap ne iya aMusa tá fe̱ baꞌ.

aYohana 2:2

A tak aYeso be álimazhiri wu kuwe̱ne̱ng'e gip.