aYohana 8:24 - Izere New Testament

²⁴ Kamok anong, mi fe̱ be yin ye yin tà kus yin be rine̱n yin. Kamok ke yin tin no̱o̱k yin katsak ye ‘Mi Ne I aya wu aya mi tá ka tak yin baꞌ, yin tà kus yin be rine̱n yin.’ ”

aYohana 8:24 Referans Kwoze

aYohana 3:36

Koangan ne a tin no̱o̱k katsak ni Igon'e, a be kutser kufe izen izen. Amma afe a ta rawu Igon'e, a tà se̱ kutser'ong baꞌ, kamok riye̱ kubeseng Adakunom se rice wu.”

aYohana 3:18

Koangan afe a tin no̱o̱k katsak ni wu, a tu ku to̱ amok baꞌ, amma aya a tin no̱o̱k katsak baꞌ, a mu ku to̱ amok kamok a tin no̱o̱k katsak riyerek asuze̱r Igon Adakunom baꞌ.

aMarkus 16:16

Aner aya ne a ti no̱o̱k katsak, a tu ku nye abatisma a ta se̱ kashesh. Amma aner aya ne a gaar ku ni no̱o̱k katsak, a tù ku to̱ amok.

Ibrani 12:25

Sak yin riye̱, tu rayin aner a ta fe̱ rife̱ na baꞌ. Ke á kyem á wher nizen ba tá raba aner aya a tá ka tigba ba nazatse baꞌ, yir ta nye yir ane̱ ta wher yir ke yir ti nang yir kama ni wu afe a tin tigba yir naza e̱?

aYohana 13:19

“Mi ta taas yin ike̱re̱ na nizham, nong ase̱ ke izen'e nye, yin tà no̱o̱k yin katsak ye mi nye wu.

aYohana 4:26

Iyong aYeso fe̱ be wu ye, “Mi afe i ta sen fe̱ be wan, mi ne i nye wu.”

Ibrani 2:3

yir tà nye yir ane̱ ta wher yir ke yir gaar yir kushan agbang kashesh kuri kuyu e̱? Agwo̱m Ágwo̱m yir be rice wu ne a taas itak kashesh na ni ime̱se̱ng'e. Áner áya a tú ku fok ti tonong yir ye i se anong be katsak.

aYohana 8:21

Ayong aYeso bun a fe̱ be ba ye, “Mi ta tseng, yin tin tse̱r yin, ta kus yin be rine̱n yin. Yin tà kyem i tseng yin naro̱ mi tu ku be baꞌ.”

Itomong Ámanzo 4:12

“A se̱ kashesh nufe akak ze̱e̱r baꞌ, kamok riyerek rikak kuse ze̱e̱r a tá no̱o̱k anerawe natoon kaza nong a tin se̱ kashesh baꞌ.”

aMarkus 13:6

Ánerawe whe̱re̱ tà be̱s kaye̱e̱r riyerek'i ne á fe̱ ye ba ne á nye mi, ne á wo̱ro̱k anerawe whe̱re̱.

aLuka 21:8

Ayong aYeso fe̱ be ba ye, “Sak yin riye̱, fan akak ba ka wo̱ro̱k yin. Kamok ánerawe whe̱re̱ tà be̱s kaye̱e̱r riyerek'i ne á fe̱ ye, ei, ba ne á nye mi, ne á bun á fe̱ ye, ‘Izen m be̱ bubarak.’ Sang tu kuus yin baꞌ.

aMatiyu 24:5

Kamok ánerawe whe̱re̱ tà be̱s kaye̱e̱r riyerek'i, ne á fe̱ ye, ‘Mi ne i nye aKiristi,’ ma á tà wo̱ro̱k ánerawe whe̱re̱.

aYohana 8:25

Ayong á rip aYeso ye, “Wu wan nye angan nigaan'e e̱?” Ne aYeso fe̱ be ba ye, “Mi ne i nye aya mi tá ka tak yin kum ni ime̱se̱ng'e.

aYohana 8:28

Iyong sak aYeso fe̱ be ba ye, “Nizen yin tana sok yin Igon Anerawe naza, nizen iyong ne yin tà ren yin ye ‘Mi ne i nye,’ yin tà ren yin ye sang mi nye ike̱ng ikak mi ka ma mi baꞌ, amma ike̱ng iya Ada'me tin bo̱so̱p'e ne mi fe̱ tsek.

aYohana 8:58

aYeso fe̱ be ba ye, “Katsak'e ne mi ta ka tak yin, nizham a tá ra tes Ibrahim ‘Mi Nye I Nye.’ ”