aYohana 8:21 - Izere New Testament

²¹ Ayong aYeso bun a fe̱ be ba ye, “Mi ta tseng, yin tin tse̱r yin, ta kus yin be rine̱n yin. Yin tà kyem i tseng yin naro̱ mi tu ku be baꞌ.”

aYohana 8:21 Referans Kwoze

aYohana 7:34

Yin tin tse̱r yin, tin se̱ yin baꞌ. Karo̱ kaya mi tana ku se, yin tà kyem i be̱ yin baꞌ.”

aYohana 8:24

Kamok anong, mi fe̱ be yin ye yin tà kus yin be rine̱n yin. Kamok ke yin tin no̱o̱k yin katsak ye ‘Mi Ne I aya wu aya mi tá ka tak yin baꞌ, yin tà kus yin be rine̱n yin.’ ”

aYohana 13:33

“Inoon'i, mi tà se be yin nizen cie̱k tsek. Yin tin tse̱r yin, amma kyo̱ndi mi tá fe̱ be áner aYahuda, anong ne mi bun i fe̱ be yin ye, ‘Karo̱ kaya mi tù ku be yin ta kyem i tseng yin baꞌ.’

Afisa 2:1

Gbugbang yin tsang i se yin kyo̱ndi ikom'e, kamok kuraar yin ne rine̱n yin tin sor yin kaye̱e̱r'e,

aYohana 12:35

aYeso fe̱ be ba ye, “Akanang se mak be yin nizen cie̱k tsek. Kamok anong, kutseng yin kum ne akanang'e rusek, fan awhi ba ka se̱ yin. Aner aya a ta tseng nawhi ren karo̱ wu tu ku be baꞌ.

aYohana 12:33

aYeso fe̱ anong, nong a ta tonong kuri riku wu tana ku.

aMatiyu 25:46

“Aner ayu ne á tá no̱ kaye̱e̱r risam kufe izen izen, amma aya a ta se gye̱r nasho̱o̱n Adakunom ta se̱ kutser kufe izen izen.”

aMatiyu 25:41

“Ne a fe̱ be áya a ta se nubo̱k rimen wu ame ye, ‘Kam yin be mi, yin aya a tá ma ka fiming yin, no̱ yin kaye̱e̱r kuro̱ng kufe izen izen, kuya a ta tsang a nye kamok Ishetan be ámaleka wu.

aMatiyu 23:39

Kamok anong, katsak'e ne mi ta ka tak yin, yin tà bin di yin baꞌ, ma katuk kaya ne yin fe̱ yin ye, ‘Aner riye̱ rikan ne a nye aner aya a tá be̱ kaye̱e̱r riyerek Agwo̱m Ágwo̱m.’ ”

aYohana 7:36

Akye̱ ne wu shim a ta fe̱ wu tá fe̱ ye, ‘Yin tin tse̱r yin, amma yin tin se̱ yin baꞌ e̱?’ Ne, ‘Karo̱ mi tù ku be, yin ta kyem i tseng yin ba e̱?’ ”