aYohana 8:19 - Izere New Testament

¹⁹ Ayong á tú ku rip ye, “Ada wan'e se ake̱ e̱?” aYeso fe̱ be ba ye, “Yin ti ren yin baꞌ, yin bun i ren yin Ada mi baꞌ. Yin fa ni ren yin ke yin ren yin Ada mi gip.”

aYohana 8:19 Referans Kwoze

aYohana 16:3

Á tà nye ike̱re̱ iyong kamok sang ba n ren Ada ka mi baꞌ.

1 aKoranti 15:34

Kubun yin kaye̱e̱r kuto̱ro̱ng yin kutek, won yin kunye rine̱n. Ákak yin ren Adakunom baꞌ. Mi fe̱ iyu nikum tà fok yin isum.

aYohana 7:28

aYeso ta sen bo̱so̱p ánerawe'me kaye̱e̱r kubang agbang kutu kuya Adakunom iben'e, a tá kuto̱ naza ye, “Ei, yin ti ren yin, ne i ren yin karo̱ afe mi tú ku ne, mi be̱ kube̱ rice mi baꞌ. Amma aya a tin tom nye afe katsak, yin tu ku ren yin baꞌ.

aYohana 1:10

Rife̱'me se kaye̱e̱r kazatse gbugbang, kamok be wu ne a tin nye kazatse, gip be anong kazatse'me tu ku ren baꞌ.

aMatiyu 11:25

Nizen iyong aYeso fe̱ ye, “Mi be riye̱ rikan Ada, Agwo̱m Ágwo̱m atek kaza be kaben, kamok wan ta ne̱r áya a ta be ritseng ne áya a ta ren ike̱ng, ike̱re̱ na ne i tonong áya a ta be kumees rice.

2 aYohana 1:9

Katsak'e, mi ta ka tak yin, koangan afe sang a ta kuus kubo̱so̱p aKiristi ta shim baꞌ, a yiir nye ike̱re̱ wu ta shim tsek, an te azining be Adakunom baꞌ. Aner aya a ta yiir kuus kubo̱so̱p aYeso Kiristi an te azining be Ada ne aYeso Igon Adakunom'me.

1 aYohana 5:20

Yir ren yir gip ye Igon Adakunom m be̱ nong a tin no̱o̱k yir kuren ike̱ng nong ta ren yir aya a ta nye katsak. Yir se yir kaye̱e̱r Adakunom a ta nye katsak, kamok yir se yir kaye̱e̱r Igon wu aYeso Kiristi. Wu ne a nye Adakunom afe katsak ne a nye kutser kufe izen izen.

aGalati 4:9

Amma kyo̱o̱rna yin ta ren yin Adakunom be katsak, ka a ta fe̱ ye Adakunom ta ren yin, akye̱ sak yin bun i sen kuburung yin na kpe̱de̱ng igo̱o̱n i ta won dar i be agap anong e̱? Yin bun i shim yin, ta te yin ásam ba gbak a?

aYohana 17:3

Kutser kufe izen izen'e nye ye, ánerawe ra ka ren ye, wan ze̱r ne i nye Adakunom afe katsak, ne á ren aYeso Kiristi aya wan tá tom.

aKolosi 1:10

Yir nye yir aduwa nong ase̱ yin ta sor yin kusor kuri kuya ku ta tas kufe áfikuus Agwo̱m Ágwo̱m ne i nye yin ike̱re̱ iya i tana ku kare̱p riye̱ na koakye kuri iren. Kuri kusor yin ta sor yin ta tonong ye kuse kutek ne yin ni barang yin kurasak kaye̱e̱r kuren Adakunom.

aYohana 15:21

Ba tà nye be yin anong kamok riyerek'i, kamok ba ren aya a tin tom baꞌ.

Ibrani 1:3

Igon'e ne ka nye akanang kuyiik Adakunom, a tas Adakunom kyo̱o̱n. A yiir koakye ike̱ng be kukyem rife̱ wu. Nama a tá sak yir ta te yir zhe̱l kaye̱e̱r rine̱n yir, yong a sonong nubo̱k riya Aya a ta nye a yiik'e kaye̱e̱r kaza.

aKolosi 1:15

aKiristi ne a nye aner aya a ta tas Adakunom afe sang a tu ku di baꞌ, wu ne a nye igon ime̱se̱ng'e kaye̱e̱r ike̱re̱ Adakunom tá nye cice̱r.

Afisa 1:17

Mi yiir kunye aduwa ye Adakunom afe Agwo̱m Ágwo̱m yir aYeso Kiristi, Ada yir ayiik'e ye a ra ka no̱o̱k yin kabik kafe kukyem ne kafe kuren ike̱ng nong ase̱ yin tù ku ren yin dide̱ng.

aYohana 1:18

Aner akak kun di Adakunom baꞌ. Amma asuze̱r ke Igon wu tsek, aya a ta se rifam Atek wu, ne a sak yir tú ku ren yir.

1 aYohana 2:23

Akak kuse a tana rawu Igon Adakunom ne a te azining be Ada'me baꞌ. Aner aya a ta shan Igon'e, a shan Adakunom a ta nye Ada'me gip.