aYohana 8:14 - Izere New Testament

¹⁴ aYeso fe̱ be ba ye, “Ko ke mi fa fe̱ natoon rice mi, rife̱ mi nye katsak, kamok mi ren karo̱ kaya afe mi tú ku ne, be karo̱ kaya afe mi tù ku be. Amma yin ren yin karo̱ kaya afe mi tú ku ne ka karo̱ kaya afe mi tù ku be baꞌ.

aYohana 8:14 Referans Kwoze

aYohana 16:28

Mi ne nufe Ada'me, i ta be̱ nazatse. Kyo̱o̱rna mi sen won kazatse'me nong tù ku bun nufe Ada'me.”

aYohana 13:3

aYeso ren ye Ada'me n won ike̱re̱ cice̱r nubo̱k wu ne a ren ye wu ne nufe Adakunom, nufu Adakunom'me ne wu tù ku bun.

aYohana 14:10

Wan ti no̱o̱k katsak ye mi se kaye̱e̱r Ada'me, ne Ada'me se kaye̱e̱r'i aꞌa? Rife̱ mi tá fe̱ be yin nye rife̱ rice mi baꞌ, Ada'me afe a ta se kaye̱e̱r'i ne a sen nye itomong wu.

aYohana 8:42

aYeso fe̱ be ba ye, “Ke a fa fe̱ ye Adakunom ne a nye Ada yin, ke yin ti shim yin, kamok mi ne nufe Adakunom, kyo̱o̱rna mi se aze. Mi be̱ kube̱ rice mi baꞌ, amma wu ne a ti tom.

aYohana 17:8

Kamok rife̱, wan tin no̱o̱k ne mi tú ku taas ba ne ba shan, ne á ren be katsak ye mi ne nufuan, ne ba ni no̱o̱k katsak ye wan ne i ti tom.

Ike̱ng a ta tonong aYohana 3:14

“Zibir amaleka ikilisiya aLaudikiya'me ye: Rife̱ na nye rife̱ aner a ta yis ye, ‘Anong.’ Wu ne a tonong katsak Adakunom kaye̱e̱r katsak, be wu ne Adakunom nye koakye ike̱ng.

2 aKoranti 12:19

Sang tu to̱ yin kyo̱ndi nizen iyong cei, yir fe̱ yir nong tin te̱ne̱ng yir rice yir nasho̱o̱n yin baꞌ. Adakunom ren, yir fe̱ yir katsak kyo̱ndi áya a ta se kaye̱e̱r aKiristi. Ároneng áfe riye̱ mi, koakye ike̱ng yir ta nye yir, i nye yir nong yin tin se̱ yin agap.

2 aKoranti 12:11

Mi te be rice mi kyo̱ndi afunam, amma yin ne i ti sak yin i ta te anong. Fa gye̱ ke yin ne i ti kerek yin mi ti nye ike̱ng ikak baꞌ gye̱rtatan, “ágbang ámanzo” yin'ong ti nar baꞌ.

2 aKoranti 11:31

Adakunom ne a nye Ada Agwo̱m Ágwo̱m yir aYeso, aya a tana ku kerek ma izen izen, ren ye mi sen bo̱s abo̱o̱s baꞌ.

aYohana 10:36

Mi ne Ada ti sak i tá te zhe̱l, ne a ni tom nazatse, rife̱ kuzhe̱e̱sh ne mi tá fe̱ ye mi nye Igon Adakunom a?

aYohana 10:15

Kyo̱ndi Ada'me tin ren, anong ne mi ren Ada'me. Mi no̱o̱k rice mi kamok itsamang'me.

aYohana 5:31

“Ke mi fe̱ rife̱ natoon rice mi, to̱, i nye ye rife̱'me yong nye katsak baꞌ.

aYohana 18:37

Amma aBilatus fe̱ ye, “Aser, wan nye agwo̱m a?” aYeso fe̱ ye, “Wan ne wan fe̱ be kanu wan ye mi nye agwo̱m. Ike̱ng iya i tá sak a tin tes'ong, nong ta taas katsak'e. Koangan a ta nye afe katsak, shim kufoos kuto̱ mi.”

Ike̱ng a ta tonong aYohana 1:5

aYeso Kiristi, aya a ta tonong ike̱re̱ na kaye̱e̱r katsak se mak be yin. Wu ne a ta nye ime̱se̱ng'e kaye̱e̱r aya á ta dorok nure̱k be kutser, ne a ninye rigwo̱m natoon ágwo̱m kazatse cice̱r a ti tonong yir kushim, a tá nyosong naso̱k wu nong a tin shesh yir kaye̱e̱r rine̱n yir.